ᐃᑲᔫᑎᒃᓴᑦ: ᖃᓄᖅ ᓇᖕᒥᓂᖃᕐᓂᕐᒧᑦ ᐱᔾᔪᑎᒃᓴᓕᐅᕈᓐᓇᕐᒪᖔᑦ ᐃᓚᓕᐅᔾᔨᓯᒪᓗᓂ ᐃᖅᑲᓇᐃᔭᖅᑎᑖᕐᓂᕐᒧᑦ
ᖃᓄᐃᑦᑑᓂᖏᑦ ᐃᖅᑲᓇᐃᔮᖃᕐᓂᖅ
ᖃᓄᐃᑦᑑᓂᖓ: ᖃᕆᑕᐅᔭᒃᑯᑦ ᐱᔭᐅᔪᓐᓇᖅᑐᑦᐃᖅᑲᓇᐃᔭᖅᑎᑦᑎᔨᐅᓪᓗᑎᑦ ᓄᓇᕘᒥ, ᖃᐅᔨᒪᔪᑎᑦ ᐊᔪᕐᓇᖅᑐᖅᓯᐅᕐᓇᕐᓂᖓᓂᒃ ᓇᓂᓯᓇᓱᒃᑐᓂ ᐃᖅᑲᓇᐃᔭᖅᑎᑖᕋᓱᒃᑐᓂᓗ ᐃᖅᑲᓇᐃᔭᖅᑎᑦᑎᐊᕙᖕᓂᒃ. ᖃᐅᔨᒪᙱᑐᐃᓐᓇᕆᐊᖃᖅᐳᑎᑦ ᐅᓄᖅᑐᑦ ᐊᔪᙱᑦᑎᐊᖅᑐᑦ ᐃᓄᐃᑦ ᓄᓇᔅᓯᓐᓂ ᐃᖅᑲᓇᐃᔭᕈᒪᔪᑦ. ᑖᒃᑯᐊ ᐊᔪᙱᑦᑎᐊᖅᑐᑦ ᐊᒻᒪ ᐱᓕᕆᔪᒪᑦᑎᐊᖅᑐᑦ ᐃᖅᑲᓇᐃᔮᖅᑖᕋᓱᒃᑐᑦ ᐱᑕᖃᖅᐸᒌᖅᐳᑦ ᐃᑲᔪᕈᒪᑦᑎᐊᖅᓱᑎᒡᓗ, ᑭᓯᐊᓂ ᑐᓗᖅᑕᕈᑎᖃᕋᔪᒃᐳᑦ ᐃᖅᑲᓇᐃᔭᕐᓂᕐᒧᑦ.
ᐲᔭᐃᒍᕕᑦ ᑐᓗᖅᑕᕈᑕᐅᕙᒃᑐᓂᒃ ᐊᔾᔨᒌᙱᕈᓘᔭᖅᑐᓄᑦ ᐃᖅᑲᓇᐃᔭᖅᑎᑦᑎᓂᕐᒧᑦ, ᐱᔪᒥᓇᖅᓯᑎᑦᑎᓇᔭᖅᐳᑎᑦ ᐱᐅᔪᒻᒪᕆᖕᓂᒃ ᐃᖅᑲᓇᐃᔭᖅᑎᓂᒃ…
ᐃᖅᑲᓇᐃᔭᖅᑎᑦᑎᔨᐅᑎᓪᓗᑎᑦ, ᐃᒪᐃᓕᐅᕈᓐᓇᖅᐳᑎᑦ:
- ᐃᖅᑲᓇᐃᔭᖅᑎᑖᕐᓗᑎᑦ ᑕᑎᒋᔭᐅᔪᓐᓇᑦᑎᐊᖅᑐᓂᒃ ᐊᒻᒪ ᐊᐅᓚᓂᖃᑦᑎᐊᖅᑐᓂᒃ ᐃᖅᑲᓇᐃᔭᖅᑎᓂᒃ
- ᑕᑯᒃᓴᐅᑎᑦᑎᓗᑎᑦ ᐊᖏᖅᓯᒪᓂᕆᔭᕐᓂᒃ ᐃᖅᑲᓇᐃᔭᕐᕕᖕᒥ ᐊᔾᔨᒌᙱᕈᓘᔭᖅᑐᓂᒃ
- ᐱᕚᓪᓕᖅᑎᓪᓗᒍ ᓄᓇᕘᑉ ᑮᓇᐅᔭᓕᐅᕋᓱᖕᓂᖓ ᐊᖏᒡᓕᒋᐊᖅᑎᑦᑎᓂᒃᑯᑦ ᓄᓇᓕᖕᓂ ᓂᐅᕕᕈᓐᓇᕐᓂᐅᔪᒥᒃ
- ᐃᑲᔪᕐᓗᑎᓪᓗ ᓴᖅᑭᑎᑦᑎᓂᕐᒥᒃ ᐃᓚᐅᑎᑦᑎᔪᓂᒃ ᐃᖅᑲᓇᐃᔭᖅᑎᓂᒃ ᐱᕚᓪᓕᕈᑕᐅᔪᓐᓇᖅᑐᓂᒃ ᑭᒃᑯᓕᒫᓄᑦ.
ᖃᓄᐃᒻᒪᑦ ᐃᓚᓕᐅᔾᔨᓯᒪᓗᓂ ᐃᖅᑲᓇᐃᔭᖅᑎᑦᑎᓂᖅ ᐱᕚᓪᓕᕈᑕᐅᕙᒃᐸ ᓇᖕᒥᓂᕆᔭᐅᔪᓄᑦ?
- ᐊᖏᒡᓕᕙᓪᓕᐊᑎᑦᑎᔪᓐᓇᖅᐳᑎᑦ ᓂᐅᕕᖅᐸᒃᑐᓂᒃ ᑲᔪᓯᑎᑦᑎᓂᒃᑯᑦ ᐃᓚᐅᑎᑦᑎᓂᕐᒥᒃ ᐃᑲᔪᖅᑐᐃᑦᑎᐊᕐᓂᕐᒥᒡᓗ ᐃᖅᑲᓇᐃᔭᕐᕕᒋᔭᐅᔪᒥᒃ.
- ᐱᕚᓪᓕᖅᑎᑦᑎᕗᑎᑦ ᓂᐅᕕᕈᓐᓇᕐᓂᐅᔪᒥᒃ ᓄᓇᓕᔅᓯᓐᓂ.
- ᐃᑲᔪᖃᑦᑕᖅᐳᑎᑦ ᐋᖅᑭᒃᓱᐃᕙᓪᓕᐊᓂᕐᒥᒃ ᐃᓅᖃᑎᒌᓂᒃ ᑭᒃᑯᓕᒫᑦ ᐃᓚᐅᔪᓐᓇᕐᓗᑎᒃ.
- ᐃᖅᑲᓇᐃᔭᖅᑎᑦᑎᓂᖅ ᐃᓄᖕᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ ᐱᐅᓯᒋᐊᖅᑎᑦᑎᕙᒃᐳᖅ ᓇᖕᒥᓂᕆᔭᕐᓄᑦ ᐱᓕᕆᓂᕆᕙᒃᑕᕐᓂᒃ ᓴᖅᑭᑎᑦᑎᓂᒃᑯᑦ ᐊᔾᔨᒌᙱᕈᓘᔭᖅᑐᓂᒃ ᑕᐅᑐᖅᑰᖅᑕᐅᔪᓂᒃ.
- ᓴᙱᔫᓪᓗᑎᒃ ᐱᓕᕆᑦᑎᐊᖅᐸᖕᓂᖏᑦ ᑕᑎᒋᔭᐅᔪᓐᓇᕐᓂᖏᓪᓗ ᐃᑲᔪᖅᐸᒃᐳᑦ ᐱᐅᓯᒋᐊᖅᑎᑦᑎᕙᒃᑐᑎᒃ ᐱᓯᒪᐃᓐᓇᕐᓂᕐᒥᒃ ᑕᒪᐃᓐᓄᓪᓗ ᐱᓕᕆᓂᕆᔭᐅᕙᒃᑐᒥᒃ.
- ᐃᓚᓕᐅᔾᔨᓯᒪᑦᑎᐊᕐᓂᖅ ᐃᖅᑲᓇᐃᔭᖅᑎᓂᒃ ᐱᐅᓯᒋᐊᖅᑎᑦᑎᕙᒃᐳᖅ ᑲᒻᐸᓂᒋᔭᖅᐱᑦ ᖃᐅᔨᒪᔭᐅᓂᕆᔭᖓᓂᒃ. ᐱᔪᒥᓇᖅᓯᑎᑦᑎᕙᒃᑐᓂ ᐃᓅᖃᑎᒥᓂᒃ ᐅᔾᔨᕈᓱᑦᑎᐊᖅᑐᓂᒃ ᓂᐅᕕᖅᐸᒃᑐᓂᒃ, ᐅᔾᔨᕐᓇᖅᓯᑎᑦᑎᓪᓗᓂᓗ ᐃᓱᒪᒃᓴᖅᓯᐅᑦᑎᐊᖅᓯᒪᓂᖅᓴᒥᒃ ᑐᙵᓇᕐᓂᖅᓴᒥᒡᓗ ᐃᖅᑲᓇᐃᔭᕐᕕᖃᕐᓂᕐᒥᒃ.
- ᓴᖅᑭᑎᑦᑎᓂᖅ ᐃᓚᓕᐅᔾᔨᓯᒪᓂᖅᓴᒥᒃ ᓄᓇᕐᔪᐊᒥᒃ ᐱᑎᑦᑎᕙᒃᐳᖅ ᐱᕕᒃᓴᓂᒃ ᑭᒃᑯᓕᒫᓄᑦ ᑲᔪᓯᓂᖃᑦᑎᐊᕈᓐᓇᖁᓪᓗᒋᑦ.
ᒥᑭᑦᑐᑦ ᐋᖅᑭᒋᐊᖅᑕᐅᔪᑦ, ᐊᒃᑐᐃᕐᔪᐊᖅᑐᑦ
ᐅᓪᓗᒥ ᐱᒋᐊᕈᓐᓇᖅᐳᑎᑦ ᐃᒪᓐᓇ:
- ᐊᑐᕐᓗᑎᑦ ᐃᓚᓕᐅᔾᔨᓯᒪᑦᑎᐊᖅᑐᓂᒃ ᐅᖃᐅᓯᕐᓂᒃ ᐃᖅᑲᓇᐃᔮᒃᓴᓂᒃ ᒪᓂᓴᐅᑎᓂᒃ.
- ᐱᓕᕆᖃᑎᖃᖅᐸᒡᓗᓂ ᐃᖅᑲᓇᐃᔮᒧᑦ ᑲᔪᖏᖅᓴᐃᔨᒥᒃ ᐃᑲᔪᕈᒪᓪᓗᒋᑦ ᐃᖅᑲᓇᐃᔭᖅᑎᑦ.
- ᒪᓂᒪᑎᑦᑎᕙᒡᓗᑎᒃ ᓈᒻᒪᒃᑐᓂᒃ ᐃᓂᒋᔭᐅᓇᔭᖅᑐᓂᒃ ᑕᒪᕐᒥᑦᑎᐊᖅ ᐃᖅᑲᓇᐃᔭᖅᑏᑦ ᑲᔪᓯᓂᖃᑦᑎᐊᕈᓐᓇᖁᓪᓗᒋᑦ.
ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᐳᑎᑦ ᐅᓪᓗᒥ ᐱᒋᐊᕈᒪᒍᕕᑦ!
ᐃᖅᑲᐅᒪᓂᐊᖅᐳᑎᑦ, ᑭᒃᑯᓕᒫᑦ ᐃᒻᒥᓂᒃ ᑭᒡᒐᖅᑐᖅᑕᐅᒑᖓᑕ ᐃᖅᑲᓇᐃᔭᕐᕕᖕᒥᑦ,ᐱᓕᕆᑦᑎᐊᕐᓂᖅᓴᐅᓲᖑᕗᒍᑦ−ᐊᑕᐅᑦᑎᒃᑯᑦ!
ᐱᕝᕕᒋᓗᒋᑦ ᐊᑐᖅᑕᐅᔪᓐᓇᖅᑐᑦ
ᐃᑲᔫᑎᒃᓴᑦᐃᑲᔫᑎᒃᓴᑦ: ᐱᓕᕆᐊᒃᓴᕆᔭᐅᔪᖅ ᐃᓚᓕᐅᔾᔨᓯᒪᓗᓂ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ (DOCX, 157 KB)