ᓇᓗᓇᐃᔭᐅᑎ: ASC Persona
ᑐᙵᓱᒋᑦ ᐄᑕ!
ᐄᑕ 26-ᓂᒃ ᐅᑭᐅᓕᒃ ᐃᓅᓪᓗᓂ ᐊᕐᓇᖅ ᓄᓇᓕᕋᓛᕐᒥᐅᑕᖅ.
ᐃᓛᓐᓂᒃᑯᑦ ᐊᑐᖅᐸᒃᐳᖅ ᐊᔭᐅᑉᐱᐊᒥᒃ ᐅᕝᕙᓘᓐᓃᑦ ᐊᔭᐅᑉᐱᐊᒥᒃ ᑐᓄᒃᑯᑦ ᓯᕝᕕᐊᒃᑯᓪᓗ ᐋᓐᓂᖅᓯᒪᓂᖓᓄᑦ ᐱᕐᕈᓗᐊᕿᓪᓗᓂ.
ᐄᑕᐅᑉ ᐃᖅᑲᓇᐃᔭᕐᓂᖓ
ᐄᑕ ᐃᖅᑲᓇᐃᔭᖅᑐᖅ ᓂᐅᕕᕐᕕᖕᒥ.
ᐃᖅᑲᓇᐃᔭᖃᑎᖏᑦ ᐊᐳᑎᖃᙱᑎᑦᑎᕙᒃᐳᑦ ᓂᓚᖃᙱᒃᓱᓂᓗ, ᐊᖏᔪᒥᒡᓗ ᓵᖃᖅᓱᓂ ᐃᒃᓯᕙᐅᑕᕐᒥᓄᑦ ᐃᓂᒋᔭᐅᔪᓐᓇᖅᑐᒥᒃ.
ᐄᑕ ᐋᓐᓂᐊᓕᖃᑦᑕᖅᐳᖅ ᐋᓐᓂᐊᓗᐊᓕᕌᖓᒥ. ᐊᐅᓚᑦᑎᔨᖓ ᑐᑭᓯᐅᒪᔪᖅ ᑖᓐᓇ ᐃᓂᒋᔭᐅᓂᖓᓂᒃ.
ᐄᑕ ᖁᕕᐊᒋᔭᖃᖅᐳᖅ ᐃᖅᑲᓇᐃᔮᒥᓂᒃ ᓂᕆᐅᒃᐳᕐᓗ ᐊᐅᓚᑦᑎᔨᖓ ᐅᖃᖃᑎᖃᕐᓂᐊᕐᓂᖓᓂᒃ ᖁᕝᕙᕆᐊᖅᑕᐅᔪᒪᓂᕐᒥᓂᒃ.
ᓴᓇᓯᒪᔭᖓ ᐊᕙᑎᖓ
ᐄᑕ ᐃᒡᓗᒥᐅᖃᑎᖃᖅᑐᖅ 8−ᓂᒃ ᖃᑕᙳᑎᖏᓐᓂᒃ. ᐃᖕᒥᖕᓄᑦ ᐃᒃᐱᒋᖃᑦᑕᐅᑎᑦᑎᐊᖅᑑᒃ, ᑭᓯᐊᓂ ᐃᓛᓐᓂᒃᑯᑦ ᐄᑕ ᓇᖕᒥᓂᖅ ᐃᓂᖃᕐᓂᖅᓴᐅᔪᒪᕙᒃᐳᖅ ᐃᓄᑑᔪᓐᓇᕐᓂᖅᓴᐅᔪᒪᓪᓗᓂᓗ.
ᐄᑕ ᖃᑕᙳᑎᖏᓪᓗ ᐅᑕᖅᑭᔪᓃᑉᐳᑦ ᓄᑖᒧᑦ ᐃᒡᓗᒃᓴᒧᑦ ᓄᓇᓕᖓᓐᓂ. ᑐᒃᓯᕋᓚᐅᕐᑐᑦ ᐃᒡᓗᒥᒃ ᒪᔪᕋᐅᑎᓕᖕᒥᒃ ᐊᒻᒪ ᐹᖃᖅᑐᒥᒃ ᐃᑕ ᐊᑐᕈᓐᓇᕐᓂᐊᕐᒪᒍ ᑲᐃᓪᓗᐊᕈᑎᖓ ᐃᓗᐊᓄᑦ.
ᐊᐱᕆᓯᒪᖕᒥᔪᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᓴᐴᓗᑕᓂᒃ ᐊᓇᕐᕕᖕᒥ ᐊᒻᒪ ᐃᓯᕐᕕᖕᒧᑦ ᐅᕕᓂᖕᓂᐊᕐᕕᖕᒧᑦ ᐃᑲᔪᕈᒪᓪᓗᑎᒃ ᐄᑕ ᐊᓈᓇᑦᑎᐊᖓ ᖁᐊᐃᔭᕿᑦᑕᐃᓕᒪᖁᓪᓗᒍ ᐊᒻᒪ ᑲᑕᒃᑕᐃᓕᒪᓗᓂ.
ᐄᑕ ᑕᑯᔪᒪᓇᔭᖅᐳᖅ ᐅᓄᕐᓂᖅᓴᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᒡᓗᓂᒃ ᓄᓇᓕᒋᔭᒥᓂ.
ᖃᓪᓗᓈᑐᑦ ᐅᖃᓪᓚᖃᑎᖃᕐᓂᖅ
ᐄᑕ ᑐᓵᔨᐅᓲᖅ ᐃᓄᒃᑎᑐᑦ ᐊᓈᓇᑦᑎᐊᖓ ᐋᓐᓂᐊᕕᓕᐊᕆᐊᖃᓕᕌᖓᒥ. ᐊᓈᓇᑦᑎᐊᒥᓂᒃ ᐃᑲᔪᖅᐸᒃᐳᖅ ᑐᑭᓯᑎᑦᑎᓪᓗᓂ ᐃᓗᐊᖅᓴᐃᓂᕐᒧᑦ ᐅᖃᐅᓯᕐᓂᒃ ᐱᒻᒪᕆᐊᓗᖕᓂᒡᓗ ᑐᓴᖅᑕᐅᔪᒃᓴᓂᒃ − ᐊᔪᕐᓇᙱᑦᑐᑯᓘᕙᙱᓚᖅ, ᑭᓯᐊᓂ ᐱᔪᓐᓇᕐᓂᓕᒫᒥᓂᒃ ᐱᓕᕆᕙᒃᐳᖅ.
ᐄᑕ ᐃᑲᔪᖅᐸᒃᑭᕗᖅ ᐊᓈᓇᑦᑎᐊᒥᓂᒃ ᓇᓂᓯᓇᓱᒃᑐᓂ ᖃᕋᓴᐅᔭᒃᑯᑦ ᑐᑭᓯᒋᐊᒐᒃᓴᓂᒃ ᐃᑲᔫᓯᐊᖏᓐᓂᒃ, ᑖᒃᓰᔭᕈᑎᖏᓐᓂᒃ, ᐅᕝᕙᓘᓐᓃᑦ ᑮᓇᐅᔭᒃᑯᕕᓕᕆᓂᕐᒥᒃ. ᐊᔪᕐᓇᕈᓐᓇᖅᐳᖅ ᕿᓂᕆᐊᒃᓴᖅ ᐃᑭᐊᖅᑭᕕᖕᓂᒃ ᑕᒻᒪᖅᑕᖅᓯᒪᙱᑦᑐᓂᒡᓗ ᑐᓴᖅᑕᐅᔪᒃᓴᓂᒃ ᓇᓂᓯᓇᓱᒋᐊᒃᓴᖅ.
ᐃᓛᓐᓂᒃᑯᑦ ᓂᙵᐅᒪᓕᖅᐸᒃᐳᑦ, ᐱᓗᐊᙳᐊᖅᓱᓂ ᐃᑭᐊᖅᑭᕕᒃᑰᕈᓐᓇᐅᑎᖓ ᐱᐅᙱᒃᑳᖓᑦ. ᖃᒥᒡᓗᓂᔾᔪᒃ ᖃᕆᑕᐅᔭᖅ ᐆᒃᑐᒃᑲᓐᓂᕈᒪᓕᖅᓱᓂᓗ.
ᓂᐅᕕᕐᓂᖅ
ᐄᑕ ᖃᑕᙳᑎᖏᑦ ᐅᑕᖅᑭᑦᑎᐊᖅᐳᑦ ᑐᓴᒐᒃᓴᒃᑲᓐᓂᕐᓂᒃ ᓄᑖᒥ ᐃᒡᓗᓕᐅᕐᓂᐅᔪᒥ. ᐊᑖᑕᖓ ᐊᓈᓇᖓᓗ ᓄᓇᓖᑦ ᑲᑎᒪᕕᖓᓄᑦ ᑲᑎᒪᔭᖅᑐᖅᐸᒃᐳᑦ ᐃᓕᑦᑎᒃᑲᓐᓂᕈᒪᓪᓗᑎᒃ.
ᐃᓚᖏᑦ ᓄᓇᓕᖕᒥᐅᑦ ᓈᒻᒪᒃᓴᙱᓚᑦ ᐱᕙᒌᔭᕐᓂᕐᒧᑦ ᑲᔪᓯᓂᕆᔭᐅᕙᒃᑐᒥᒃ. ᑭᑭᑕᐅᖅᑰᔨᖕᒪᑕ ᐃᓱᒪᓕᐅᕆᓂᕐᒧᑦ ᑕᒪᑐᒧᖓ ᐊᖏᔪᒧᑦ ᒐᕙᒪᒃᑯᓐᓄᑦ ᑮᓇᐅᔭᖃᖅᑎᑕᐅᔪᒧᑦ ᐱᓕᕆᐊᒃᓴᒧᑦ.
ᓄᓇᓕᖕᓂ ᐱᓕᕆᐊᒃᓴᐃᑦ ᐱᔨᑦᑎᕋᕐᓂᕆᔭᐅᕙᒃᑐᓪᓗ
ᐄᑕ ᒥᖅᓱᕈᒪᑦᑎᐊᖅᑐᖅ. ᐊᒪᐅᑎᓕᐅᕋᑖᑦᑎᐊᕐᒪᑦ ᐅᐱᒋᑦᑎᐊᖅᓱᓂᐅᒃ.
ᐃᓕᑦᑎᔪᒪᓇᔭᖅᐳᖅ ᐃᓐᓇᕆᔭᐅᔪᒥᒃ ᐃᓕᖅᑯᓯᑐᖃᒃᑯᑦ ᒥᖅᓱᕐᓂᕐᒥᒃ, ᑭᓯᐊᓂ ᖃᐅᔨᒪᙱᒡᓗᓂ ᑭᓇᒧᑦ ᐊᐱᕆᔭᕆᐊᒃᓴᖅ.
ᐄᑕ ᐱᕕᒃᓴᖅᑕᖃᒃᑲᓐᓂᖁᔨᕗᖅ ᑭᒃᑯᓕᒫᓄᑦ ᓄᓇᓕᖕᒥᐅᓄᑦ ᕿᒥᕐᕈᔪᓐᓇᕐᓗᑎᒃ ᐃᓕᑦᑎᓗᑎᒡᓗ ᐃᓕᖅᑯᓯᑐᖃᒃᑯᑦ ᐊᔪᕈᓐᓃᖅᑕᐅᕙᒃᑐᓂᒃ.
ᐊᑐᕐᓂᖅ ᑐᓴᖅᑕᐅᔪᒃᓴᓂᒃ ᑐᓴᐅᒪᑎᑦᑎᓂᕐᒧᓪᓗ ᐱᓕᕆᔾᔪᑕᐅᕙᒃᑐᓂᒃ
ᐄᑕ ᖁᕕᐊᒋᔭᖃᖅᑐᖅ Facebook-ᑯᑦ ᐅᖃᖃᑎᖃᖃᑦᑕᕈᒪᓪᓗᓂ ᐱᖃᓐᓇᕆᔭᒥᓂᒃ.
ᑭᓯᐊᓂ, ᐃᑭᐊᖅᑭᕕᒃᑰᕈᓐᓇᐅᑎ ᐄᑕ ᐊᖏᕐᕋᖓᓂ ᑕᑎᒋᔭᒃᓴᐅᙱᑦᑑᔪᓐᓇᖅᐳᖅ, ᐊᑭᑐᔪᐊᓘᓪᓗᓂᓗ. ᖃᑕᙳᑎᖏᑦ ᐊᑐᖅᐸᒃᐳᑦ $200-ᓂᒃ ᑕᖅᑭᑕᒫᑦ ᐊᒻᒪᓗ ᖃᕋᓴᐅᔭᒃᑰᕈᑎᖃᕈᓐᓃᐃᓐᓇᐅᔭᖅᓱᑎᒃ ᑕᖅᑭᖅ ᐃᓱᓕᓚᐅᙱᓐᓂᖓᓂ.
ᐃᓱᒪᓯᒪᕗᖅ ᖃᕆᑕᐅᔭᒃᑯᑦ ᐃᓕᓐᓂᐊᒐᒃᓴᒥᒃ ᐅᕝᕙᓘᓐᓃᑦ ᐊᓯᐊᓂᒃ ᐅᖓᓯᒃᑐᒥ ᐃᖅᑲᓇᐃᔮᒃᓴᖅᓯᐅᕈᒪᓪᓗᓂ, ᑭᓯᐊᓂ ᐱᐅᓂᖅᓴᒥᒃ ᐃᑭᐊᖅᑭᕕᒃᑰᕈᑎᖃᙱᓪᓗᓂ.
ᑭᒃᑯᑐᐃᓐᓇᓄᑦ ᐃᖏᕐᕋᔾᔪᑎᑦ?
ᐄᑕ ᐊᔪᕐᓇᖅᑐᖅᓯᐅᖅᐸᒃᐳᖅ ᓇᒧᙵᐅᑲᑕᒋᐊᒃᓴᖅ ᓄᓇᓕᒋᔭᒥᓄᑦ. ᓇᒧᙵᐅᔭᕆᐊᖃᓕᕌᖓᒥ, ᖃᑕᙳᑎᒥᓂᒃ ᑐᙵᕕᖃᖅᐸᒃᐳᖅ ᐅᕝᕙᓘᓐᓃᑦ ᓈᓚᐅᑎᒃᑯᑦ ᐃᑭᒪᔪᒪᕙᒃᑐᓂ.
ᑕᒪᓐᓇ ᐊᔪᕐᓇᖅᑎᑦᑎᕙᒃᐳᖅ ᐄᑕ ᐃᖅᑲᓇᐃᔭᕆᐊᕆᐊᒃᓴᖅ ᐃᓂᒃᓴᓕᐅᕐᓂᕐᒧᓪᓘᓐᓃᑦ. ᓄᓇᓕᖓ ᐊᑐᕈᓐᓇᑦᑎᐊᖅᑐᓂᒃ ᑭᒃᑯᑐᐃᓐᓇᓄᑦ ᐃᖏᕐᕋᔾᔪᑎᖃᖁᔨᕗᖅ ᓇᖕᒥᓂᖅᓱᕈᓐᓇᕐᓂᖅᓴᐅᓂᐊᕐᒪᑦ.
ᓇᓗᓇᐃᔭᐅᑎ
