ᐱᔨᑦᑎᕋᐅᑎᑦ
ᓄᓇᕗᒻᒥ ᑎᒥᒥᒍᑦ ᐊᔪᕈᑎᓕᖕᓄᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᒃᑯᑦ ᐱᓕᕆᐊᖃᓪᓚᕆᒍᒪᕗᑦ ᐅᔾᔨᕐᓇᖅᓯᑎᑦᑎᓂᕐᒥᒃ ᐃᓚᐅᑎᑦᑎᓂᕐᒥᒃ, ᐃᓛᒃᑰᕈᓐᓇᕐᓂᕐᒥᒃ, ᐱᕕᒃᓴᐅᔪᓐᓇᖅᑐᓂᒡᓗ.
ᒪᓂᒪᑎᑦᑎᕙᒃᐳᒍᑦ ᑭᒡᒐᖅᑐᐃᓂᕐᒥᒃ, ᐃᖅᑲᓇᐃᔭᕐᓂᕐᒧᑦ ᐃᑲᔪᕐᓂᕐᒥᒃ, ᐊᔪᕈᓐᓃᖅᓴᖅᑎᑦᑎᓂᕐᒥᒃ, ᐊᑐᕈᓐᓇᕐᓂᕐᒧᓪᓗ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᐃᑲᔪᖅᑐᐃᔪᒪᓂᕐᒧᑦ ᐃᓄᖕᓂᒃ, ᐃᓚᒌᓂᒃ, ᑲᑐᔾᔨᖃᑎᒌᓂᒡᓗ. ᑐᕌᕆᔭᕗᑦ ᐱᑕᖃᕈᓐᓃᖅᑎᑦᑎᔪᒪᓂᐅᕗᖅ ᐊᔭᖅᑭᑦᑕᕈᑕᐅᕙᒃᑐᓂᒃ ᑲᔪᓯᑎᑦᑎᔪᒪᓂᕐᒧᓪᓗ ᐃᓚᐅᑎᑦᑎᓂᖅᓴᐅᔪᓂᒃ ᓄᓇᓕᖕᓂᒃ. ᐅᖃᐅᔾᔪᖅᑕᐅᔪᒪᒍᕕᑦ, ᐃᑲᔫᑎᒃᓴᓂᒃ, ᐅᕝᕙᓘᓐᓃᑦ ᓇᖕᒥᓂᖅ ᐃᑲᔪᖅᑕᐅᔭᕆᐊᖃᕈᕕᑦ, ᐃᓕᖕᓂᒃ ᐃᑲᔪᕈᒪᕗᒍᑦ.
ᖃᐅᔨᒋᐊᕐᓗᒋᑦ ᐱᔨᑦᑎᕋᐅᑎᕗᑦ ᐊᑖᓂ ᖃᐅᔨᒃᑲᓐᓂᕈᒪᒍᕕᑦ ᖃᓄᖅ ᐃᓕᖕᓂᒃ ᐃᑲᔪᕈᓐᓇᕐᒪᖔᑦᑕ
ᑭᒡᒐᖅᑐᐃᓂᒃ
ᓄᓇᕗᒻᒥ ᑎᒥᒥᒍᑦ ᐊᔪᕈᑎᓕᖕᓄᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᒃᑯᑦ ᑭᒡᒐᖅᑐᐃᕗᑦ ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᐊᔾᔨᒌᒃᑐᒥᒃ ᐊᑐᕈᓐᓇᖁᓪᓗᒋᑦ ᐱᔨᑦᑎᕋᐅᑎᓄᑦ, ᐱᕕᒃᓴᓄᑦ, ᐊᒻᒪ ᐱᔪᓐᓇᐅᑎᓄᑦ. ᐱᓇᔪᖕᓂᕆᔭᕗᑦ ᑭᒡᒐᖅᑐᐃᓂᕐᒧᑦ ᑐᕌᕆᔭᖃᖅᐳᑦ ᑲᒪᒋᔭᖃᕐᓂᕐᒥᒃ ᐊᑐᖅᑕᐅᕙᒃᑐᓂᒃ ᐊᔭᖅᑭᑦᑕᕈᑕᐅᕙᒃᑐᓂᒃ, ᐋᖅᑭᒃᓱᐃᕙᓪᓕᐊᓂᕐᒥᒃ ᐊᑐᐊᒐᕐᓂᒃ, ᐃᑲᔪᕐᓂᕐᒥᒡᓗ ᐃᓄᖕᓂᒃ ᐊᐅᓚᑦᑎᕝᕕᖃᕐᓂᕐᒥᒃ ᐊᓂᒍᖅᑎᓐᓇᓱᒋᐊᓕᖕᓂᒃ ᐊᒃᑐᐊᓂᓕᖕᓂᒃ ᐊᔪᕈᑎᓕᖕᓄᑦ.
ᑭᒡᒐᖅᑐᐃᔾᔪᑎᒋᔭᕗᑦ ᐅᑯᓂᖓ ᐃᓚᖃᖅᐳᑦ:
ᐃᓄᖕᒧᑦ ᐊᑕᐅᓯᕐᒧᑦ ᑭᒡᒐᖅᑐᐃᓂᖅ
ᐃᑲᔪᕐᓗᒋᑦ ᐃᓄᐃᑦ ᐱᔨᑦᑎᕋᖅᑕᐅᔪᓐᓇᕐᓗᑎᒃ ᐊᒻᒪ ᐃᓂᖃᖅᑎᑕᐅᓗᑎᒃ, ᓲᕐᓗ ᑎᒥᒥᒍᑦ ᐊᔪᕈᑎᓕᖕᓄᑦ ᐃᑲᔫᓯᐊᖅᑖᕐᓗᑎᒃ, ᐃᒡᓗᖃᖅᑎᑕᐅᓂᖅ ᐊᑐᐃᓐᓇᐅᑎᓪᓗᒍ, ᐅᕝᕙᓘᓐᓃᑦ ᐋᓐᓂᐊᕕᖕᒥ ᑲᒪᒋᔭᐅᔭᕆᐊᓕᖕᓂᒃ
ᐃᖕᒥᓂᒃ ᑭᒡᒐᖅᑐᐃᓂᖅ
ᓇᖕᒥᓂᖅ−ᑭᒡᒐᖅᑐᐃᓂᖅ ᐱᔪᓐᓇᕐᓂᐅᕗᖅ ᐃᓄᖕᒧᑦ ᑐᑭᓯᓇᑦᑎᐊᖅᑐᒥᒃ ᐅᖃᐅᓯᖃᕈᓐᓇᕐᓗᓂ ᐱᔭᕆᐊᖃᖅᑕᖏᓐᓂᒃ ᐱᔪᓐᓇᐅᑎᖏᓐᓂᒡᓗ. ᓴᙱᓂᖅᑖᖅᑎᑦᑎᕙᒃᐳᖅ ᐃᓄᖕᓂ ᖃᓄᐃᓕᐅᕈᓐᓇᕐᓂᕐᒥᒃ ᐱᓂᐊᕐᓗᑎᒃ ᐱᔭᕆᐊᖃᖅᑕᖏᓐᓂᒃ.
ᑭᒡᒐᖅᑐᐃᓂᖅ ᐅᔾᔨᕐᓇᖅᓯᑎᑦᑎᖕᒧᑦ ᐊᑐᐊᒐᕐᓂᒃ
ᐱᓕᕆᖃᑎᖃᕐᓂᖅ ᐊᑐᐊᒐᓕᐅᖅᑎᓂᒃ ᐅᔾᔨᕐᓇᖅᓯᑎᑦᑎᔪᒪᓂᕐᒧᑦ ᐊᔪᕈᑎᓕᖕᓄᑦ−ᐃᓚᓕᐅᔾᔨᓯᒪᓂᕐᒧᑦ ᐊᑐᐊᒐᕐᓂᒃ, ᐃᓚᒋᔭᐅᓗᑎᒃ ᐊᑐᕈᓐᓇᕐᓂᕐᒧᑦ ᐊᑐᖅᑕᐅᕙᒃᑐᑦ ᑭᒃᑯᑐᐃᓐᓇᓄᑦ ᐃᓂᒋᔭᐅᕙᒃᑐᓄᑦ ᐃᖅᑲᓇᐃᔭᕐᕕᒋᔭᐅᔪᓄᓪᓗ.
ᑭᒃᑯᓕᒫᓄᑦ ᑭᒡᒐᖅᑐᖅᑎ
ᐱᓕᕆᖃᑎᒋᓗᒋᑦ ᑎᒥᒥᒍᑦ ᐊᔪᕈᑎᓕᖕᓄᑦ ᑲᑐᔾᔨᖃᑎᒌᑦ ᐅᔾᔨᕆᔭᐅᓕᒃᑲᓐᓂᖁᓪᓗᒋᑦ ᐅᔾᔨᕆᔭᐅᓕᒃᑲᓐᓂᖁᓪᓗᒋᓪᓗ ᐱᓕᕆᔾᔪᓯᑦ ᐊᓯᔾᔨᖅᐸᓪᓕᐊᔪᑦ, ᓲᕐᓗ ᐱᓕᕆᑎᑦᑎᓗᑎᒃ ᐊᑐᖅᑕᐅᔪᓐᓇᖅᑐᓂᒃ ᐃᖏᕐᕋᔾᔪᑎᓂᒃ ᐅᕝᕙᓘᓐᓃᑦ ᐱᐅᓂᖅᓴᓂᒃ ᐃᓕᓐᓂᐊᖅᑎᑦᑎᓂᕐᒧᑦ ᐃᑲᔪᖅᓱᐃᔾᔪᑎᓂᒃ ᐃᓕᓐᓂᐊᖅᑎᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ.
ᕿᓂᖅᐲᑦ ᑭᒡᒐᖅᑐᐅᓂᕐᒧᑦ ᐃᑲᔪᖅᑕᐅᓂᕐᒥᒃ? ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᐳᑎᑦ ᐅᓪᓗᒥ ᖃᓄᖅ ᐃᑲᔪᕈᓐᓇᕐᒪᖔᑦᑕ.
ᐱᔨᑦᑎᕋᕐᓂᕐᒧᑦ ᓇᒧᙵᐅᕙᓪᓕᐊᓂᖅ
ᓄᓇᕗᒻᒥ ᑎᒥᒥᒍᑦ ᐊᔪᕈᑎᓕᖕᓄᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᒃᑯᑦ ᐃᑲᔪᖅᐸᒃᐳᑦ ᐃᓄᖕᓂᒃ ᐊᑐᕈᓐᓇᕐᓂᕐᒥᒃ ᐱᒻᒪᕆᐊᓗᖕᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᐱᓕᕆᐊᒃᓴᓂᒡᓗ ᐊᒃᑐᐊᓂᓕᖕᓂᒃ ᐊᔪᕈᑎᓕᖕᓄᑦ. ᑕᓯᐅᖅᐸᒃᑕᕗᑦ ᐱᓇᔫᑎᓄᑦ, ᐊᑦᑕᑕᖅᑎᑉᐸᒃᑐᑎᒍᑦ ᐃᑲᔪᖅᑐᐃᓂᕐᒧᑦ ᐊᑐᖅᑕᐅᔪᓐᓇᖅᑐᓄᑦ, ᓇᓗᙱᑦᑎᐊᕋᓱᒃᐸᒃᑐᑕᓗ ᐃᑲᔪᖅᑕᐅᒐᓗᐊᕐᒪᖔᑕ ᐱᔭᕆᐊᖃᖅᑕᖏᓐᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᐃᓅᓯᕆᔭᒥᓂᒃ, ᐃᓚᒋᔭᐅᓪᓗᑎᒃ:
- ᐃᑲᔪᕐᓗᑎᑦ ᐱᓇᔪᒃᑎᓪᓗᒋᑦ ᑎᒥᒥᒍᑦ ᐊᔪᕈᑎᓕᖕᓄᑦ ᑖᒃᓰᔭᕈᑎᓄᑦ ᐃᓚᙵᖅᓯᒋᐊᕈᑎᓂᒃ ᐊᒻᒪ ᓄᑕᖅᑲᑦ ᓯᕗᓪᓕᐅᑎᓗᒋᑦ ᐱᓕᕆᐊᖑᕙᓪᓕᐊᔪᒪᔪᑦ.
- ᑐᑭᓯᒋᐊᕈᑏᑦ ᑎᒥᒥᒍᑦ ᐊᔪᕈᑎᓕᓐᓄᑦ ᐃᑲᔫᑏᑦ ᐊᒻᒪ ᐱᓕᕆᐊᑦ ᐊᑐᐃᓐᓇᐅᔪᑦ.
ᐃᖅᑲᓇᐃᔮᒧᑦ ᐃᑲᔪᖅᑕᐅᓂᖅ
ᐱᑎᑦᑎᕙᒃᐳᒍᑦ ᐋᖅᑭᒃᓱᖅᑕᐅᓯᒪᔪᓂᒃ ᐃᖅᑲᓇᐃᔭᕐᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᐃᑲᔪᕈᒪᓪᓗᒋᑦ ᐃᖅᑲᓇᐃᔮᒃᓴᖅᓯᐅᖅᑐᑦ ᑎᒥᒥᒍᑦ ᐊᔪᕈᑎᓖᑦ ᓇᓂᓯᖁᓪᓗᒋᑦ ᑐᑭᖃᑦᑎᐊᖅᑐᒥᒃ ᐃᖅᑲᓇᐃᔮᒃᓴᒥᒃ. ᐱᓕᕆᐊᒃᓴᕗᑦ ᑕᐅᑐᒐᖃᖅᐳᑦ ᐊᔪᕈᓐᓃᖅᑕᐅᕙᒃᑐᓂᒃ ᐱᕙᓪᓕᐊᑎᑦᑎᓂᕐᒥᒃ, ᐃᖅᑲᓇᐃᔭᕐᕕᒋᔭᐅᔪᒥ ᐊᑐᕈᓐᓇᕐᓂᕐᒥᒃ, ᐱᓕᕆᖃᑎᖃᕐᓂᕐᒥᒡᓗ ᐃᖅᑲᓇᐃᔭᖅᑎᑦᑎᔨᓂᒃ ᑲᔪᓯᑎᑦᑎᔪᒪᓂᕐᒧᑦ ᐃᓚᓕᐅᔾᔨᓯᒪᑦᑎᐊᕐᓂᕐᒥᒃ ᐃᖅᑲᓇᐃᔭᕐᕕᒋᔭᐅᔪᒥᒃ.
ᐱᓕᕆᐊᒃᓴᕗᑦ ᐅᑯᓂᖓ ᐃᓚᖃᖅᐳᑦ:
- ᐃᖅᑲᓇᐃᔭᓚᐅᖅᑳᕋᓂ ᐱᓕᕆᐊᖑᕙᒃᑐᑦ ᐃᓚᖃᖅᐳᑦ ᐊᔪᕈᓐᓃᖅᓴᕐᓂᕐᒥᒃ ᐃᖅᑲᓇᐃᔮᒧᑦ ᐱᑐᐃᓐᓇᕆᐊᖃᓕᕐᓂᕐᒥᒃ, ᓴᖅᑭᑎᑦᑎᓂᕐᒥᒃ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂᒃ ᑎᑎᕋᖅᓯᒪᔪᓂᒃ, ᐱᕙᒌᔭᕐᓂᕐᒥᒡᓗ ᐊᐱᖅᓱᖅᑕᐅᓂᐊᕐᓂᕐᒧᑦ.
- ᖃᓄᐃᓕᐅᕐᓂᐅᔪᑦ ᐃᖅᑲᓇᐃᔭᖅᑎᑦᑎᔨᓄᑦ ᐃᓚᐅᑎᑦᑎᓂᕐᒧᑦ: ᐃᓕᓐᓂᐊᖅᓯᓐᓈᑦ ᑲᑎᒪᓃᑦ ᑲᑎᒪᓂᐅᔪᓪᓗ ᐋᖅᑭᒃᓯᒪᔪᑦ ᑎᓕᐅᕆᓂᕐᒧᑦ ᐃᓚᐅᑎᑦᑎᓂᒃᑯᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᕋᓲᑎᓂᑦ.
- ᐋᖅᑭᒃᓱᐃᕙᓪᓕᐊᓂᖅ ᐃᓚᓕᐅᔾᔨᓯᒪᑦᑎᐊᕐᓗᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᑎᑎᕋᖅᓯᒪᔪᓂᒃ: ᐋᖅᑭᒃᓱᐃᔪᖃᕐᓗᓂ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖏᓐᓂᒃ ᐊᐱᖅᓱᕐᓂᕐᒧᓪᓗ ᐊᑐᖅᑕᐅᕙᒃᑐᓂᒃ ᐊᖑᒻᒪᑎᔪᓂᒃ ᐊᔾᔨᒌᙱᕈᓘᔭᖅᑐᓄᑦ ᐱᔭᐅᔭᕆᐊᓕᖕᓄᑦ.
- ᑲᔪᖏᖅᓴᐃᔪᓕᕆᓂᕐᒧᑦ ᐱᓕᕆᐊᑦ: ᑲᑎᑎᑦᑎᓂᖅ ᐃᓄᖕᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ ᐱᓕᕆᔨᒻᒪᕆᖕᓄᑦ ᐃᖅᑲᓇᐃᔮᓄᑦ ᐅᖃᐅᔾᔪᖅᑕᐅᓂᕐᒧᑦ.
ᓄᓇᓕᖕᓂ ᐱᓕᕆᐊᒃᓴᑦ ᐊᑐᐃᓐᓇᐅᑦᑎᐊᖅᑐᑦ
ᓴᖅᑭᑎᑦᑎᕙᒃᐳᒍᑦ ᐱᓕᕆᐊᒃᓴᓂᒃ ᐱᐅᓯᒋᐊᖅᑎᑦᑎᔪᓂᒃ ᓄᓇᓕᖕᓂ ᐃᑲᔪᖅᑐᐃᓂᕐᒧᑦ ᐊᑐᖅᑕᐅᕙᒃᑐᓂᒃ ᒪᓂᒪᑎᑦᑎᓪᓗᑎᒡᓗ ᐱᔭᐅᔭᕆᐊᓕᖕᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒃ. ᑕᒪᒃᑯᐊ ᐱᓕᕆᐊᖑᕙᓪᓕᐊᔪᒪᔪᑦ ᑐᕌᕆᔭᖃᖅᐳᑦ ᑎᓕᐅᕆᓂᕐᒥᒃ ᐃᓚᐅᑎᑦᑎᓂᕐᒥᒃ, ᐱᐅᓯᒋᐊᖅᑎᑦᑎᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᕐᒥᒃ, ᐊᖑᒻᒪᑎᔪᒪᓂᕐᒧᓪᓗ ᐱᑐᐃᓐᓇᐅᙱᑦᑐᓂᒃ ᐱᔭᐅᔭᕆᐊᓕᖕᓂᒃ ᐃᓐᓇᐅᓂᖅᓴᓄᑦ ᐊᓯᖏᓐᓄᓪᓗ ᐃᓄᒋᔭᐅᔪᓄᑦ.
ᓄᓇᕗᒻᒥ ᑎᒥᒥᒍᑦ ᐊᔪᕈᑎᓕᖕᓄᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᒃᑯᑦ ᒪᓂᒪᑎᑦᑎᕙᒃᐳᑦ ᐱᓕᕆᐊᒃᓴᓂᒃ ᑎᓕᐅᕆᔪᓂᒃ ᐃᓅᖃᑎᖃᖅᐸᖕᓂᕐᒥᒃ, ᐃᓕᖅᑯᓯᕆᔭᐅᔪᓂᒃ ᐃᓚᐅᓂᕐᒥᒃ, ᑎᒥᒃᑯᓪᓗ ᐃᖃᐃᓕᓴᕐᓂᕐᒥᒃ. ᑕᒪᒃᑯᐊ ᖃᓄᐃᓕᐅᕈᑎᑦ ᖃᐅᔨᒪᔾᔪᑕᐅᕗᑦ ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᐃᓚᐅᔪᓐᓇᑦᑎᐊᕐᓂᖏᓐᓂᒃ ᓄᓇᓕᖕᓂ ᐊᒻᒪ ᐱᙳᐊᖅᑐᓕᕆᓂᕐᒥᒃ.
ᐆᒃᑑᑎᒋᓗᒍ, ᐱᑎᑦᑎᒐᔪᒃᐳᒍᑦ
- ᒥᖅᓱᖃᑎᒌᑦ ᐃᓱᒪᑐᓪᓗᑎᒃ ᐃᓂᐅᕗᑦ ᐃᓄᐃᑦ ᐃᓕᑦᑎᕝᕕᒋᔪᓐᓇᖅᓱᓂᔾᔪᒃ ᐊᔪᕈᓐᓃᖅᓴᕈᓐᓇᖅᓱᑎᒡᓗ ᒥᖅᓱᕐᓂᕐᒥᒃ.
- ᐊᐅᓪᓛᖅᓯᒪᓪᓗᑎᒃ ᑲᑎᙵᔪᑦ: ᐱᓕᕆᐊᒃᓴᑦ ᐃᑲᔫᑕᐅᔪᓐᓇᖅᑐᑦ ᐃᓚᐅᔪᓄᑦ ᐃᓚᐅᑎᓪᓗᒋᑦ ᐃᓄᐃᑦ ᐱᓕᕆᔾᔪᓯᑐᖃᖏᓐᓂᒃ ᐊᒻᒪ ᓄᓇᒥ ᐊᕙᑎᒥᒃ.
- ᐃᓚᓕᐅᔾᔨᓯᒪᓂᒃᑯᑦ ᐱᙳᐊᕈᓯᑦ: ᐃᓚᐅᖃᑕᐅᔪᓐᓇᕐᓂᖅ ᐊᕿᖅᓯᓂᕐᒥᒃ, ᐳᐃᔾᔪᕋᕐᓂᕐᒥᒃ, ᐊᓯᖏᓐᓂᒡᓗ ᐋᖅᑭᒋᐊᖅᓯᒪᔪᓂᒃ ᑭᐱᙳᐃᔭᐅᑎᓂᒃ
ᐃᓕᓐᓂᐊᒐᒃᓴᑦ
ᐱᑎᑦᑎᕙᒃᐳᒍᑦ ᐊᔾᔨᒌᙱᕈᓘᔭᖅᑐᓂᒃ ᐱᓕᕆᐊᒃᓴᓂᒃ ᑐᕌᕆᔭᖃᖅᑐᓂᒃ ᐃᓕᖕᓂᒃ ᐃᑲᔪᕈᒪᓪᓗᑎᒃ ᐱᒻᒪᕆᐊᓗᖕᓂᒃ ᐊᔪᕈᓐᓃᖅᑕᐅᕙᒃᑐᓂᒃ ᐃᖅᑲᓇᐃᔮᕆᔪᒪᔭᕐᓄᑦ ᓇᖕᒥᓂᕐᓗ ᐱᕙᓪᓕᐊᓂᕆᔭᕐᓄᑦ.
ᖃᐅᔨᒋᐊᕆᑦ ᐃᓕᓐᓂᐊᒐᒃᓴᓂᒃ ᐱᔾᔪᑎᓕᖕᓂᒃ ᓲᕐᓗ ᐃᖅᑲᓇᐃᔭᓚᐅᖅᑳᕋᓂ ᐱᓕᒻᒪᒃᓴᕐᓂᖅ, ᐊᐱᖅᓱᖅᑕᐅᓂᕐᒧᑦ ᐱᕙᒌᔭᕐᓂᖅ, ᑎᑎᕋᕐᕕᖕᒥ ᐊᔪᕈᓐᓃᖅᑕᐅᕙᒃᑐᑦ, ᑮᓇᐅᔭᓕᕆᕙᖕᓂᖅ, ᐊᓯᒃᑲᓐᓂᖏᓪᓗ. ᐊᑖᓂ ᓇᓗᓇᐃᖅᓯᒪᔪᑦ ᐃᓕᓐᓂᐊᒐᒃᓴᑦ. ᓇᕿᓪᓗᒍ ᕿᒥᕐᕈᓗᒋᑦ ᐃᓕᓐᓂᐊᒐᒃᓴᓕᒫᑦ ᑕᑯᓂᐊᕐᓗᒋᑦ ᐊᑕᖏᕐᓗᒋᑦ ᑎᑎᕋᖅᓯᒪᔪᑦ ᓂᕈᐊᕐᓗᑎᓪᓗ ᓈᒻᒪᒋᓛᕆᔭᕐᓂᒃ.
-
ᐃᓕᓐᓂᐊᒐᒃᓴᖅ: ᐃᖅᑲᓇᐃᔭᓚᐅᖅᑳᕋᓂ ᐃᓕᓐᓂᐊᒐᒃᓴᖅ
ᐃᖅᑲᓇᐃᔭᓚᐅᖅᑳᕋᓂ ᐱᓕᕆᐊᒃᓴᒥ, ᖃᐅᔨᓂᐊᖅᐳᑎᑦ ᑭᓱᑦ ᐊᔾᔨᐅᙱᔾᔪᑎᖃᕐᒪᖔᖅᐱᑦ, ᖃᓄᐃᓕᐅᕈᒪᖕᒪᖔᖅᐱᑦ, ᖃᓄᖅ ᐃᓕᖕᓂᒃ ᐅᔾᔨᕐᓇᖅᓯᑎᑦᑎᔪᓐᓇᕐᒪᖔᖅᐱᑦ, ᖃᓄᕐᓗ ᑲᔪᓯᓂᖃᑦᑎᐊᕈᓐᓇᕐᒪᖔᖅᐱᑦ ᐃᖅᑲᓇᐃᔭᕐᕕᖕᓂ. ᐃᓚᐅᔪᓐᓇᖅᐳᑎᑦ ᑖᔅᓱᒧᖓ ᐱᓕᕆᐊᖑᔪᒧᑦ ᐅᐸᒍᑎᓗᑎᑦ ᖃᕆᑕᐅᔭᒃᑯᓪᓘᓐᓃᑦ. ᑕᒪᕐᒥᒃ ᓇᓖᕌᒐᒃᓴᑦ ᐃᓚᖃᖅᐳᑦ ᑎᓴᒪᓂᒃ ᐃᓕᓐᓂᐊᒐᒃᓴᓂᒃ. ᖃᐅᔨᒋᐊᕐᕕᒋᑎᒍᑦ ᐃᓕᑦᑎᒃᑲᓐᓂᕈᒪᒍᕕᑦ ᑖᔅᓱᒥᖓ ᐊᔪᕈᓐᓃᖅᓴᒐᒃᓴᒥᒃ. ᐅᐸᒍᑎᓗᑎᒃ ᖃᕆᑕᐅᔭᒃᑯᑦ ᐃᓕᓐᓂᐊᒐᒃᓴᖅ 1: ᐱᕙᒌᔭᕆᑦ ᓇᒧᙵᐅᕙᓪᓕᐊᓂᐊᕐᓂᕐᓄᑦ ᓇᒧᙵᐅᕙᓪᓕᐊᓂᕆᔭᐃᑦ ᐱᒋᐊᕐᕕᖃᖅᐸᒃᐳᖅ ᖃᐅᔨᓇᓱᖕᓂᕐᒥᒃ ᑭᓇᐅᖕᒪᖔᖅᐱᑦ ᑭᓱᓂᒡᓗ ᐊᔾᔨᖃᙱᔾᔪᑎᖃᕐᒪᖔᖅᐱᑦ. ᖃᐅᔨᒋᐊᕐᓂᐊᖅᐳᑎᑦ ᑭᓇᐅᖕᒪᖔᖅᐱᑦ, ᐱᔪᒪᓂᕆᔭᕐᓂᒃ, ᐊᔪᙱᓐᓂᕐᓂᒃ, ᖃᐅᔨᒪᓂᕆᔭᕐᓂᒃ, ᐊᒻᒪ ᐊᑐᖅᓯᒪᔭᕐᓂᒃ. ᖃᐅᔨᓂᐊᖅᐳᑎᑦ ᖃᓄᖅ ᑕᒪᒃᑯᐊᓕᒫᑦ ᑲᑎᑦᑐᓐᓇᕐᒪᖔᑕ ᐊᔾᔨᐅᙱᑦᑐᒥᒃ ᑲᔪᓯᑦᑎᐊᕈᑎᒋᔪᓐᓇᖅᑕᕐᓂᒃ. ᐃᓕᓐᓂᐊᒐᒃᓴᖅ 2: ᓂᕈᐊᕐᓂᖅ ᓇᒧᙵᐅᔪᒪᖕᒪᖔᖅᐱᑦ…
-
ᐃᓕᓐᓂᐊᒐᒃᓴᖅ: ᓇᓗᓇᐃᔭᐅᑎᑦ ᑎᑎᖅᑲᓂᒃ ᐊᑐᐃᓐᓇᐅᔪᓂᒃ
ᑖᓐᓇ ᐃᑭᐊᖅᑭᕕᒃᑯᑦ ᐊᑐᖅᑕᐅᔪᓐᓇᖅᑐᖅ ᐃᓕᖕᓂᒃ ᐃᑲᔪᕐᓂᐊᖅᐳᖅ ᑎᑎᕋᖅᓯᒪᔪᖁᑎᑎᑦ ᐊᔪᕐᓇᙱᓐᓂᖅᓴᐅᓕᕐᓗᑎᒃ ᐱᔭᐅᔪᓐᓇᕐᓗᑎᒃ. ᓴᖅᑭᑎᑦᑎᕗᖅ ᐱᐅᓛᓂᒃ ᐊᑐᖅᑕᐅᔪᓐᓇᖅᑐᓂᒃ ᒪᓂᒪᑎᑦᑎᓪᓗᓂᓗ ᐊᑐᕈᓐᓇᑦᑎᐊᖅᑐᓂᒃ ᐅᖃᐅᔾᔪᐃᓂᕐᒥᒃ ᐱᑐᐃᓐᓇᐅᙱᑦᑐᓄᑦ ᐱᓕᕆᐊᒃᓴᓄᑦ ᖃᕆᓴᐅᔭᒃᑯᑦ ᐱᓕᕆᔾᔪᑎᐅᕗᑦ ᑎᑎᖅᑲᓄᑦ Microsoft Word, Excel, PowerPoint, ᐊᒻᒪᓗ PDFs. ᐱᖓᓱᐃᓕᖅᑲᖓᕗᖅ: ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᐳᑎᑦ ᐊᑎᓕᐅᖃᑕᐅᔪᒪᒍᕕᑦ ᑖᔅᓱᒧᖓ ᐃᓕᓐᓂᐊᒐᒃᓴᒧᑦ. ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᐳᑎᑦ ᐊᑎᓕᐅᖃᑕᐅᔪᒪᒍᕕᑦ ᑖᔅᓱᒧᖓ ᐃᓕᓐᓂᐊᒐᒃᓴᒧᑦ.
-
ᐃᓕᓐᓂᐊᒐᒃᓴᖅ: ᓇᓗᓇᐃᔭᐅᑎᑦ ᓄᓇᕗᒻᒥ ᐊᔪᕈᑎᓕᖕᓄᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᑦ
NDMS−ᒧᑦ ᓇᓗᓇᐃᔭᐅᑎᑦ ᐃᑭᐊᖅᑭᕕᒃᑯᑦ ᐃᓕᓐᓂᐊᒐᒃᓴᐅᕗᖅ ᐋᖅᑭᒃᑕᐅᓯᒪᓪᓗᓂ ᐱᒋᐊᕈᑕᐅᓪᓗᓂ ᓄᑖᓄᑦ ᐃᖅᑲᓇᐃᔭᖅᑎᓄᑦ ᑐᑭᓯᑎᑕᐅᕚᓪᓕᕐᓂᕐᒧᑦ ᐱᓕᕆᐊᒧᑦ. ᐊᑕᖐᑦᑎᐊᖅᑐᓂᒃ ᑐᑭᓯᒋᐊᒐᒃᓴᖅᑕᖃᖅᐳᖅ ᑲᑐᔾᔨᖃᑎᒌᓄᑦ ᐃᓚᐅᕝᕕᒋᔭᕐᓄᑦ, ᐃᓚᒋᔭᐅᓪᓗᑎᒃ ᖃᓄᐃᓕᐅᖅᑕᐅᖃᑦᑕᖅᓯᒪᓂᖏᑦ, ᐱᓕᕆᐊᒃᓴᖏᑦ, ᐋᖅᑭᒃᓯᒪᓂᕆᔭᖏᑦ, ᐊᒻᒪ ᐱᔨᑦᑎᕋᐅᑎᖏᑦ ᐊᒻᒪ ᐱᓕᕆᔾᔪᓯᖏᑦ ᐊᑐᐃᓐᓇᐅᑎᑉᐸᒃᑕᖏᑦ. ᐊᑯᓂᐅᑎᒋᓂᖓ: 20 ᒥᓂᑦᔅ. ᐅᑯᓂᖓ ᐅᖃᐅᓯᖃᖅᐳᑦ: ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᐳᑎᑦ ᐊᑎᓕᐅᖃᑕᐅᔪᒪᒍᕕᑦ ᑖᔅᓱᒧᖓ ᐃᓕᓐᓂᐊᒐᒃᓴᒧᑦ.
ᖃᐅᔨᓴᕐᓂᖅ
ᓄᓇᕗᒻᒥ ᑎᒥᒥᒍᑦ ᐊᔪᕈᑎᓕᖕᓄᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᒃᑯᑦ ᑲᔪᓯᑎᑦᑎᕙᒃᐳᑦ ᓯᕗᓪᓕᖅᐹᖑᓪᓗᑎᒃ ᖃᐅᔨᓴᖅᓯᓂᕐᒥᒃ ᑐᑭᓯᕚᓪᓕᕈᒪᓪᓗᑎᒃ ᐱᓕᕆᐊᖃᕈᒪᓪᓗᑎᒡᓗ ᐊᑐᖅᑕᐅᔪᓐᓇᖅᑐᓂᒃ ᐊᔪᕈᑎᖃᕐᓂᕐᒧᓪᓗ ᐃᓱᒪᒋᔭᒃᓴᓂᒃ ᓄᓇᕗᒻᒥ. ᖃᐅᔨᓴᕐᓂᕆᔭᕗᑦ ᓄᓇᓕᖕᓅᖓᓪᓗᐊᑕᖅᐳᖅ, ᑐᕌᕆᔭᖃᖅᓱᓂ ᑐᑭᓯᐅᒪᓕᕐᓂᕐᒥᒃ ᑭᐅᓯᔪᒪᓂᕐᒥᒡᓗ ᐊᔾᔨᖃᙱᑦᑐᓂᒃ ᐊᑐᖅᑕᐅᖃᑦᑕᖅᓯᒪᔪᓂᒃ ᓄᓇᕗᒻᒥᐅᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ.
ᖃᐅᔨᓴᕐᓂᕆᔭᕗᑦ ᑐᕌᕆᔭᖃᖅᐳᑦ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᐊᑐᕈᓐᓇᕐᓂᕐᒥᒃ, ᑲᒪᒋᔭᖃᖅᐸᖕᓂᕐᒧᑦ ᐊᑐᖅᑕᐅᕙᒃᑐᓂᒃ, ᐱᑕᖃᖅᑎᑦᑎᑦᑕᐃᓕᒪᓂᕐᒥᒃ ᐊᕐᓇᓄᑦ/ᐊᖑᑎᓄᑦ−ᑐᙵᕕᓕᖕᓂᒃ ᐋᓐᓂᖅᓯᕆᓂᕆᔭᐅᕙᒃᑐᓂᒃ, ᒪᒃᑯᒃᑐᓂᒡᓗ ᓴᙱᓂᖅᑖᖅᑎᑦᑎᕙᓪᓕᐊᓂᕐᒥᒃ ᐃᓚᓕᐅᔾᔨᓂᒃᑯᑦ ᐃᓄᐃᑦ ᖃᐅᔨᒪᓂᕆᔭᖏᓐᓂᒃ ᐃᓅᓯᕆᔭᐅᔪᒥᒡᓗ ᐊᑐᖅᓯᒪᔭᖏᓐᓂᒃ.
-
ᓇᓗᓇᐃᔭᐅᑎ: ASC ᐊᐅᓪᓚᕐᓂᕐᒧᑦ ᓇᒧᙵᐅᕙᓪᓕᐊᓂᕆᔭᖓ
ᐄᑕᐅᑉ ᓇᒧᙵᐅᕙᓪᓕᐊᓂᕆᔭᖓ ᑐᙵᓱᒋᑦ ᐄᑕ! ᐄᑕᖑᔪᖓ, 26-ᓂᒃ ᐅᑭᐅᖃᖅᑐᖓ ᐃᓅᓪᓗᖓ ᐊᕐᓇᐅᓪᓗᖓ. ᓄᓇᓕᕋᓛᕐᒥᐅᑕᐅᒐᒪ 1,300-ᓂᒃ ᐃᓄᓕᖕᒥᒃ. ᒪᒃᑯᒃᑑᑎᓪᓗᖓ, ᐱᕐᕈᓗᐊᕿᓚᐅᖅᓯᒪᒐᒪ ᑐᓄᒃᑯᑦ ᓯᕝᕕᐊᒃᑯᓪᓗ. ᒫᓐᓇᓕ ᖃᐅᑕᒫᑦ ᐃᓅᓯᓐᓂ ᐋᓐᓂᐊᖃᑦᑕᓕᖅᐳᖓ. ᐃᓛᓐᓂᒃᑯᑦ ᐊᑐᖅᐸᒃᐳᖓ ᐊᔭᐅᑉᐱᐊᒥᒃ ᐊᔭᐅᑉᐱᐊᕐᒥᒡᓘᓐᓃᑦ. ᐃᖃᓗᖕᓄᙵᐅᖃᑦᑕᕋᒪ ᐋᑐᕚᒧᓪᓗ ᐋᓐᓂᐊᕕᓕᐊᖅᓱᖓ ᐃᑲᔪᖅᑕᐅᔭᖅᑐᖅᓱᖓ ᐋᓐᓂᐊᕆᔭᓐᓄᑦ ᐋᓐᓂᕈᑎᒋᔭᕐᓄᓪᓗ ᐱᕐᕈᓗᐊᕿᓚᐅᖅᑎᓪᓗᖓ. ᓄᒃᑕᕐᓂᖅ ᐊᒃᓱᕈᕐᓇᖅᐳᖅ ᐅᕙᓐᓄᑦ. ᐊᓈᓇᒐ ᒪᓕᑦᑎᒋᔪᒪᒐᒃᑯ. ᐅᕙᓐᓂᒃ ᐃᑲᔪᖅᐸᒃᐳᖅ ᐃᓅᖃᑎᖃᑦᑎᐊᖅᐸᒃᑐᓂᓗ. ᐄᑕ ᐅᖃᖅᑕᖓ “ᓄᒃᑕᕐᓂᖅ ᐊᒃᓱᕈᕐᓇᖅᑐᒻᒪᕆᐅᕗᖅ ᐊᑭᑐᓪᓗᓂᓗ. ᖃᐅᔨᒪᔪᖓ ᐱᐅᓯᕚᓪᓕᕈᓐᓇᕐᓂᖓᓂᒃ.” ‘ᖃᖓ ᐊᐅᓪᓚᓛᖅᐳᖓ? ᐃᓛᓐᓂᒃᑯᑦ ᓘᒃᑖᓂᒃ ᑕᑯᔭᕆᐊᖃᓲᖑᕗᖓ ᐃᑲᔪᖅᑕᐅᔪᒪᓪᓗᖓ ᑎᒥᒃᑯᑦ ᐊᒃᓱᕈᕈᑎᒋᔭᓐᓄᑦ. ᓲᖃᐃᒻᒪ…
-
ᓇᓗᓇᐃᔭᐅᑎ: ASC Persona
ᑐᙵᓱᒋᑦ ᐄᑕ! ᐄᑕ 26-ᓂᒃ ᐅᑭᐅᓕᒃ ᐃᓅᓪᓗᓂ ᐊᕐᓇᖅ ᓄᓇᓕᕋᓛᕐᒥᐅᑕᖅ. ᐃᓛᓐᓂᒃᑯᑦ ᐊᑐᖅᐸᒃᐳᖅ ᐊᔭᐅᑉᐱᐊᒥᒃ ᐅᕝᕙᓘᓐᓃᑦ ᐊᔭᐅᑉᐱᐊᒥᒃ ᑐᓄᒃᑯᑦ ᓯᕝᕕᐊᒃᑯᓪᓗ ᐋᓐᓂᖅᓯᒪᓂᖓᓄᑦ ᐱᕐᕈᓗᐊᕿᓪᓗᓂ. ᐄᑕᐅᑉ ᐃᖅᑲᓇᐃᔭᕐᓂᖓ ᐄᑕ ᐃᖅᑲᓇᐃᔭᖅᑐᖅ ᓂᐅᕕᕐᕕᖕᒥ. ᐃᖅᑲᓇᐃᔭᖃᑎᖏᑦ ᐊᐳᑎᖃᙱᑎᑦᑎᕙᒃᐳᑦ ᓂᓚᖃᙱᒃᓱᓂᓗ, ᐊᖏᔪᒥᒡᓗ ᓵᖃᖅᓱᓂ ᐃᒃᓯᕙᐅᑕᕐᒥᓄᑦ ᐃᓂᒋᔭᐅᔪᓐᓇᖅᑐᒥᒃ. ᐄᑕ ᐋᓐᓂᐊᓕᖃᑦᑕᖅᐳᖅ ᐋᓐᓂᐊᓗᐊᓕᕌᖓᒥ. ᐊᐅᓚᑦᑎᔨᖓ ᑐᑭᓯᐅᒪᔪᖅ ᑖᓐᓇ ᐃᓂᒋᔭᐅᓂᖓᓂᒃ. ᐄᑕ ᖁᕕᐊᒋᔭᖃᖅᐳᖅ ᐃᖅᑲᓇᐃᔮᒥᓂᒃ ᓂᕆᐅᒃᐳᕐᓗ ᐊᐅᓚᑦᑎᔨᖓ ᐅᖃᖃᑎᖃᕐᓂᐊᕐᓂᖓᓂᒃ ᖁᕝᕙᕆᐊᖅᑕᐅᔪᒪᓂᕐᒥᓂᒃ. ᓴᓇᓯᒪᔭᖓ ᐊᕙᑎᖓ ᐄᑕ ᐃᒡᓗᒥᐅᖃᑎᖃᖅᑐᖅ 8−ᓂᒃ ᖃᑕᙳᑎᖏᓐᓂᒃ. ᐃᖕᒥᖕᓄᑦ ᐃᒃᐱᒋᖃᑦᑕᐅᑎᑦᑎᐊᖅᑑᒃ, ᑭᓯᐊᓂ ᐃᓛᓐᓂᒃᑯᑦ ᐄᑕ ᓇᖕᒥᓂᖅ…
-
ASC ᓄᓇᙳᐊᖅ
ᑖᓐᓇ ᓄᓇᙳᐊᖅ ᑕᑯᒃᓴᐅᑎᑦᑎᕗᖅ ᓇᓃᓐᓂᖏᓐᓂᒃ 543 ᐃᓚᐅᓚᐅᖅᑐᑦ ᖃᐅᔨᓴᖅᑕᑦᑎᓐᓂ ᐱᐅᓯᒋᐊᖅᑎᑦᑎᓂᕐᒥᒃ ᐊᑐᕈᓐᓇᕐᓂᕐᒧᑦ ᒪᓕᒃᑕᐅᕙᒃᑐᓂᒃ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ ᓄᓇᕘᓕᒫᒥ ᑲᓇᑕᒥᓗ. ᓄᓇᙳᐊᖅ ᐊᑐᕐᓗᒍ ᐃᑲᔫᑎᒃᓴᖅ