Nunavummi Timimitigut Ayurhautilgit Makinnasuaqtiit Katimayiingit
Aimavik > Atuqtakhat

Ilihaqtakhaq: Kangiqhipkaidjutikhat Havagvingmi Ajuiqtakhat

Topic icon Katitiqviit:
Type icon Qanurittuq:

Uvani Kangiqhipkaidjutit Havagvingmi Ajuiqtakhat, ajuirniaqtutit qanuqtut tuhapkaidjutikhanik ihuaqtumik—tamangnik takudjutilutik titirarlutiklu. Ikayuutauyunik ikayuutikhanik piniaqtutit kangiqhiyaami titiqqanik taapkuatut havaakhat nuipkaktauhimayut uuktuutitlu. Tamna ilihairutikhaq ihumaginiaqtun uuktugianganik havaanganik. Ikayuriaqni nakuuyumik pigiaqni, ilaliutihimayuq ikayuutikhaq ihuarhigiami titiqqatit, naunaitkutat, tatqirhiutillu.

Ilihalaaqtutit Pigiarutinik Titiraqvikmi Ayuruirutinik ilihautikhamik qaritauyami.

  • Inmikkut-kayumingniitigut ilihaidjutit
  • Piyaarniq qaritauyakkut hivayautikuluuniin
  • Iniqtiqlugu nanminikkut atugahakkut
  • Qaritaujakkut hivajautikkullu ikajuqtikhat hailijut
  • Havaktakhangit mapiraangutaat ilauhimayut titiraqhimayangnik
  • Atuqtakhat najugakhait hailijut

Una ilihairutikhaq avikhimayuq tallimanik ihumagiyauyunik naunaitkutingnik.

Uqautauyuq 1: Tuhaqtitinikkut

  • Hunauva tuhaumapkainiq?
  • Hunauvat ilangit qanurittut tuhapkaidjutikhat?
  • Hunauvat ilangit ayurhautingit uqaqatigiikniqmut?

Uvani uqautauyumi, paqiniaqtatit uuktuutit atuguminaqtut uvalu ihualuangitut tuhaqtitinikkut havakvikmi, hapkualu atuguminaqtut uuktuutit ihuaqhiyuumigiangani ilvit tuhaqtitinikkut ayuitatit.

Uqautauyuq 2: Taiguangniq

Ilaani ihumaalukpallaaruvit taiguariami, avaliingittutit! Titiqqat ukunatitut havaakhamut naunaipkainiq unalu havaakhamut uuktuutit irhitaarnaqtut. Una uqariyauyuq piliurhimayuq ikayuriaqni ihuarhigiaqni taiguariami havaamut piyut titiqqat.

Topic 3: Titirarniq

Havangniq pidjutiqaqtuq amigaitunik titiqanik havaktauyukhanik! Una uqautauyuq uqauhiqaqtut havakvikmi titiraakhat havaalu uuktuutainik, qanuqlu iniqtiriagani nakuuyumik. Ilituriniaqtutit hunat havagviit maligatigut piyaaqtut—pilimaitut—apiqhilutik havaaghamun uuktuutinun. Iliniaqtutillu qanuq atungnirit naunaitkutait ikayuutiginiaqtatit havaktitiyunun.

Uqautauyuq 4: Titiqqanik Tutqumaviinik Munaqhitikhat

Alianaittutut ittuq, kihimi ihuaqharlugit titiqqat naunaitkutikhallu inuuhirnut ajurnaitqijauniaqtuq hakugikhijuumirnaqhunilu. Una uqariyauyuq ikayurniaqtaatit piliuriami nanminiriyarnik qanuriliurutiknik naunaiyariami havaamut uuktuutinik aadlaniklu havaamut piyut titiqqat taimaa havagiaqni nakuutqiamik.

Uqautigijaujuq 5: Munarittiarutikhanik Tatqirhiutimik

Ikaarninik munariniq akhuurutauttaaqtuq—kihimi ikayuutauqpiaqtuq havaakhaqhiuruvit havaliriiruvitluuniit. Uumani uqaqtakhami, ayuirharniaqtutit aadlatqiinik tatqirhiutinik qanuqtullu aturiami munarigiaqni ikaarnirnik nakuuyumiklu pigiami.