Ayuqhautit Piyaangnirmun
Katitiqviit: Timimikkut Ajuqhautiqaqtut
Qanurittuq: Qaritauyakkut IlihairutikhangitAyuqhautit aalakiit atuqtauyut. Ikayuutauyuq naunaiyaqlugit uvalu uqautigilugit. Una ikayurniaqtaatit ihuarhigiami. Uvani NDMSmi, pidjutigiyaqqut ayuqhautit kikliqangitut. Ihumagilluaqtavut tamaat inuk, atauhiinnaungittumut ayurhautingit akhuurutingillu. Una upautiniq uqautigiyauyuq ilauqatigiingnirmun.
Qanurittut Ayurhautingit
Iqaiyangnikkut
Iqaiyangnikkut ayuqhautit tapkua pittailidjutit uvaluuniin kikliqaqtitiyut inungnun ayuqhautiqaqtunun ingutaariamingnik uvaluuniin nayugahainik. Una ilauyuq:
- Nappaktirinirmun tuluqtautivaktut: Mayurarvikhaittunut, apqutit haniraani pihugviit, aputaijainirmunluunniit.
- Mihingnautikkut amigaiqpallaarniq: Avatinga alianaqpiaqtuq nipiquqtuyumik, inugiakpallaarmat, qaumayut qulliit, aallaniklu.
- Avaliingaaqtitauniq: Inuit timimikkut ayuqhautiqaqtut avaliingaqtitauyut, tingmivikhaiqhutik munaqhiyaamingnik nunamik huradjaniklu.
- Piqalluanginmat ikayuutikhanik: Inuit timimitigut ayurhautilgit piqangittut ihariagiyauyunik tamayanik ilaugiami.
Uuktuutigilugit:
- Igluuqpak mayurautaqaqtuq kihiani mayuraqviqagituq alruyaqtuutiniklu
- Pihukvik tuatuvallaarmat kaipluarutip apqutikhaanik
- Ikpatit puqtuvallaaqqat inungmun kaipluarutiqaqtumun ihagiangani
- Inungnun ingilradjutit tapkua tamayaqangitut inungnun ingutaarutinik
Qanuritmangaangit
Qanuritmangaangit ayuqhautit ihuangitut idjuhiit uvalu ihumagiyauyut tapkua inuit pihimayaat ayuqhautinun. Una ilauyuq mikiyumik nigiuktauyut, ihumagiyauyut, ilihimangitut, uvalu pittianginikkut. Uuktuutigilugit:
- Ihumagilluaqhugit inuit timimikkut ayuqhautiqaqtut pilluayuittut
- Ihumagiblugit inuit timimikkut ayuqhautiqaqtut munariyauyut uvalu iniqtilimaitut havaaghanik uvaluuniin munagiyakhamingnik
- Inuglugiblugit havaatigut uuktuqtut ayuqhautiqaqtunun
- Tautuktitibluni nagliguhuutiqangitumik inungnun ayuqhautiqaqtunun
- Inungmiunikkut ilaungitut inuit timimikkut ayuqhautiqaqtut
Tuhaqtitinikkut
Tuhaqtitinikkut ayuqhautit tapkua pittailidjutauyut inungnun ayuqhautiqaqtunun piyaamingnik uvaluuniin uqautigilugit kangiqhidjutit. Hapkua ayuqhautit ilauyut naluqhaliqhutik uqauhikkut, tuhaqtitinginikkut, kikliqaqhutik piyaangnirit kangiqhidjutinun, apiqhinginirmunlu angirutinik. Uuktuutigilugit:
- Piqalluanginmat algakkut algakkut uqauhirmik uqaqtikhanik inungnut tuhaangittunut hiudjarluktunullu.
- Titiraqhimayut hunavaluit piqangittut Braille-mik angiyumikluuniit titiraqhimaninnga inungnut takpirluktunut.
- Qaritauyakkut pulaarvingit piliuqhimangittut piinarialaqigiami qaritauyakkut taiguarutinut.
Auladjutikkut/timiqutigiyauyuq
Auladjutikkut/ihuaqhainikkut ayuqhautit maliguagahat, atuqtauyut, uvaluuniin havauhiit tapkua ihuangitumik ayuqhautiqaqtut inungnun ayuqhautiqaqtunun. Hapkuat ayurhautingit ilaliutiyuq piqalluanginmat maliganik, naunaittumik ihumagiyanginnik, piqalluanginmat ikayuqtikhamik, kikliqaqtumiklu ikayuutikhamik. Uuktuutigilugit:
- Aalanguqataaqtut havaatigut ikaangniit tapkua ayuqhautigiyait havaktit upautiyaamingni munaqhiliaqtunun
- Piqalluanginmat manikhaq piinarialaqihimayunut ikayuutikhanut hunavaluknullu
- Akhuurutigingitait piyaangnirit maligat uvalu pitquyauyut
- Ihuaqhaiblutik havagvingni hulidjutinik uvalu quviahuutinik nayugaini tapkua piyaulimaitut inungnun ayuqhautiqaqtunun