Ilihaqtakhaq: Hivuagut-Havaliqtinnatik Ilihaqtakhaq
Uumani Hivuagut-Havaliqtinnatik Pinahuaruti, ilitturiniaqtutit hunanik aallangadjutigijarnik, hulijumajarnik, qanuqtut akhuuqhaidjutikharnik, imaalu qanuqtut nakuujumik iniqhijarni havagvingni.
Ilauttaaqtutin uumunga pinahuarutimun upautilutit qaritaujakkulluunniit. Tamangnik piyakhak ilauyut hitamat ilihaidjutikhat.
Hivayaqluta naunaiqyumirutikharnik uminga ilihairutikharnik.
Upautilutik
- 12-ni havainirni iliharvikmi ilihaqtakhaq
- Katimayut katimadjutait uvalu attautinun katimadjutit
- Katimalutik ikayuqtauniq sikuuqtittiinit havaamullu ayuittiaqtut
- Ayuiqhautikharnik atuqtakharnik, nutaqiqivikharnik ikayuutikharnik, malikhautikharnik pigiaqaqtun ingilrutikharnik/alruyaqtuqtunik, amigaituniklu
Qaritaujakkut
- Hitamat inmikkut-kayumingniitigut qaritauyakkut ilihaidjutit
- Piinarialik qaritauyarnut hivayautiknulluuniit
- Iniqtiqlugit qilamiuqhimaitumik
- Qaritaujakkut hivajautikkullu ikajuqtikhat hailijut
- Titiraqvighaq titiraqtaghatit
- Atuqtakhanut najugaa
Module 1: Upalungaiyarlutit Auladjutikharnut
Auladjutit aulagutiyuq qiniqhialutit kinaungmangaaqpit uvalu hunat aalangadjutigiyatit. Qinirniaqtat inuuhit, piumayatit, ayuitatit, ilihimayatit, atuqpakhimayatillu. Ilitturiniaqtutit qanuqtut tamaita hapkuat atauttimuuqtaaqtut nakuuqpiaqtumik pigiami.
- Uqautigiyauyuq 1: Inuuhirmun piyakhanguqtuq! –Kinaugavin? Hunauyut quviagiyatit?
- Uqautigiyauyuq 2: Turaaqhimalugit ukpigiyait – Hunat aghuungnaqtut ilingnun? Hunat aghuungnaqtut?
- Uqautaujuq 3: Ihumagilugit ajuiqhimajatit – Hunauvat hakugingnirijatit? Hunamik ilitariyauvit?
- Uqautigiyauyuq 4: Qiniqlugit atuqhimayatit – Hunanik havakpakpit hivuani? Hunanik ajuiqhimajarnik atuqpakhimajarnik ajuirhautigiviuk?
Module 2: Pukuklugu Upagahaq
Una ilanga auladjutit ihumaliugutigilugu huliyumayat. Qiniqhianiaqtutit tikinahuagutingnik uvalu ayuiqlutit qanuq ihuaqhagiangani. Kangiqhiniaqtutit huuq ilangit tikinahuarutit nakuutqiat aalanin, uvalu pingahut pidjutauyut tikinahuarutit nakuuqpiaqtut. Unalu, piniaqtutit ikayuutikhanik ikayuutikhaniklu ahiruqtiriami tikinnahuaqtarnik munarittaaqtumik talvannga piyakhamik.
- Uqautaujuq 1: Ihumagilugit tikinnahuaqtakhat – Hunauvat tikinnahuaqtakhat? Huuq ihuaqhaqvigit?
- Uqauti 2: Ihumagilugit nakuuyut tikinahuarutit – Hunat ilangit tikinahuarutit nakuutqiat aalanin? Hunallu tikinnahuarutit nakuukpiaktut? (Ikayuutikhaq: pidjutiqaqtuq hunamik taiyauyuq CAT.)
- Uqautauyuq 3: Turaaqhimalutit iniqtigakhamik – Ilagit iniqtigakhat agiyut! Qanuq aviktungniaqigit pidjutigiyaangani?
Module 3: Aullavikhat Aullavikhat
Uvani ilangani auladjutingni, piliuqtutit aalangayumik niuvaanikkut unipkaamik – unipkaaq ILVIT – tamna ikayuutiginiaqtat naunaiyagiangani uvalu pidjutigilugit ayuqhautit hapingiqpalialutit uvalu mahulingaitumik.
- Uqautigijaujuq 1: Naunaijarlugit ajuqhautauvaktut – Ajuqhautit qajangnaqtut. Qanuq aniguutiniaqigit?
- Uqautigiyauyuq 2: Niuvaanikkut unipkaaq ILINGNUN – Hunauva nanminiq niuvaanikkut unipkaaq? Nanngarilugu!
- Uqautauyuq 3: Inmikkut-hapiqhimaitumik – Humi hakugingniqaqqit? Qanuqtut piliuqpakpiuk?
- Uqautauyuq 4: Hakugikhiyuumiqlugu mahulingainiq – Pidjutigilugit tapkua IQ ukpiriyait! Qanuqtut akhuuqpakpit mahulingainirmik?
Module 4: Tikitkuvit upauyakharnut
Nuutlutik havaaghaqhiurnirmun havaaniktitaunirmun. Una allanguqtiqhimayuq aulaniaqtuq amigaitunik ihuaqhaidjutikharnik! Ayuiqhalutin ikayuutikhanik aadlanggungnitigut, havaqatigilugit aadlat havaqatigiingnikkut, tuhaqtipkainirmunlu nakuuqpiaqtumik piyaami.
- Uqautigiyauyuq 1: Aalanguqtirniq ilauyuq inuuhirmun – Havangniq aalanguqtirutauyuq, aalanguqtirniq unagunaqtuq. Kihimi pidjutikhaqaqtuq pidjutigiyaangani.
- Uqautigiyauyuq 2: Havaqatigiblugit aalat – Qanuq havakpit ilauplutit havaqatigiingnun? Huuq havaqatigiingniq hakugikpiaqtuq?
- Uqautigiyauyuq 3: Tuhaqtitinikkut – Qanuq tuhaqtitivakpit ihuaqtumik? Qanuriliuqtukhauyutin? Hunanik pittailiyukhauyutit?
