ᓇᓗᓇᐃᔭᐅᑎ: ASC−ᒧᑦ ᖃᓄᐃᓕᖓᓂᖓ
ᖃᐅᔨᓴᖅᑕᐅᔪᑦ ᖃᓄᐃᓕᖓᓂᖏᑦ
ᐊᕐᕌᒍᓄᑦ ᐱᖓᓱᓄᑦ, ᐳᓚᕋᓚᐅᖅᐳᒍᑦ ᑕᒪᐃᓐᓂᒃ 25−ᓂᒃ ᓄᓇᓕᖕᓂᒃ ᐱᓕᕆᖃᑎᖃᖅᓱᑕᓗ 543−ᓂᒃ ᓄᓇᕗᒻᒥᐅᓂᒃ ᐱᔾᔪᑎᖃᖅᓱᑕ ᐊᑐᕈᓐᓇᕐᓂᕐᒥᒃ.
ᐅᖃᖃᑎᒌᖕᓂᖃᓚᐅᖅᑐᑦ ᑲᑎᙵᓪᓗᑎᒃ (ᐊᖕᒪᓗᖅᓯᓯᒪᓪᓗᑎᒃ) ᐊᒻᒪᓗᑦᑕᐅᖅ ᐃᓄᑑᓪᓗᑎᒃ ᐊᐱᖅᓱᕐᓂᒃᑯᑦ.
ᑲᑎᖃᑎᖃᓚᐅᖅᐳᒍᑦ ᓄᓇᕗᒻᒥᐅᓂᒃ ᐅᑭᐅᓕᖕᓂᒃ 18−ᒥᑦ 88−ᒧᑦ ᖃᓄᑐᐃᓐᓇᖅ ᐊᕐᓇᐅᒐᓗᐊᖅᐸᑕ, 88%−ᖏᑦ ᐃᓚᐅᔪᑦ ᓇᓗᓇᐃᖅᓯᓪᓗᑎᒃ ᐃᓅᓂᕐᒥᓂᒃ (ᐃᓄᐃᑦ).
ᐅᖃᐅᓯᐅᔪᖅ ᓄᓇᓕᖕᒥᐅᑕᐅᔪᒥᑦ
“ᐅᓄᙱᑦᑐᐃᑦ ᓄᓇᓕᖕᒥᐅᑦ ᑎᒥᒥᒍᑦ ᐊᔪᕈᑎᓖᑦ ᐃᓚᐅᔪᓐᓇᖅᐳᑦ ᓄᓇᓕᖕᓂ. ᐊᓪᓛᑦ, ᐃᓱᒪᔪᖓ ᑕᐃᒃᑯᐊ ᑎᒥᒥᒍᑦ ᐊᔪᕈᑎᓖᑦ ᐊᓂᒐᔪᙱᑦᑐᑦ ᐅᕝᕙᓘᓐᓃᑦ ᐃᓚᐅᒐᔪᙱᑦᑐᑦ ᑭᓱᑐᐃᓐᓇᕐᓄᑦ… ᐃᖏᕐᕋᔾᔪᑎᖃᙱᓗᐊᕐᒪᑕ, ᐊᓪᓛᑦ ᐃᓐᓇᐃᑦ ᐱᓱᒍᓐᓇᑦᑎᐊᙱᑦᑐᑦ. ᕙᓯᑖᕆᐊᖃᖅᑐᒍᑦ ᑐᕌᖓᔪᒥᒃ ᐃᓐᓇᕐᓄᑦ.”
ᑭᒡᓕᓯᓂᐊᖅᑕᐅᓯᒪᔪᑦ
- ᑕᑯᒃᓴᐅᑎᑦᑎᕗᑦ 81%−ᖏᑦ ᐃᓄᐃᑦ ᐅᖃᐅᓯᖃᓚᐅᖅᐳᑦ ᓄᒃᑕᖅᑐᖃᖅᐸᖕᓂᖓᓂᒃ, ᑕᒪᓐᓇᓗ ᓯᕗᓪᓕᖅᐸᐅᓪᓗᓂ ᐃᓱᒫᓘᑕᐅᓪᓗᓂ ᓄᓇᕗᒻᒥᐅᓄᑦ
- 80%−ᖑᓪᓗᑎᒃ ᓇᓗᓇᐃᖅᓯᓪᓗᑎᒃ ᐊᑐᕈᓐᓇᕐᓂᕐᒥᒃ ᐱᐅᔪᓂᒡᓗ ᐱᓕᕆᐊᒃᓴᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒡᓗ ᐱᒻᒪᕆᐊᓘᓂᖓᓂᒃ.
7 ᖃᐅᔨᓴᕐᕕᐅᔪᑦ ᑕᐅᑐᒐᖅᑐᑦ ᐊᑐᕈᓐᓇᕐᓂᕐᒧᑦ ᒪᓕᒃᑕᐅᕙᒃᑐᓂᒃ ᑲᓇᑕᒥ ᓯᕗᓪᓕᐅᔾᔭᐅᔪᒪᔪᓂᒃ
1. ᐃᖅᑲᓇᐃᔮᖃᕐᓂᖅ
ᐃᓄᐃᑦ ᓄᓇᕗᒻᒥ ᐊᔪᕐᓇᖅᑐᖅᓯᐅᖅᐸᒃᐳᑦ ᐃᖅᑲᓇᐃᔮᒃᓴᖅᓯᐅᑎᓪᓗᒋᑦ, ᐃᓚᒋᔭᐅᓪᓗᓂ ᑲᙳᓱᒃᐸᒃᑐᑎᒃ ᐊᒃᑐᐊᓂᓕᖕᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ ᖃᐅᔨᒪᓗᐊᙱᑦᑐᑎᒃ ᐃᖅᑲᓇᐃᔭᕐᕕᖕᒥ ᐃᓂᖃᖅᑎᑦᑎᓂᕐᒥᒃ.
53% ᖃᓂᒋᔭᖓᓂ ᑭᐅᔪᑦ ᐅᖃᓚᐅᖅᐳᑦ ᐃᖅᑲᓇᐃᔭᐃᓐᓇᕐᓂᖏᓐᓂ ᐅᓪᓘᑉ ᐃᓚᐃᓐᓇᖓᓂᓘᓐᓃᑦ, ᐅᓄᖅᑐᑦ ᓇᓗᓇᐃᖅᓯᓪᓗᑎᒃ ᐃᖅᑲᓇᐃᔮᖏᓐᓂ ᖁᕕᐊᓇᕐᓂᖓᓂ ᐊᒻᒪ ᐱᕚᓪᓕᕐᓇᕐᓂᖓᓂ.
2. ᓴᓇᔭᐅᓯᒪᔪᑦ ᐊᕙᑎᑦ
ᐃᓄᐃᑦ ᓄᓇᕗᒻᒥ ᐃᒡᓗᑖᕈᒪᔪᑦ ᐃᓄᒋᐊᒃᑐᒃᑯᕕᖕᓂᓪᓗ ᐊᑦᑕᕐᓇᙱᑦᑐᓂᑦ ᐅᐸᒐᕐᓂᖅᑐᓂᒡᓗ. ᓄᑖᓂᒃ ᑲᐃᓪᓗᐊᕈᑎᓄᑦ ᐊᔭᐅᕐᕕᒃ, ᐹᖏᑦ ᓯᓕᖕᓂᖅᓴᓂᒃ, ᐊᓇᕐᕕᖕᓂᒃ ᐊᑐᖅᑕᐅᔪᓐᓇᖅᑐᓂᒃ, ᐊᒻᒪ ᐊᑦᑕᕐᓇᖅᑕᐃᓕᒪᔾᔪᑎᓂᒃ.
ᑭᒃᑯᑐᐃᓐᓇᓄᑦ ᐃᓂᒋᔭᐅᕙᒃᑐᑦ, ᐱᓗᐊᙳᐊᖅᓱᓂ ᑕᒪᒃᑯᐊ ᑭᐱᙳᐃᔭᕐᓂᕐᒧᑦ ᓯᓚᒥᓗ ᐱᓕᕆᐊᖑᕙᒃᑐᓄᑦ, ᐊᔪᕐᓇᕈᔪᒃᐸᒃᐳᑦ ᐅᐸᒋᐊᒃᓴᖅ. ᓄᓇᕗᒥᐅᑦ ᑖᒃᑯᓂᖓ ᓄᓇᓂᒃ ᐱᐅᓯᒋᐊᖅᑕᐅᖁᔨᕗᑦ ᑭᐱᙳᐃᔭᖃᑕᐅᔪᓐᓇᖃᑦᑕᕐᓂᐊᕐᒪᑕ ᐊᒻᒪ ᓯᓚᒥ ᐱᓕᕆᕈᓘᔭᕈᓐᓇᕐᓂᖅᓴᐅᖁᓪᓗᒋᑦ.
3. ᑐᓴᐅᒪᖃᑎᒌᖕᓂᖅ
ᑐᓴᐅᒪᖃᑎᒌᑦᑎᐊᕐᓂᖅᓴᐅᔪᒪᔪᖃᖅᐳᖅ ᐱᔨᑦᑎᕋᖅᑎᓂᒃ ᐊᒻᒪ ᒐᕙᒪᒃᑯᑦ ᑐᑦᑕᕐᕕᖏᓐᓂᒃ.
ᑲᑎᒪᖃᑕᐅᔪᑦ ᐅᖃᐅᓯᖃᓚᐅᖅᐳᑦ ᐊᔪᕐᓇᖅᑐᖅᓯᐅᕈᑕᐅᓲᓂᒃ ᐃᑲᔫᓯᐊᖅᑖᕋᓱᐊᒃᑎᓪᓗᒋᑦ ᐊᒻᒪ ᐱᔨᑦᑎᕋᐅᑎᓂᒃ ᑐᑭᓯᓇᑦᑎᐊᙱᓐᓂᖏᓐᓄᑦ ᐱᓕᕆᔾᔪᓯᖏᑦ. ᐱᔭᕆᐊᖃᖅᐳᑦ ᐊᑐᖅᑕᐅᔪᓐᓇᖅᑐᓂᒃ ᑕᑯᒃᓴᐅᑦᑎᐊᖅᑐᓂᒡᓗ ᐊᑐᖅᑕᐅᕙᒃᑐᓂᒃ ᐊᑐᖅᑐᓂᒃ ᑐᑭᓯᓇᑦᑎᐊᖅᑐᓂᒃ ᐅᖃᐅᓯᕐᓂᒃ.
4. ᓂᐅᕕᖃᑦᑕᕐᓂᖅ
ᐃᓚᐅᖃᑕᐅᔪᑦ ᐃᓚᐅᑎᑦᑎᓂᖅᓴᐅᔪᒪᕗᑦ ᐃᓄᖕᓂᑦ ᑎᒥᒥᒍᑦ ᐊᔪᕈᑎᓕᖕᓂᑦ ᐃᓱᒪᓕᐅᕆᓂᖕᓂᑦ ᓴᖅᑭᔮᖕᓂᖅᓴᐅᓗᑎᒡᓗ ᐱᔾᔪᑎᓕᖕᓂᑦ ᓴᓂᕐᕙᒃᑕᐅᓂᖏᓐᓂᑦ ᑮᓇᐅᔭᑦ.
5. ᐱᓕᕆᐊᒃᓴᐃᑦ ᐱᔨᑦᑎᕋᕐᓂᕆᔭᐅᕙᒃᑐᓪᓗ
ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᓄᓇᕗᒻᒥ ᐱᔪᒪᕙᒃᐳᑦ ᐱᓕᕆᐊᒃᓴᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒡᓗ ᐋᖅᑭᒃᓱᖅᑕᐅᓯᒪᔪᓂᒃ ᐊᖑᒻᒪᑎᔪᒪᓪᓗᑎᒃ ᐱᔭᕆᐊᖃᖅᑕᒥᓄᑦ ᐱᑎᑕᐅᕙᒡᓗᑎᒡᓗ ᐊᕗᖓᑲᓪᓚᒃ.
ᓄᓇᕘᒥᐅᑕᐃᑦ ᕿᓂᖅᐳᑦ ᐱᕕᒃᓴᓂᒃ ᐃᓚᐅᔪᓐᓇᕐᓂᕐᒥᒃ ᐊᖑᓇᓱᖕᓂᕐᒥᒃ, ᒥᖅᓱᕐᓂᕐᒥᒃ, ᓄᓇᓕᖕᓂᓗ ᐱᙳᐊᕐᓂᕆᔭᐅᕙᒃᑐᓂᒃ.
6. ᑐᑭᓯᒋᐊᒐᒃᓴᑦ ᑐᓴᐅᒪᔪᓕᕆᔾᔪᑎᓪᓗ ᓄᑖᙳᖅᐸᓪᓕᐊᔪᑦ
ᓄᓇᕗᒻᒥ ᐊᑭᑐᓗᐊᙱᑦᑐᓂᒃ ᐊᒻᒪ ᑕᑎᒋᔭᒃᓴᐅᔪᓂᒃ ᐃᑭᐊᖅᑭᕕᒃᑰᕈᓐᓇᐅᑎᖃᕆᐊᖃᖅᐳᑦ ᐱᓕᕆᐊᒃᓴᓄᑦ, ᐱᔨᑦᑎᕋᐅᑎᓄᑦ, ᐃᓕᓐᓂᐊᖅᑕᐅᔪᒃᓴᓄᑦ, ᐊᒻᒪ ᐃᖅᑲᓇᐃᔮᒃᓴᓄᑦ.
7. ᐃᖏᕐᕋᔪᓕᕆᓂᖅ
25-ᖑᔪᑦ ᓄᓇᓖᑦ ᓄᓇᕗᒻᒥ ᓈᒻᒪᒃᑐᓂᒃ ᐃᖏᕐᕋᔾᔪᑎᓄᑦ ᓇᓖᕌᕈᑎᒃᓴᖃᙱᑦᑐᑦ. ᑖᓐᓇ ᐃᓱᒫᓘᑕᐅᓂᖅᐹᖑᓚᐅᖅᑐᖅ ᐅᖃᐅᓯᐅᓚᐅᖅᑐᖅ ᐊᐱᖅᓱᕐᓂᑦᑎᓐᓂ ᐊᒻᒪ ᐱᓕᕆᐊᖃᖅᑎᓂᑦ.
ᓄᓇᕗᒥᐅᑦ ᐊᑭᑐᓗᐊᙱᑦᑐᓂᒃ ᐊᒻᒪ ᐊᑐᖅᑕᐅᔪᓐᓇᖅᑐᓂᒃ ᐃᖏᕐᕋᔾᔪᑎᓂᒃ ᐱᔪᒪᖕᒪᑕ ᐃᓐᓇᕐᓄᑦ ᐊᒻᒪ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ.
ᓇᓗᓇᐃᔭᐅᑎ
