ᐃᑲᔫᑎᒃᓴᑦ ᐃᖅᑲᓇᐃᔭᖅᑎᑦᑎᔨᓄᑦ
ᐃᓚᓕᐅᔾᔨᓯᒪᑦᑎᐊᕐᓗᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᖅᑕᐅᕙᒃᑐᑦ ᐱᕚᓪᓕᕈᑕᐅᔪᓐᓇᖅᐳᑦ ᑕᒪᐃᓐᓄᓕᒫᖅ. ᒥᑭᑦᑐᒥᒃ ᑲᒻᐸᓂᒥᒃ ᐊᖏᔪᒥᒡᓘᓐᓃᑦ ᐊᐅᓚᑦᑎᒐᓗᐊᕈᕕᑦ, ᐃᖅᑲᓇᐃᔭᕐᕕᖕᓂ ᒪᓂᒪᑎᑦᑎᓂᖅ ᐃᓕᖕᓂᒃ ᐃᑲᔪᕈᓐᓇᖅᐳᖅ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒥᒃ, ᐊᖏᒡᓕᒋᐊᖅᑎᑦᑎᓗᓂ ᐃᖅᑲᓇᐃᔭᖅᑎᓂᒃ ᐱᓯᒪᐃᓐᓇᕐᓂᕐᒥᒃ, ᐱᐅᓂᖅᓴᒃᑯᓪᓗ ᐃᑲᔪᖅᑐᐃᓗᓂ ᓄᓇᓕᒋᔭᕐᓂᒃ.
ᐊᑐᐃᓐᓇᐅᔪᖅ ᐅᕙᓂ ᒪᒃᐱᒐᕐᒥ:
- ᐃᑲᔫᑎᒃᓴᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᒻᒪ ᐃᑲᔪᖅᓱᐃᓂᕐᒧᑦ ᐃᓄᖕᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ
- ᐱᔭᕇᖅᓯᒪᔭᕆᐊᓕᓐᓄᑦ ᓇᓗᓇᐃᔭᐃᓯᒪᔪᑦ ᐊᒻᒪ ᐋᖅᑭᓱᖅᓯᒪᕙᒌᖅᑐᑦ ᓴᖅᑮᓂᕐᒧᑦ ᐃᓚᓕᐅᔾᔨᓂᕐᒥᑦ ᐊᒻᒪ ᐊᑐᐃᓐᓇᐅᔪᓂᑦ ᐃᖅᑲᓇᐃᔭᕐᕕᓐᓂᑦ
- ᒪᓕᒃᑕᐅᔪᒃᓴᑦ ᐃᑲᔪᕈᑎᒃᓴᑦ ᐃᑲᔪᖅᓱᐃᓂᕐᒧᑦ ᐅᓄᕐᓂᖅᓴᓂᒃ ᓄᓇᓕᖕᓂ ᑐᕌᒐᕆᔭᐅᔪᓂᒃ ᓲᕐᓗ ᐃᓅᖃᑎᒌᖕᓂᕐᒧᑦ ᓇᖕᒥᓂᖃᕐᓂᖅ
ᖃᐅᔨᒋᐊᕐᓗᒋᑦ ᖃᓄᐃᑦᑑᓂᖏᑦ ᐊᑖᓂ ᖃᐅᔨᓂᐊᕋᕕᑦ ᐊᑐᕐᓂᖃᖅᑐᓂᒃ, ᑐᑭᓯᓇᑦᑎᐊᖅᑐᓂᒃ ᐃᑲᔫᑎᒃᓴᓂᒃ ᐋᖅᑭᒃᑕᐅᓯᒪᔪᑦ ᐃᖅᑲᓇᐃᔭᖅᑎᓄᑦ ᓄᓇᕗᒻᒥ ᐊᒻᒪ ᑲᓇᑕᓕᒫᒥ.
ᑐᙵᕕᒋᔭᐅᔪᖅ ᐃᓚᓕᐅᔾᔨᓯᒪᑦᑎᐊᕐᓗᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᑐᖅᑕᐅᕙᒃᑐᑦ
ᐃᖅᑲᓇᐃᔭᖅᑎᑦᑎᔨᐅᑎᓪᓗᑎᑦ ᓄᓇᕗᒻᒥ, ᑐᑭᓯᐅᒪᕗᑎᑦ ᓇᓂᓯᓂᖅ ᐃᖅᑲᓇᐃᔭᖅᑎᑦᑎᓂᕐᓗ ᐱᐅᔪᒻᒪᕆᖕᓂᒃ ᐃᖅᑲᓇᐃᔭᖅᑎᓂᒃ ᐊᒃᓱᕈᕐᓇᕈᓐᓇᕐᓂᖓᓂᒃ. ᑭᓯᐊᓂ, ᐊᒥᓲᕗᑦ ᐊᔪᙱᑦᑐᑦ ᐃᓄᐃᑦ ᐃᖅᑲᓇᐃᔭᕈᒪᑦᑎᐊᖅᑐᑦ. ᐃᓕᑦᑎᓗᑎᑦ ᐱᕚᓪᓕᕈᑕᐅᔪᓐᓇᖅᑐᓂᒃ ᐃᖅᑲᓇᐃᔭᖅᑎᑦᑎᓂᐊᕐᓗᓂ ᐃᓄᖕᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ.
ᐃᑲᔫᑎᒃᓴᑦ
ᐱᓗᒋᑦ ᑐᖅᑯᕐᓗᒋᓪᓗ ᑎᑎᖅᑲᙳᖅᑎᓪᓗᒋᓪᓘᓐᓃᑦ ᐅᑯᐊ ᐃᑲᔫᑎᒃᓴᑦ.
ᐃᖅᑲᓇᐃᔭᖅᑎᑖᕐᓂᖅ ᐊᔾᔨᒌᙱᕈᓘᔭᖅᑐᓂᒃ
ᑖᒃᑯᐊ ᐃᑲᔫᑎᒃᓴᑦ ᐊᔪᕆᖅᓲᔾᔨᔾᔪᑕᐅᕗᑦ ᐃᓚᓕᐅᔾᔨᓯᒪᓂᒃᑯᑦ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒥᒃ ᐱᓕᕆᐊᖑᓂᓕᒫᖓᓂ, ᐃᓚᒋᔭᐅᓪᓗᓂ ᑎᑎᕋᕐᓂᖅ ᐃᖅᑲᓇᐃᔮᒃᓴᓂᒃ ᒪᓂᓴᐅᑎᓂᒃ, ᐊᐱᖅᓱᖃᑦᑕᕐᓂᖅ, ᐊᒻᒪ ᑲᒪᒋᔭᖃᕐᓂᖅ ᐃᓂᖃᖅᑎᑕᐅᔪᒪᓂᕐᒧᑦ ᑐᒃᓯᕋᐅᑕᐅᔪᓂᒃ.
- ᐱᓕᕆᐊᒃᓴᕆᔭᐅᔪᖅ ᐃᖅᑲᓇᐃᔭᖅᑎᑦᑎᓂᕐᒧᑦ (PDF, 589 KB): ᓇᓗᓇᐃᔭᐃᕗᖅ ᖃᓄᐃᒻᒪᑦ ᐃᖅᑲᓇᐃᔭᖅᑎᑦᑎᓂᖅ ᐃᓚᓕᐅᔾᔨᓯᒪᓗᓂ ᓄᓇᕗᒻᒥ ᐱᕚᓪᓕᕈᑕᐅᓇᔭᕐᒪᖔᑦ ᓇᖕᒥᓂᕆᔭᐅᔪᓄᑦ.
- ᐃᑲᔫᑎᒃᓴᑦ: ᐱᓕᕆᐊᒃᓴᕆᔭᐅᔪᖅ ᐃᓚᓕᐅᔾᔨᓯᒪᓗᓂ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ (PDF, 157 KB): ᑐᑭᓯᓇᑦᑎᐊᖅᑐᓂᒃ ᐱᔾᔪᑎᓂᒃ ᐃᑲᔪᖅᑐᐃᔪᓂᒃ ᐃᓚᓕᐅᔾᔨᓯᒪᓗᓂ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᒻᒪ ᑐᑭᓯᓂᕐᓗᒍᑕᐅᒐᔪᒃᑐᓂᒃ ᐱᑕᖃᕈᓐᓃᖅᑎᑦᑎᓪᓗᓂ.
- CAT ᑐᕌᒐᖏᑦ ᐃᖅᑲᓇᐃᔭᖅᑎᑦᑎᔨᓄᑦ (PDF, 155 KB): ᐊᑐᕐᓗᒍ CAT−ᒧᑦ ᐱᓕᕆᔾᔪᑕᐅᓂᐊᖅᑐᖅ ᐋᖅᑭᒃᓯᓂᐊᕐᓗᓂ ᑐᑭᓯᓇᑦᑎᐊᖅᑐᓂᒃ ᑐᑭᖃᑦᑎᐊᖅᑐᓂᒡᓗ ᐃᓚᓕᐅᔾᔨᓯᒪᓗᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᑐᕌᕆᔭᐅᔪᓂᒃ: ᑐᑭᓯᓇᑦᑎᐊᕐᓗᓂ, ᐱᓕᕆᓗᓂ, ᖃᖓᒃᑰᕋᔭᕐᓂᖓᓂᒃ.
- ᐃᓚᓕᐅᔾᔨᓯᒪᑦᑎᐊᕐᓂᖅ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓᓄᑦ ᐊᑐᖅᑕᐅᔪᓐᓇᖅᑐᖅ (PDF, 152 KB): ᐊᔪᕆᖅᓲᔾᔨᕙᒃᐳᖅ ᐅᔾᔨᕐᓇᖅᓯᑎᑦᑎᓂᕐᒥᒃ ᐊᔪᕈᓐᓃᖅᑕᐅᕙᒃᑐᓂᒃ ᒥᑭᒡᓕᒋᐊᖅᑎᑦᑎᓗᓂᓗ ᐊᔾᔨᒌᒃᑎᑦᑎᙱᓐᓂᕐᒥᒃ ᐃᖅᑲᓇᐃᔮᕕᑦ ᓇᓗᓇᐃᔭᖅᓯᒪᓂᖏᓐᓂᒃ.
- ᐃᓚᓕᐅᔾᔨᓯᒪᓗᓂ ᐃᖅᑲᓇᐃᔮᒃᓴᒥᒃ ᓴᖅᑭᑎᑦᑎᓂᕐᒧᑦ ᐊᑐᖅᑕᐅᔪᓐᓇᖅᑐᖅ (PDF, 159 KB): ᐋᖅᑭᒃᓱᖅᑕᐅᓯᒪᕙᒌᖅᑐᖅ ᐊᑐᖅᑕᐅᔪᓐᓇᖅᑐᖅ ᐋᖅᑭᒃᓱᖅᑕᐅᓯᒪᓪᓗᓂ ᑐᙵᓱᒃᑎᑦᑎᔪᒪᓪᓗᓂ ᐱᓇᔪᒃᑐᓄᑦ ᖃᓄᑐᐃᓐᓇᑦᑎᐊᖅ ᐊᔪᙱᓐᓂᖃᕋᓗᐊᖅᐸᑕ ᓇᓗᓇᙱᑦᑎᐊᖅᑐᒥᒡᓗ ᐅᔾᔨᕐᓇᖅᓯᑎᑦᑎᔪᒪᓪᓗᓂ ᐊᑐᖅᑕᐅᔪᓐᓇᖅᑐᓂᒃ ᐊᑐᖅᑕᐅᕙᒃᑐᓂᒃ.
- ᐃᓚᓕᐅᔾᔨᓯᒪᓗᓂ ᐊᐱᖅᓱᕐᓂᕐᒧᑦ ᑎᑎᖅᑐᕆᐊᓕᑦ (PDF, 160 KB): ᐊᔪᕆᖅᓲᔾᔨᓯᒪᔪᑦ ᖃᓄᖅ ᐱᕙᒌᔭᕈᓐᓇᕐᒪᖔᑦ, ᐱᓕᕆᐊᖃᕈᓐᓇᕐᒪᖔᑦ, ᖃᐅᔨᒋᐊᒃᑲᓐᓂᕐᓗᓂᓗ ᐊᐱᖅᓱᖅᑕᐅᕌᓂᒃᑳᖓᒥᒃ ᐃᓚᐅᑎᑦᑎᓗᓂ ᐃᒃᐱᒍᓱᑦᑎᐊᕐᓗᓂᓗ.
- ᐃᓚᓕᐅᔾᔨᓯᒪᓗᓂ ᐃᖅᑲᓇᐃᔮᒃᓴᒥᒃ ᓴᖅᑭᑎᑦᑎᓂᕐᒧᑦ ᐊᑐᖅᑕᐅᔪᓐᓇᖅᑐᖅ (PDF, 156 KB): ᐋᖅᑭᒃᓱᖅᑕᐅᓯᒪᕙᒌᖅᑐᖅ ᐊᑐᖅᑕᐅᔪᓐᓇᖅᑐᖅ ᐋᖅᑭᒃᓱᖅᑕᐅᓯᒪᓪᓗᓂ ᑐᙵᓱᒃᑎᑦᑎᔪᒪᓪᓗᓂ ᐱᓇᔪᒃᑐᓄᑦ ᖃᓄᑐᐃᓐᓇᑦᑎᐊᖅ ᐊᔪᙱᓐᓂᖃᕋᓗᐊᖅᐸᑕ ᓇᓗᓇᙱᑦᑎᐊᖅᑐᒥᒡᓗ ᐅᔾᔨᕐᓇᖅᓯᑎᑦᑎᔪᒪᓪᓗᓂ ᐊᑐᖅᑕᐅᔪᓐᓇᖅᑐᓂᒃ ᐊᑐᖅᑕᐅᕙᒃᑐᓂᒃ.
- ᐃᓚᓕᐅᔾᔨᓯᒪᓗᓂ ᐊᐱᖅᓱᕐᓂᕐᒧᑦ ᑎᑎᖅᑐᕆᐊᓕᑦ (PDF, 148 KB): ᐊᔪᕆᖅᓲᔾᔨᓯᒪᔪᑦ ᖃᓄᖅ ᐱᕙᒌᔭᕈᓐᓇᕐᒪᖔᑦ, ᐱᓕᕆᐊᖃᕈᓐᓇᕐᒪᖔᑦ, ᖃᐅᔨᒋᐊᒃᑲᓐᓂᕐᓗᓂᓗ ᐊᐱᖅᓱᖅᑕᐅᕌᓂᒃᑳᖓᒥᒃ ᐃᓚᐅᑎᑦᑎᓗᓂ ᐃᒃᐱᒍᓱᑦᑎᐊᕐᓗᓂᓗ.
ᐃᖅᑲᓇᐃᔭᕐᕖᑦ ᐊᒡᕕᐊᕈᑎᖃᙱᓂᖅ
ᑖᒃᑯᐊ ᐃᑲᔫᑎᒃᓴᑦ ᐃᑲᔫᑕᐅᔪᓐᓇᖅᐳᑦ ᐃᖅᑲᓇᐃᔭᕐᕕᒋᔭᐃᑦ ᐃᓚᓕᐅᔾᔨᓯᒪᒐᓗᐊᕐᒪᖔᑦ ᑐᓗᖅᑕᕈᑎᖃᙱᓪᓗᓂᓗ−ᐃᖅᑲᓇᐃᔭᖅᑎᑖᕋᓱᒃᑎᓪᓗᓯᑐᐊᖑᙱᑦᑐᖅ ᑭᓯᐊᓂ ᖃᐅᑕᒫᑦ.
- ᐃᖅᑲᓇᐃᔭᕐᕕᖕᒥ ᐃᓯᕈᓐᓇᕐᓂᕐᒧᑦ ᖃᐅᔨᓴᕈᑎ (PDF, 154 KB): ᒪᓕᒃᑕᐅᔪᒃᓴᖅ ᐃᓕᓴᖅᓯᓂᕐᒧᑦ ᐲᔭᐃᓂᕐᒧᓪᓗ ᑎᒥᒃᑯᑦ, ᖃᕋᓴᐅᔭᒃᑰᕈᓐᓇᐅᑎᒃᑯᑦ, ᐊᒻᒪ ᒪᓕᒃᑕᐅᔭᕆᐊᓕᖕᓄᑦ ᑐᓗᖅᑕᕈᑕᐅᕙᒃᑐᓄᑦ.
- ᐃᓚᓕᐅᔾᔨᓯᒪᓂᒃᑯᑦ ᑲᑎᒪᓃᑦ (PDF, KB): ᐊᔪᕆᖅᓲᔾᔨᓯᒪᔪᑦ ᑲᑎᒪᑎᑦᑎᓂᐊᕐᓗᓂ ᐊᑐᐃᓐᓇᐅᔪᓂᒃ, ᐃᒃᐱᒍᓱᑦᑎᐊᖅᑐᓂᒃ, ᐊᒻᒪ ᐃᓱᒪᒋᔭᖃᑦᑎᐊᖅᑐᓂᒃ ᐊᔾᔨᒌᙱᑦᑐᓂᒃ ᑐᓴᐅᒪᔪᓕᕆᔾᔪᑎᓂᒃ ᐊᒻᒪ ᐱᔪᓐᓇᕐᓂᕆᔭᐅᔪᓂᒃ.
ᓄᓇᓕᖕᓂ ᐃᓅᖃᑎᒌᖕᓂᕐᒧᓪᓗ ᐊᒃᑐᖅᓯᓂᕆᔭᐅᕙᒃᑐᖅ
ᑖᓐᓇ ᐊᑐᖅᑕᐅᔪᓐᓇᖅᑐᖅ ᐃᑲᔪᖅᐸᒃᐳᖅ ᐃᖅᑲᓇᐃᔭᖅᑎᑦᑎᔨᓂᒃ ᕿᓂᖅᑐᓂᒃ ᐃᖅᑲᓇᐃᔭᖅᑎᑦᑎᓂᑐᐃᓐᓇᐅᙱᑦᑐᒥᒃ, ᐃᑲᔪᕐᓂᒃᑯᑦ ᐅᓄᕐᓂᖅᓴᓂᒃ ᓄᓇᓕᖕᓂ ᐃᓚᐅᑎᑦᑎᓂᕐᒥᒃ.
- ᐃᓅᖃᑎᒌᓄᑦ ᓇᖕᒥᓂᕆᔭᐅᔪᓄᑦ ᒪᓕᒃᑕᐅᔪᒃᓴᖅ (PDF, 636 KB): ᕿᒥᕐᕈᓂᖅ ᐃᓅᖃᑎᒌᓄᑦ ᓇᖕᒥᓂᕆᔭᐅᔪᓄᑦ: ᑐᑭᖓ, ᐱᒻᒪᕆᐅᓂᖓ, ᐊᒻᒪ ᖃᓄᖅ ᓇᖕᒥᓂᕆᔭᑦ ᐃᑲᔪᖅᓱᐃᔪᓐᓇᕐᒪᖔᑦ ᐱᓕᕆᖃᑎᖃᕈᓐᓇᕐᒪᖔᕐᓘᓐᓃᑦ ᐃᓚᐅᑎᑦᑎᔪᓂᒃ ᐃᓅᖃᑎᒌᓄᑦ ᓇᖕᒥᓂᕆᔭᐅᔪᓂᒃ.