NDMS−ᒧᑦ ᖃᐅᔨᒋᐊᕐᕕᒃᓴᖅ ᑎᑎᕋᕐᕕᒃᓴᖅ
ᖃᓄᐃᑦᑑᓂᖏᑦ ᑎᒥᒥᒍᑦ ᐊᔪᕈᑎᖃᕐᓂᖅ
ᖃᓄᐃᑦᑑᓂᖓ: ᖃᕆᑕᐅᔭᒃᑯᑦ ᐱᔭᐅᔪᓐᓇᖅᑐᑦᐃᑲᔪᖅᑕᐅᓂᖅ ᐊᑐᐃᓐᓇᐅᔪᖅ ᓄᓇᕗᓕᒫᒥᑦ, ᑐᑭᓯᒋᐊᒃᑲᓐᓂᕈᒪᒍᕕᑦ, ᑭᓇᒥᑦ ᐅᖃᖃᑎᖃᕈᒪᒍᕕᑦ, ᐃᑲᔪᖅᑕᐅᔪᒪᒍᕕᓪᓘᓐᓃᑦ ᖃᐅᑕᒫᑦ ᐸᖅᑭᔭᐅᓂᕐᒧᑦ.
NDMS–ᓄᓇᕗᒻᒥ ᑎᒥᒥᒍᑦ ᐊᔪᕈᑎᓕᖕᓄᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᖓᑦ
ᐃᑲᔪᖅᑐᐃᓲᖑᕗᒍᑦ ᓄᓇᕗᒻᒥᐅᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ, ᐃᓚᒋᔭᐅᓪᓗᑎᒃ ᐃᖅᑲᐅᒪᔪᓐᓇᐃᓪᓕᔪᑦ ᐊᒻᒪ ᐃᓕᖅᑯᓯᖅᓱᑦᑎᐊᕈᓐᓃᖅᑐᑦ.
ᐊᑐᐃᓐᓇᐅᔪᑦ ᐃᑲᔫᑎᒃᓴᑦ:
- ᑐᑭᓯᓇᖅᑐᓂᒃ ᐅᖃᐅᓯᕐᓂᒃ ᐱᑕᖃᖅᑐᑦ ᖃᓪᓗᓈᑐᑦ ᐃᓄᒃᑎᑐᓪᓗ
- ᐃᑲᔪᖅᑐᐃᓂᖅ ᑲᒪᔨᒋᔭᐅᔪᓄᑦ
- ᑲᓱᖅᓯᒪᓂᖅ ᓄᓇᓕᖕᓂ ᐱᔨᑦᑎᕋᕐᓂᕆᔭᐅᕙᒃᑐᓄᑦ
- ᑭᒡᒐᖅᑐᐃᓂᖅ ᐃᓕᓐᓂᐊᖅᑎᑦᑎᓂᕐᓗ
ᐊᓯᖏᑦ ᐃᑲᔪᖅᓯᖅᑕᐅᕙᒃᑐᑦ
- ᓄᓇᓕᖕᓂ ᐋᓐᓂᐊᕖᑦ. ᓄᓇᕘᒥ ᐋᓐᓂᐊᕕᖃᐅᖅᐳᖅ ᐊᒥᓱᓂ ᓄᓇᓕᖕᓂ ᓄᓇᕘᓕᒫᒥ. ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᒻᒪᕇᑦ ᐃᖅᑲᓇᐃᔭᖅᑏᓪᓗ ᐃᑲᔪᕈᓐᓇᖅᐳᑦ ᐃᓕᖅᑯᓯᖅᓱᑦᑎᐊᕈᓐᓃᖅᐸᓪᓕᐊᓂᕐᒧᑦ ᖃᐅᔨᓴᖅᓯᓂᕐᒥᒃ, ᐃᓗᐊᖅᓴᐅᑎᓂᒃ, ᑕᑯᔭᒃᓴᙳᖅᑎᑦᑎᓂᕐᒥᒃ, ᖃᓄᑐᐃᓐᓇᕐᓗ ᐊᐱᖅᑯᑎᒃᓴᖃᕐᓂᕈᕕᑦ. ᐅᐸᒡᓗᒍ 211 ᓄᓇᕗᑦ ᓄᓇᓕᖕᓂ ᐱᔨᑦᑎᕋᐅᑎᓂᒃ ᓇᓂᓯᔪᒪᓗᑎᑦ.
- ᐱᓕᕆᐊᑦ ᓄᓇᓕᓐᓂ ᖃᓄᐃᖏᑦᓯᐊᕐᓂᕐᒧᑦ. ᑕᒪᒃᑯᐊ ᐃᓚᖃᑐᐃᓐᓇᕆᐊᖃᖅᐳᑦ ᐃᑲᔪᖅᑐᐃᓂᕐᒧᑦ ᐱᓕᕆᖃᑎᒌᒃᐸᒃᑐᓂᒃ ᐃᓐᓇᕐᓄᑦ, ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓄᑦ, ᓄᓇᓕᖕᓂᓘᓐᓃᑦ ᐅᖃᐅᔾᔪᐃᔨᓄᑦ. ᑕᑯᓂᐊᕐᓗᒍᓄᓇᓕᖕᓂ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᑦ ᑐᑭᓯᒋᐊᒃᑲᓐᓂᕈᒪᒍᕕᑦ.
- ᒐᕙᒪᒃᑯᑦ ᐱᓕᕆᐊᖏᑦ. ᐊᖏᕐᕋᕆᔭᐅᔪᓂ, ᓄᓇᓕᖕᓂ, ᑲᒪᒋᔭᐅᖏᓐᓇᖅᑐᒃᑯᕕᖕᒥᓗ ᐱᓕᕆᐊᖑᕙᒃᑐᖅ ᐃᑲᔪᖅᑐᐃᕙᒃᐳᖅ ᓄᓇᕗᒻᒥᐅᓂᒃ ᐃᒻᒥᓂᒃ ᑲᒪᒋᔪᓐᓇᕐᓂᕐᒥᒃ ᐃᑲᔪᖅᑕᐅᕙᒃᑐᑎᒃ ᐃᓚᒥᓄᑦ ᓄᓇᓕᖕᒥᐅᓄᓪᓗ. ᑕᒪᓐᓇ ᐱᐅᓯᒋᐊᖅᑎᑦᑎᕙᒃᐳᖅ ᓇᖕᒥᓂᖅᓱᕈᓐᓇᕐᓂᕐᒥᒃ ᑕᒪᕐᒥᑦᑎᐊᕐᓗ ᖃᓄᐃᙱᑦᑎᐊᕈᓐᓇᕐᓂᕐᒥᒃ. ᐱᔨᑦᑎᕋᕐᓂᕆᔭᐅᕙᒃᑐᑦ ᐃᓚᖃᖅᐳᑦ ᐊᖏᕐᕋᕆᔭᐅᔪᓂᒃ ᑲᒪᒋᔭᖃᖅᐸᖕᓂᕐᒥᒃ, ᓇᖕᒥᓂᖅ ᑲᒪᒋᔭᖃᖅᐸᖕᓂᕐᒥᒃ, ᐃᓗᐊᖅᓴᐃᕙᖕᓂᕐᒥᒃ, ᑕᖃᐃᖅᓯᕐᕕᖃᖅᐸᖕᓂᕐᒥᒃ, ᐃᖃᐃᓕᓴᖅᑎᑦᑎᕙᖕᓂᕐᒥᒃ ᖃᓄᐃᑦᑐᓐᓃᖅᐸᓪᓕᐊᓂᕐᒥᒡᓘᓐᓃᑦ ᐊᔪᕈᓐᓃᖅᓴᕐᓂᕆᔭᐅᕙᒃᑐᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᙵᕈᓐᓇᖅᐳᑎᑦ ᐊᖏᕐᕋᒥ, ᓄᓇᓕᖕᓂ, ᑲᒪᒋᔭᐅᖏᓐᓇᖅᑐᒃᑯᕕᖕᒥᓪᓗ (HCC) ᐱᓕᕆᐊᒃᓴᖅ.
- ᒐᕙᒪᒃᑯᓐᓄᑦ ᐱᔨᑦᑎᕈᑏᑦ. ᐃᓄᓕᕆᔨᒃᑯᑦ ᐃᑲᔪᕈᓐᓇᖅᑐᑦ ᐃᓚᒌᓂᑦ ᑕᖃᐃᖅᓯᑲᐃᓐᓇᕐᓂᕐᒧᑦ, ᑮᓇᐅᔭᑎᒍᑦ ᐃᑲᔪᖅᑕᐅᓂᕐᒧᑦ, ᐃᓄᓕᕆᔨᒃᑯᓪᓘᓐᓃᑦ.
- Alzheimer Society. ᐅᐸᒡᓗᒍ ᐃᑲᔪᖅᑕᐅᓂᖅ ᐊᒻᒪ ᑐᑭᓯᒋᐊᕈᑏᑦ ᐃᓄᖕᓄᑦ ᑲᒪᒋᔭᖃᖅᑐᓄᑦ ᐃᓕᖅᑯᓯᖅᓱᑦᑎᐊᕈᓐᓃᖅᓯᒪᔪᒥᒃ.
- ᑲᒪᑦᓯᐊᖅᑐᑦ ᓄᓇᕗᒻᒥ ᐅᖄᓚᐅᑎᖓ. ᐊᒃᓱᕈᓗᐊᕈᕕᑦ ᐃᑲᔪᖅᑕᐅᔭᕆᐊᖃᕈᕕᓪᓘᓐᓃᑦ, ᐅᖄᓚᔪᓐᓇᖅᐳᑎᑦ ᐃᑲᕐᕋᓄᑦ 24−ᓄᑦ ᐅᕗᖓ 867-979-3333 ᐃᖃᓗᖕᓂ, ᐊᑭᖃᙱᑦᑐᒧᓪᓘᓐᓃᑦ1-800-265-3333.