ᑐᓗᖅᑕᕈᑏᑦ ᐃᓂᒃᓴᖃᕐᓂᕐᒧᑦ
ᑐᓗᖅᑕᕈᑏᑦ ᐊᔾᔨᒌᙱᑦᑑᑎᐅᔪᑦ ᐊᑐᖅᑕᐅᒐᔪᒃᐳᑦ. ᐃᓕᓴᕆᔪᓐᓇᕐᓗᒋᑦ ᐅᖃᐅᓯᕆᔪᓐᓇᕐᓗᒋᓪᓗ ᐊᑑᑎᖃᖅᐳᑦ, ᐃᑲᔫᑕᐅᔪᓐᓇᕐᒪᑕ ᐋᖅᑭᒍᑎᒃᓴᖅᓯᐅᕐᓂᕐᒧᑦ. NDMS−ᑯᓐᓂ, ᐅᖃᐅᓯᕆᕙᕗᑦ ᑐᓗᖅᑕᕈᑕᐅᓂᖏᓐᓂᒃ ᑭᒡᓕᖃᖅᑎᑕᐅᙱᖔᖅᓱᑎᒃ. ᐃᓱᒪᒋᕙᒃᐸᕗᑦ ᐃᓄᒃ ᐃᓗᐃᑦᑑᑎᓪᓗᒍ, ᑕᐅᑐᒐᖃᙱᖔᖅᓱᑕ ᐃᓛᒃᑰᖅᑐᓂᒃ ᐊᑲᐅᙱᓕᐅᕈᑎᓂᒃ ᐊᓂᒍᖅᑎᓐᓇᓱᒋᐊᓕᖕᓂᒡᓘᓐᓃᑦ. ᑕᒪᓐᓇ ᐱᓕᕆᔾᔪᓯᖅ ᐅᖃᖃᑎᒌᖕᓂᕐᒥᒃ ᐃᓚᓕᐅᔾᔨᓯᒪᓂᖅᓴᐅᕗᖅ.
ᖃᓄᐃᑦᑑᓂᖏᑦ ᑐᓗᖅᑕᕈᑏᑦ
ᑎᒥᒃᑯᑦ
ᑎᒥᒃᑯᑦ ᐊᔭᖅᑭᑦᑕᕈᑏᑦ ᑐᓗᖅᑕᕈᑕᐅᕗᑦ ᓄᖅᑲᖓᑎᑦᑎᓪᓗᑎᒃ ᐊᔪᕈᑎᓕᖕᓂᒃ ᓇᒧᙵᐅᕙᓪᓕᐊᔪᓐᓇᕐᓂᕐᒥᒃ ᐃᓯᕈᓐᓇᕐᓂᕐᒥᒡᓘᓐᓃᑦ ᐃᓂᒧᑦ. ᐅᑯᓂᖓ ᐃᓚᖃᖅᑐᖅ:
- ᓴᓇᓯᒪᓂᖓᓄᑦ ᑐᓗᖅᑕᕈᑎᑦ: ᒪᔪᕋᐅᑎᑕᖃᙱᓐᓂᖓᓄᑦ, ᐱᓱᒡᕖᑦ, ᐊᐳᑕᐃᔭᐃᔾᔪᑎᒧᓪᓘᓐᓃᑦ.
- ᐃᒃᐱᒋᔭᒃᑯᑦ ᐃᒃᐱᒋᔭᖃᓗᐊᓕᕐᓂᖅ: ᐊᕙᑎᖓ ᐆᒻᒪᕆᖕᓇᓗᐊᖅᑐᖅ ᓂᐱᖅᑯᖅᑐᓗᐊᕐᓂᖓᓄᑦ, ᐃᓄᒋᐊᓗᐊᕐᓂᖓᓄᑦ, ᖃᐅᒪᓗᐊᕐᓂᖓᓄᑦ, ᐊᓯᖏᓐᓄᓪᓗ ᐱᔾᔪᑕᐅᔪᓄᑦ.
- ᐃᓄᑑᑎᑕᐅᓂᖅ: ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᓄᖅᑲᖅᑎᑕᐅᓯᒪᕗᑦ, ᐊᐅᓪᓚᕈᓐᓇᙱᓪᓗᑎᒃ ᐊᐅᓚᑦᑎᔪᓐᓇᙱᓪᓗᑎᒡᓘᓐᓃᑦ ᓄᓇᒥᒃ ᓂᕐᔪᑎᓂᒡᓗ.
- ᓈᒻᒪᙱᓗᐊᖅᑐᑦ ᐃᑲᔫᑎᒃᓴᑦ: ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᐱᖁᑎᖃᙱᑦᑐᑦ ᐃᓚᐅᑦᑎᐊᕈᒪᒍᑎᒃ.
ᐆᒃᑑᑏᑦ:
- ᐃᒡᓗᕐᔪᐊᖅ ᒪᔪᕋᐅᑎᓕᒃ ᑭᓯᐊᓂ ᒪᔪᕋᐅᑎᖃᙱᓪᓗᓂ ᖁᒻᒧᐊᒍᑎᖃᙱᓪᓗᓂᓘᓐᓃᑦ.
- ᓱᓪᓗᑯᑖᒃ ᓂᕈᑭᓗᐊᖅᑐᖅ ᐊᔭᐅᕈᑎᒧᑦ ᐊᖅᑯᓵᕆᐊᒃᓴᖅ
- ᓵᖓ ᐳᖅᑐᓗᐊᖅᐸᑦ ᐊᔭᐅᕈᑎᒦᑦᑐᒧᑦ ᑎᑭᑕᐅᓇᓱᒋᐊᒃᓴᖅ
- ᑭᒃᑯᑐᐃᓇᕐᓄᑦ ᑎᑎᕋᖅᑕᐅᓯᒪᔪᑦ ᐱᔭᐅᔪᓐᓇᙱᑦᑐᑦ ᐃᓄᖕᓄᑦ ᓄᒃᑕᕈᓐᓇᐅᑎᓕᖕᓂᒃ ᐊᑐᖅᑐᓄᑦ
ᐃᓕᖅᑯᓯᖃᕐᓂᖅ
ᐃᓕᖅᑯᓯᕆᔭᐅᔪᓄᑦ ᑐᓗᖅᑕᕈᑏᑦ ᐱᔾᔪᑎᖃᖅᐳᑦ ᐱᐅᙱᑦᑐᓂᒃ ᐅᒃᐱᕆᔭᐅᔪᓂᒃ ᐊᒻᒪ ᐃᓱᒪᒋᔭᐅᔪᓂᒃ ᐃᓄᖕᓄᑦ ᐊᔪᕈᑎᓕᖕᓄᑦ. ᑕᒪᓐᓇ ᐃᓚᖃᖅᐳᖅ ᐊᑦᑎᒃᑐᒥᒃ ᓂᕆᐅᒋᔭᖃᕐᓂᕐᒥᒃ, ᑲᖐᓱᖕᓂᕐᒥᒃ, ᖃᐅᔨᒪᙱᓗᐊᕐᓂᕐᒥᒃ, ᐃᒃᐱᒍᓱᑦᑎᐊᙱᓐᓂᕐᒥᒡᓗ. ᐆᒃᑑᑏᑦ:
- ᐃᓱᒪᒋᔭᐅᔪᑦ ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᐊᔪᖏᓐᓂᕐᓴᐅᓇᓱᒋᔭᐅᓪᓗᑎᒃ
- ᐃᓱᒪᒋᓗᒋᑦ ᐃᓄᐃᑦ ᑎᒥᒥᒍᑦ ᐊᔪᕈᑎᓖᑦ ᑕᑎᖃᕐᓂᖏᓐᓂᒃ ᐊᒻᒪ ᐱᓕᕆᐊᒃᓴᓂᒃ ᑲᒪᔪᓐᓇᙱᖦᖢᑎᒃ ᐅᕝᕙᓘᓐᓃᑦ ᑲᒪᒋᔭᒃᓴᖏᓐᓂᒃ
- ᐊᔾᔨᒌᒃᑎᑦᑎᙱᓐᓂᖅ ᐃᖅᑲᓇᐃᔮᒃᓴᒧᑦ ᐱᓇᔪᒃᑐᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ
- ᑕᑯᒃᓴᐅᑎᑦᑎᓂᖅ ᐃᒃᐱᒍᓱᑦᑎᐊᙱᓐᓂᕐᒥᒃ ᐃᓄᖕᓂᒃ ᐊᔪᕈᑎᓕᖕᓂᒃ
- ᐃᓅᖃᑎᒥᓂᒃ ᐃᓚᐅᑎᑦᑎᙱᖦᖢᑎᒃ ᐃᓄᖕᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ
ᑐᓴᐅᒪᖃᑦᑕᐅᑎᓂᖅ
ᑐᓴᐅᒪᖃᑎᒌᖕᓂᕐᒧᑦ ᑐᓗᖅᑕᕈᑏᑦ ᑐᓗᖅᑕᕈᑕᐅᕗᑦ ᐊᔪᕐᓇᕈᑕᐅᕙᒃᖢᑎᒃ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ ᐱᔭᕆᐊᒃᓴᖅ ᐊᒥᖅᑳᖃᑎᖃᕈᓐᓇᙱᖦᖢᑎᒡᓘᓐᓃᑦ ᑐᓴᖅᑕᐅᔪᒃᓴᓂᒃ. ᑕᒪᒃᑯᐊ ᐊᔭᖅᑭᑦᑕᕈᑏᑦ ᐃᓚᖃᕈᓐᓇᖅᐳᑦ ᑐᑭᓯᓇᑦᑎᐊᙱᑦᑐᓂᒃ ᐅᖃᐅᓯᕐᓂᒃ, ᑐᓴᐅᒪᖃᑎᒌᑦᑎᐊᙱᓐᓂᕐᒥᒃ, ᐊᑐᕈᓐᓇᑦᑎᐊᙱᓐᓂᕐᒥᒃ ᑐᓴᖅᑕᐅᔪᒃᓴᓂᒃ, ᐱᓯᒪᙱᓐᓂᕐᒥᓂᒡᓗ ᐊᖏᖅᑕᐅᓯᒪᓂᕐᒥᒃ. ᐆᒃᑑᑏᑦ:
- ᐊᒡᒐᒃᑯᑦ ᐅᖃᓪᓚᒍᓐᓇᖅᑐᓂᒃ ᑐᓵᔨᖃᙱᓐᓂᖅ ᐃᓄᖕᓄᑦ ᑐᓵᙱᑦᑐᓄᑦ ᑐᓵᑦᑎᐊᙱᑦᑐᓄᓪᓘᓐᓃᑦ
- ᑎᑎᕋᖅᓯᒪᔪᓂᑦ ᐊᑐᐃᓐᓇᐅᖏᑦᑐᓂᑦ ᑕᐅᑐᓐᖏᑦᑐᓄᑦ ᐊᖏᔫᑕᐅᓂᖅᓴᓄᓪᓘᓐᓃᑦ ᐃᓄᓐᓄᑦ ᑕᐅᑐᑦᑎᐊᖏᑦᑐᓄᑦ
- ᐃᑭᐊᖅᑭᕕᒃᑯᑦ ᑐᑭᓯᒋᐊᖅᑕᕐᕖᑦ ᓈᒻᒪᙱᑦᑐᑦ ᐃᒐᓛᒃᑯᑦ ᐅᖃᓕᒫᕈᑎᓄᑦ
Auladjutikkut/timiqutigiyauyuq
ᐋᖅᑭᐅᒪᔪᑦ ᐅᕝᕙᓘᓐᓃᑦ ᑲᑐᔾᔨᖃᑎᒌᓄᑦ ᑐᓗᖅᑕᕈᑏᑦ ᐊᑐᐊᒐᐅᕗᑦ, ᐱᓕᕆᔾᔪᓯᑦ, ᐅᕝᕙᓘᓐᓃᑦ ᐱᓕᕆᔾᔪᓯᑦ ᐊᔾᔨᒌᒃᑎᑦᑎᙱᖦᖢᑎᒃ ᐊᑲᐅᙱᓕᐅᕈᑕᐅᓲᑦ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ. ᑕᒪᒃᑯᐊ ᐊᔭᖅᑭᑦᑕᕈᑏᑦ ᐃᓚᖃᖅᐳᑦ ᐊᑐᐊᒐᖅᑕᖃᑦᑎᐊᙱᓐᓂᖓᓂᒃ, ᑐᑭᓯᓇᑦᑎᐊᙱᑦᑐᓂᒃ ᓂᕆᐅᒋᔭᐅᔪᓂᒃ, ᑭᒡᒐᖅᑐᖅᑕᐅᑦᑎᐊᙱᓐᓂᕐᒥᒃ, ᐃᑲᔪᖅᑐᖅᑕᐅᑦᑎᐊᙱᓐᓂᕐᒥᒡᓗ. ᐆᒃᑑᑏᑦ:
- ᐊᓯᔾᔨᒐᒃᓴᐅᙱᑦᑐᑦ ᐃᖅᑲᓇᐃᔭᕐᓂᕐᒧᑦ ᐃᑲᕐᕋᐃᑦ ᐊᔪᕐᓇᖅᑐᖅᓯᐅᕈᑕᐅᕙᒃᖢᑎᒃ ᐃᖅᑲᓇᐃᔭᖅᑎᓄᑦ ᐋᓐᓂᐊᕕᓕᐊᕋᓱᒋᐊᒃᓴᖅ
- ᓈᒻᒪᙱᓗᐊᖅᑐᑦ ᑮᓇᐅᔭᑦ ᐱᔨᑦᑎᕋᐅᑎᓄᑦ ᐱᓕᕆᔾᔪᑎᓄᓪᓗ
- ᐊᑐᖅᑎᑦᑎᙱᓐᓂᖅ ᐊᑐᕈᓐᓇᕐᓂᕐᒧᑦ ᒪᓕᒐᕐᓂᒃ ᒪᓕᒋᐊᓕᖕᓂᓪᓗ
- ᐱᓕᕆᑎᑦᑎᕙᒡᓗᑎᒃ ᑲᒻᐸᓂᒋᔭᐅᔪᓂᒃ ᖃᓄᐃᓕᐅᖅᑎᑦᑎᔪᓂᒃ ᖁᕕᐊᓱᒍᑎᖃᕐᓂᕐᒥᒡᓗ ᐃᓂᓂ ᐅᐸᒃᑕᐅᔪᓐᓇᙱᑦᑐᓂ ᐃᓄᖕᓄᑦ ᐊᔪᕈᑎᓕᖕᓄᑦ