ᑭᒡᒐᖅᑐᐃᓂᕐᒧᑦ ᐱᓕᕆᕙᓪᓕᐊᓂᕐᒧᑦ ᑎᑎᖅᑐᕆᐊᓕᑦ
ᑖᓐᓇ ᐱᔭᕇᖅᓯᒪᔭᕆᐊᓕᓐᓄᑦ ᓇᓗᓇᐃᔭᐃᓯᒪᔪᖅ ᐃᑲᔪᕐᓂᐊᖅᑐᖅ ᐃᓕᓐᓂᑦ ᑐᑭᒧᐊᑦᑎᑦᓯᓂᕐᒥᑦ ᐊᔾᔨᒌᖏᑦᑐᓂᑦ ᑭᒡᒐᖅᑐᐃᓂᕐᒧᑦ ᖃᓄᐃᓐᓂᐅᔪᓂᑦ.
ᑭᒡᒐᖅᑐᐃᓂᕐᒧᑦ ᐱᓕᕆᕙᓪᓕᐊᓂᕐᒧᑦ
ᑭᒡᒐᖅᑐᐃᓂᕐᒧᑦ ᑲᔪᓯᓂᕆᔭᐅᕙᒃᑐᖅ ᐃᓗᓕᖃᖅᐳᖅ 6−ᓂᒃ ᐊᑐᖅᑕᐅᓪᓗᐊᑕᖅᐸᒃᑐᓂᒃ:
- ᐊᑲᐅᙱᓕᐅᕈᑕᐅᔪᖅ ᓇᓗᓇᐃᕐᓗᒍ.
- ᓇᓗᓇᐃᕐᓗᒍ ᐱᔾᔪᑕᐅᓪᓗᐊᑕᖅᑐᖅ.
- ᐋᖅᑭᒍᑎᒃᓴᓕᐅᕐᓗᑎᒃ.
- ᓂᕈᐊᕐᓗᑎᑦ ᐋᖅᑭᒍᑎᒃᓴᓂᑦ ᐋᖅᑭᒍᑎᒃᓴᓂᒡᓘᓐᓃᑦ.
- ᐱᕙᒌᔭᕐᓗᒍ ᐊᑐᓕᖅᑎᓪᓗᒍᓗ.
- ᖃᐅᔨᒋᐊᒃᑲᓐᓂᕐᓂᖅ.
1. ᓇᓗᓇᐃᑦᑎᐊᕐᓗᒍ ᐱᔾᔪᑕᐅᔪᖅ
ᑐᕌᒐᖓ: ᓇᓗᓇᐃᖅᓯᓂᕐᒥᑦ ᑐᑭᓯᓂᕐᒥᓪᓗ ᐃᓱᒫᓘᑕᐅᔪᒥᑦ ᑐᕌᒐᖃᕐᓂᕐᒥᑦ ᓴᖅᑭᑎᑦᓯᓂᕐᒥᑦ.
- ᑭᒃᑯᑦ ᐱᓕᕆᖃᑕᐅᕙᑦ ᐊᑲᐅᙱᓕᐅᕈᑕᐅᔪᒧᑦ (ᓲᕐᓗ, ᓄᓇᕗᒻᒥᐅᑦ ᐊᓯᖏᓪᓗ ᑲᑐᔾᔨᖃᑎᒌᑦ)?
- ᑭᓱᒥᒃ ᐱᔾᔪᑎᖃᖅᐸᑦ (ᓲᕐᓗ, ᐊᑐᐃᓐᓇᐅᔪᑦ ᐱᔨᑦᑎᕋᐅᑎᑦ, ᐃᒡᓗᓕᕆᓂᖅ, ᐅᕝᕙᓘᓐᓃᑦ ᑮᓇᐅᔭᑦ)?
- ᓇᓂ ᐊᑲᐅᙱᓕᐅᕈᑕᐅᔪᖅ ᓴᖅᑭᓚᐅᖅᐸ (ᓲᕐᓗ, ᓇᓂᑐᐃᓐᓇᖅ ᓇᖕᒥᓂᕆᔭᐅᔪᒥᓪᓘᓐᓃᑦ)?
- ᖃᖓ ᐊᑲᐅᙱᓪᓕᐅᕈᑎᖃᓕᓚᐅᖅᐸ (ᓲᕐᓗ, ᐅᓪᓗᖅ, ᖃᔅᓯᒧᐊᖅᑎᓪᓗᒍ, ᐃᑲᕐᕋᕆᔭᐅᔪᓪᓘᓐᓃᑦ)?
- ᖃᓄᑎᒋ (ᐆᒃᑑᑎᒋᓗᒍ, ᑕᐃᒪᙵᓕᒫᖅ, ᐃᓛᓐᓂᒃᑯᑦ, ᓯᕗᓪᓕᖅᐹᒥᑦ)?
- ᑭᓲᕙ ᐊᑲᐅᙱᓕᐅᕈᑕᐅᔪᖅ ᐅᖃᐅᓯᐅᔪᖅ? ᐆᒃᑑᑎᒋᓗᒍ, ᑎᓯᐱᕆᒥᓂᑦ, ᐃᓕᓴᐱᐅᑉ ᐃᕐᓂᖓ 10-ᓂᒃ ᐅᑭᐅᓕᒃ, ᕼᐋᒪᓚᒥᐅᑕᖅ, ᐃᓕᓐᓂᐊᕆᐊᕈᓐᓇᓚᐅᙱᓚᖅ ᐃᓕᓐᓂᐊᕐᕕᖓᓄᑦ ᓲᖃᐃᒻᒪ ᑲᐃᓪᓗᐊᕈᑎᓕᖕᓂᒃ ᐃᖏᕐᕋᔾᔪᑎᖃᕐᓂᖅ ᓄᖅᑲᖅᑎᑕᐅᓯᒪᓂᖓᓄᑦ.
- ᑭᓱᒥᒃ ᐊᐱᖅᑯᑎᒥᒃ ᑭᐅᔭᕆᐊᖃᖅᐳᖓ? (ᐆᒃᑑᑎᒋᓗᒍ, ᖃᓄᐃᒻᒪᑦ ᑲᐃᓪᓗᐊᕈᑎᓕᖕᓄᑦ ᐃᖏᕐᕋᔾᔪᑎᑦ ᐃᖏᕐᕋᑎᑕᐅᓚᐅᙱᓚᑦ ᑎᓯᐱᕆᒥᓂᑦ?)
ᑭᐅᔾᔪᓯᑦ ᐊᒻᒪ ᑎᑎᖅᑲᑦ
ᑎᑎᕋᕐᓗᒋᑦ ᑭᐅᔾᔪᑎᑎᑦ ᑎᑎᕋᖅᑕᑎᓪᓗ.
2. ᖃᐅᔨᓗᒍ ᐱᔾᔪᑕᐅᓪᓗᐊᖅᑐᖅ
ᑐᕌᒐᖓ: ᖃᐅᔨᓴᕐᓗᒋᑦ ᐱᔾᔪᑕᐅᔪᑦ ᓇᓗᓇᐃᖅᑕᐅᓯᒪᔪᒧᑦ ᐊᑲᐅᙱᓕᐅᕈᑕᐅᔪᒧᑦ.
ᐊᑐᕐᓗᒍ ᑕᓪᓕᒪᑦ−ᖃᓄᐃᒻᒪ ᐊᑐᕈᓯᖅ ᐊᐱᕆᓗᒍ ‘ᖃᓄᐃᒻᒪᑦ’ ᑕᓪᓕᒪᐃᖅᓱᕐᓗᒍ, ᕿᓂᒃᑲᓐᓂᕐᓗᒍ ᐅᖓᑖᓄᑦ ᖃᐅᔨᔾᔪᑕᐅᔪᓐᓇᖅᑐᑦ ᓇᓗᓇᐃᖅᓯᓂᕐᒧᑦ ᐱᔾᔪᑕᐅᓪᓗᐊᑕᖅᑐᒥᑦ:
- ᖃᓄᐃᒻᒪᒃᑭᐊᕐᖓᐃ ᑕᐃᒪᐃᑉᐸ?
- ᑭᓱᑦ ᐱᔾᔪᑕᐅᓪᓗᐊᑕᖅᐸᑦ ᑕᒪᑐᒧᖓ ᐱᔾᔪᑕᐅᔪᒧᑦ?
- ᑭᓱ ᐱᔾᔪᑕᐅᕙ ᐅᕝᕙᓘᓐᓃᑦ ᓇᑭᙶᖅᓯᒪᕙ ᑕᒪᓐᓇ ᐊᑲᐅᙱᓕᐅᕈᑕᐅᔪᖅ?
ᑭᐅᔾᔪᓯᑦ ᐊᒻᒪ ᑎᑎᖅᑲᑦ
ᑎᑎᕋᕐᓗᒋᑦ ᑭᐅᔾᔪᑎᑎᑦ ᑎᑎᕋᖅᑕᑎᓪᓗ.
3. ᐋᖅᑭᒍᑎᒃᓴᓕᐅᕐᓂᖅ
ᑐᕌᒐᖓ: ᓇᓗᓇᐃᕐᓗᒋᑦ ᐋᖅᑭᒋᐊᕈᑎᒃᓴᓕᒫᑦ ᐊᑲᐅᙱᓕᐅᕈᑕᐅᔪᒧᑦ ᐱᓕᕆᐊᕆᓗᒍᓗ ᐱᔾᔪᑕᐅᓪᓗᐊᑕᖅᑐᖅ.
- ᑭᓲᕙᑦ ᐋᖅᑭᒍᑎᒃᓴᑦ ᑕᒪᐃᓐᓄᑦ ᕿᓚᒻᒥᐅᔪᒃᑯᑦ ᐊᑯᓂᐅᔪᒃᑯᓪᓗ?
- ᐋᖅᑭᒍᑎᒃᓴᖅᑕᖃᖅᐹ ᐊᑑᑎᖃᑦᑎᐊᖅᑐᓂᒃ ᐊᓯᖏᓐᓂ ᐊᑐᖅᑕᐅᔪᓐᓇᖅᑐᓂᒃ ᐅᕙᓂ?
- ᖃᓄᐃᓕᐅᖅᓯᒪᕗᖓ ᑭᖑᓂᑦᑎᓐᓂ ᐊᔾᔨᑲᓴᖏᓐᓄᑦ ᐱᔾᔪᑕᐅᔪᓄᑦ ᐊᒻᒪ ᐱᔾᔪᑕᐅᓪᓗᐊᑕᖅᑐᓄᑦ ᐊᑐᕈᓐᓇᖅᑐᓄᑦ ᐅᕙᓂ?
- ᐊᓯᓐᓂᒃ ᑭᐅᔭᐅᔪᓐᓇᖅᐳᖓ, ᐱᓗᐊᖅᑐᒥ ᖃᐅᔨᒪᓛᖑᔪᓂᒃ ᐊᑲᐅᙱᓕᐅᕈᑕᐅᔪᒥᒃ ᐊᒻᒪ ᖃᐅᔨᒪᓛᖑᔪᓂᒃ?
- ᐊᔪᕐᓇᙱᓐᓂᖅᓴᒥᒃ ᐱᑕᖃᖅᐹ ᑕᒪᑐᒧᖓ ᐊᑲᐅᙱᓕᐅᕈᑕᐅᔪᒧᑦ ᐱᔾᔪᑕᐅᔪᒧᓪᓗ ᐊᔪᕐᓇᙱᓐᓂᖅᓴᐅᔪᒥᒃ ᑲᒪᒋᔪᓐᓇᖅᑕᓐᓂᒃ? ᖃᓄᕐᓕ ᐋᖅᑭᒐᓱᒃᑲᔭᖅᐸᕋ?
- ᐃᓱᒪᒐ ᒪᑐᐃᕈᒃᑯ ᐃᓱᒪᒋᓗᒋᓪᓗ ᐊᔪᕐᓇᙱᑐᐃᓐᓇᕆᐊᓕᓕᒫᑦ, ᑭᓱᑦ ᐋᖅᑭᒍᑎᒃᓴᑦ ᐊᑑᑎᖃᑦᑎᐊᕋᔭᖅᐸᑦ?
- ᐋᖅᑭᒍᑎᐅᔪᓐᓇᖅᑐᓕᒫᑦ, ᐃᓚᐅᓪᓗᑎᒃ ᑕᐃᒃᑯᐊ ᓇᓗᔭᒃᑲ, ᑎᑎᕋᖅᑕᐅᓯᒪᕚᑦ ᖃᐅᔨᒋᐊᕐᕕᒋᔪᓐᓇᕐᓂᐊᕋᒃᑭᑦ NDMS−ᑯᑦ ᐱᓕᕆᖃᑎᒌᖕᓂᕐᒧᑦ ᑲᑎᒪᓂᑦᑎᓐᓂ?
- ᐋᖅᑭᒍᑎᒃᓴᖅᑕᖃᖅᐹ ᑲᔪᓯᔪᓐᓇᕋᓱᒋᓪᓗᒋᑦ ᑭᓯᐊᓂ ᓱᖁᑎᒋᙱᓪᓗᒍ ᐱᔭᕆᑐᓗᐊᖅᑰᔨᓂᖏᓐᓄᑦ ᐅᕝᕙᓘᓐᓃᑦ ᐊᑯᓂᐅᓗᐊᕐᓂᖏᓐᓄᑦ?
ᑭᐅᔾᔪᓯᑦ ᐊᒻᒪ ᑎᑎᖅᑲᑦ
ᑎᑎᕋᕐᓗᒋᑦ ᑭᐅᔾᔪᑎᑎᑦ ᑎᑎᕋᖅᑕᑎᓪᓗ.
4. ᓂᕈᐊᕐᓗᑎᑦ ᐋᖅᑭᒍᑎᒃᓴᒥᒃ(ᓂᑦ)
ᑐᕌᒐᖓ: ᓂᕈᐊᕐᓗᑎᑦ ᐱᐅᓛᒥᑦ ᐋᖅᑭᒍᑎᒃᓴᒥᑦ(ᓂᑦ) ᒪᓕᒡᓗᑎᒃ ᓴᖅᑭᑕᐅᓯᒪᔪᓂᑦ ᒪᓕᒋᐊᓕᖕᓂᑦ.
- ᑭᓲᕙᑦ ᐱᐅᓂᖏᑦ ᐱᐅᙱᓐᓂᖏᓪᓗ ᐊᑐᓂ ᐋᖅᑭᒍᑎᐅᔪᓐᓇᖅᑐᑦ?
- ᓇᓕᐊᒃ ᐋᖅᑭᒍᑎᒃᓴᑦ ᐃᑲᔪᕋᔭᖅᐸᑦ ᐃᓄᖕᒧᑦ ᕿᓚᒻᒥᐅᔪᒃᑯᑦ ᐊᑯᓂᐅᔪᒃᑯᓪᓗ?
- ᖃᓄᖅ ᐊᑑᑎᖃᖅᑎᒋᓂᐊᖅᐸ ᐸᕐᓇᐃᓗᓂ ᐊᑐᓕᖅᑎᑦᑎᓗᓂᓗ ᐋᖅᑭᒋᐊᕈᑎᒃᓴᒥᒃ?
- ᓱᓕᔪᒥᒃ ᐱᕙᒌᔭᕈᓐᓇᖅᐳᖔ ᐊᑐᓕᖅᑎᑦᑐᓐᓇᖅᐸᕌᓗ ᑖᓐᓇ ᐋᖅᑭᒍᑎᒃᓴᖅ?
- ᑖᓐᓇ ᐋᖅᑭᒍᑎᒃᓴᖅ ᐊᑐᓕᖅᑎᑦᑐᓐᓇᖅᐸᕌ?
- ᐊᓯᖏᑦ ᑲᑐᔾᔨᖃᑎᒌᖑᔪᑦ ᐃᓚᐅᕙᒃᑭᕚᑦ?
- ᐊᓯᖏᑦ ᑲᑐᔾᔨᖃᑎᒌᖑᔪᑦ ᐊᔪᕐᓇᖅᑎᑦᑎᑐᐃᓐᓇᕆᐊᖃᖅᐸᑦ ᐱᓕᕆᓇᓱᒋᐊᒃᓴᖅ ᐋᖅᑭᒍᑎᒃᓴᒥᒃ?
- ᖃᓄᖅ ᐊᖏᑎᒋᔪᒥᒃ ᐊᒃᑐᖅᓯᓂᖃᕋᔭᖅᐸ ᐋᖅᑭᒃᓯᒪᓕᕈᑕᐅᔪᖅ ᐊᑲᐅᙱᓕᐅᕈᑎᒋᔭᐅᔪᒧᑦ ᐱᔾᔪᑕᐅᓪᓗᐊᑕᖅᑐᒧᓪᓗ?
- ᐋᖅᑭᒍᑎᒃᓴᖅ ᐋᖅᑭᒍᑕᐅᖏᓐᓇᕐᓂᐊᖅᐹ ᐊᑲᐅᙱᓕᐅᕈᑕᐅᔪᒥᒃ ᐱᔾᔪᑎᒋᔭᖓᓂᒡᓗ?
- ᐋᖅᑭᒍᑎᒃᓴᖅ ᐱᕚᓪᓕᖅᑎᑦᑎᓂᐊᖅᐸ ᐃᓄᖕᒧᑦ?
- ᖃᓄᖅ ᐊᖏᑎᒋᔪᒥᒃ ᐱᐅᔪᒃᑯᑦ ᐊᒃᑐᖅᓯᓂᖃᕐᓂᐊᖅᐸ?
ᑭᐅᔾᔪᓯᑦ ᐊᒻᒪ ᑎᑎᖅᑲᑦ
ᑎᑎᕋᕐᓗᒋᑦ ᑭᐅᔾᔪᑎᑎᑦ ᑎᑎᕋᖅᑕᑎᓪᓗ.
5. ᐱᕙᒌᔭᕐᓂᖅ ᑲᔪᓯᑎᑦᑎᓂᕐᓗ
ᐱᔾᔪᑎ: ᐋᖅᑭᒃᓱᐃᔪᖃᕐᓗᓂ ᖃᓄᐃᓕᐅᖅᑕᐅᕙᓪᓕᐊᓇᔭᖅᑐᒥᒃ ᐊᑐᓕᖅᑎᑦᑎᓂᐊᕐᓗᓂ ᐋᖅᑭᒃᓯᒪᓕᕈᑕᐅᔪᒥᒃ ᑭᖑᓂᐊᒍᓪᓗ ᑲᔪᓯᑎᒃᑲᓐᓂᕐᓗᒍ
- ᑭᓱᓂᒃ ᑐᕌᕆᔭᖃᖅᐳᖓ ᐊᓂᒍᖅᑎᑦᑐᒪᓪᓗᒍ ᐋᖅᑭᒍᑎᒃᓴᓐᓄᑦ? ᑭᓱᓂᒃ ᓴᖅᑭᑦᑐᖃᓛᕈᒪᕙ?
- ᖃᓄᐃᓕᐅᕆᐊᖃᖅᐳᖓ? ᖃᖓᒃᑯᓪᓕ ᐄᔭᒐᕆᐊᖃᖅᐸᒃᑲ?
- ᑭᓇᒃᑲᓐᓂᖅ ᐃᓚᒋᔭᐅᔭᕆᐊᖃᖅᐸ ᐋᖅᑭᒍᑎᒃᓴᒧᑦ ᐅᕙᓐᓂ? ᖃᓄᖅ ᐃᓚᐅᓂᖃᖅᐸᑦ?
- ᐱᒻᒪᕆᐊᓗᖕᓂᒃ ᑕᑎᒋᔭᖃᖅᐸᒃᐳᖓ ᐃᓱᒪᒋᔭᕆᐊᖃᖅᑕᓐᓂᒃ?
- ᑭᓱᓂᒃ ᐃᑲᔫᑎᒃᓴᓂᒃ ᐱᔭᕆᐊᖃᕐᓂᐊᖅᐳᖓ, ᓲᕐᓗ ᐱᕕᒃᓴᒥᒃ, ᑮᓇᐅᔭᖃᖅᑎᑕᐅᓂᕐᒥᒃ, ᐅᕝᕙᓘᓐᓃᑦ ᐃᑲᔪᖅᓱᖅᑕᐅᓂᕐᒥᒃ ᐊᓯᖏᓐᓂᒃ ᑲᑐᔾᔨᖃᑎᒌᓂᒃ?
ᑭᐅᔾᔪᓯᑦ ᐊᒻᒪ ᑎᑎᖅᑲᑦ
ᑎᑎᕋᕐᓗᒋᑦ ᑭᐅᔾᔪᑎᑎᑦ ᑎᑎᕋᖅᑕᑎᓪᓗ.
6. ᖃᐅᔨᒋᐊᒃᑲᓐᓂᕐᓂᖅ
ᐱᔾᔪᑎᖓ: ᖃᐅᔨᓴᕐᓗᒍ ᐋᖅᑭᒋᐊᕈᑎ ᐊᑐᓕᖅᑎᑕᐅᓚᐅᖅᑎᓪᓗᒍ ᐊᑑᑎᖃᑦᑎᐊᕐᒪᖔᑦ.
- ᐅᓪᓗᖅᓯᐅᑎᓐᓂ ᐃᓂᒃᓴᓕᐅᕈᓐᓇᖅᐳᖔ ᖃᐅᔨᒋᐊᒃᑲᓐᓂᕐᓂᕐᒧᑦ?
- ᐋᖅᑭᒍᑎᒐ ᐊᑑᑎᖃᖅᐹ?
- ᐊᑑᑎᖃᓐᖏᑉᐸᑦ ᑭᓱᒥᒃ ᐱᔾᔪᑎᖃᖅᐸ?
- ᓇᓕᐊᒃ ᐃᓗᓕᖏᑦ ᑭᒡᒐᖅᑐᐃᓂᕐᒧᑦ ᑲᔪᓯᓂᕆᔭᐅᕙᒃᑐᒥ ᕿᒥᕐᕈᐊᒃᑲᓐᓂᓪᓗᐊᖅᐸᒃᑲ ᐊᓯᔾᔨᕆᐊᕐᓗᒋᓪᓗ?
- ᐊᒡᓚᕝᕕᓕᕆᔾᔪᑎᓕᒫᒃᑲ ᐅᓪᓗᒥᒨᖓᕚᑦ ᑕᒻᒪᖅᓯᒪᙱᖦᖢᑎᒡᓗ (ᓲᕐᓗ, ᐱᔾᔪᑕᐅᔪᓄᑦ ᑎᑎᖅᑲᑦ, ᐱᔭᐅᔭᕆᐊᓖᑦ NDMS−ᒧᑦ ᓵᑕᐅᓕᕈᓐᓇᕐᓂᕐᒧᑦ, ᐊᒻᒪ ᑎᑎᖅᑲᑦ ᒪᑐᔭᐅᓂᖏᓐᓄᑦ)?