Munagihimaarniq Allanguqtirutikharnik Havaagiyangnik Inuuhirni
Aadlangurniq pittaililimaittuq ilagiyanga havaamut. Hungiutiniq nutaanut munariyakharnut aadlangurninnginnullu havakviup tunngavinga ihariagiyauniaqtuq, munarigiamilu hapkuat aadlangurninngit nakuuyumik ikayurniaqtaatit qanurunaaqhimaittumik havattiariamilu. Una maliktakhaq tunijuq ikajuutikhanik munarigiami aadlangurninngit ihuaqtumik.
Aallannguqtirutit Havaakhanut
Pijitsirniq – havaanigiami atauhiuyuq angitqiyauyuq aadlangurninngit pittaaqtat inuuhirni, pipkaidjutikmat ikayuriaqni ikayuriaqni nunagiyat ilatillu.
Hamma ikittut aallangurniarunaqhijut.
Havauhiit
Havaakhaq ilauliqpaktuq tadja tunngavigijarnut. Ihuaqhaqtakhatit hapkununga:
- Kituni ubluni havagiaqtuqtukhauyutit
- Qaffinik ikaangnirnik havaktughauyutit
- Qanuq ihuaqhaqqigit nutqangallakvikhatit ubluummaat (kaapiturnaqhikpat qitiqqurnaqhikpatluuniit)
Ihuaqhaqtauffaarniq
Aullaqtiruvit nutaamik havaamik, uqariiqtutit havagiami ublungit ikaarningillu ihariagiyanginnik atan’nguyarnit. Ayugingitkuvin humiittaami ubluqhiutikkut, una qugluknaqtuq. Kangiqhidjutaa ubluq tamaat piqarungnaiqtutin aallanun hunanun. Ihuaqhaqtakhat hulilukaarutikhat ukunatitut:
- Niqinik niuvaaniq
- Hulilukaaqatigiblugit ilatit ilanatlu
- Munagihimaarniq pamirhimayangnik
- Quviagiblugu iqalukhiuqniq uvalu hilami hulilukaagutit
- Iqaiyarniq
- Hinikhuni
Aghuungnaqtuq naunaiyaqlugit qanuq ilaliutilugit hapkua hulidjutit ilingnun ikaangnighangnun. Atauhiuyuq ayungnautigivakhimayaqqut hinigianganik. Ayugiguvit innariami tupagiamilu piumaguvit, ihuaqhariami hinikvikhat ayurnarniaqtuq hivulliqpaami. Kihimi ihariagiyauyuq!
Ihuarhainiq Ihuarhainiqlu Inuup Uqariiyaqtamiknik
Ilangit inuit munagidjutiqaqtun taima nutaqiqiyaangat nukakhirnik nukakhirnik niqivalungnik atatatiaminun. Munagidjutiqaguvin imatun havaaniklutitlu, unagunaqtuq. Hivulliqpaami, ayurnaqtutut inniaqtuq, kihimi pittaaqtuq! Takuniaqtaqqut una naunaiyattiarlugu qakugu uqariyaptingni.
Ikiliyuumiqlugit inmi ikaangniit
Havaanikkuvit inmik piyungnaiqpaktuq. Una hulijakhat nakuutqijauniaqtuq. Aliagidjavat hulilukaaqpaklutillu piyumayarnik havangitkuvit, unaguiqhiqpaklutitlu!
Amigaitqiyanik ‘havakvikmi’ inungnik
Havangniq tukiqaqtuq inungmiuhimmaaqlutik. Kihimi, una aalangaqpiaqtuq iqatigiblugit ilanat ilatiklu. Havakvikmi, inuit tuhaqtitiyut ayuittiaqnikkut pihimablugit, uvalu anginiqhaqaqhutik, imaa havaktitiyuq/havakti uvaluuniin havaqatit/havaqatit. Ayuiqtukhauyutit qanuqtut inuit havakvikni uqaqatigiikpaktut qanuqtullu ilauniaqtutit atan’nguyarnut havaqatiknullu.
Hungiutiyaangat “Atuqtakharnik”
Ayuginiarungnaqhiyutit ilingnik “tadja havangitut.” Hivituniaqtuq hungiutiyaami nutaamun, hakugikhiyuumirutinun ilingnun. Qanuq hapkua uqaqtauyut mihigimavigit?
- Munarittiaqtunga inuk.
- Ayuittiaqtun’nga.
- Kinauyunga angikliyumiqtaaqtunga havaamni.
- Inuujunga maniliuqpaktunga.
Huuq aalanguqtirniq ihumaalungnaqtuq?
Nalunaqtuq
Aullaqtiriami nutaamik havaamik piqaqtuq amihunik nalunaqtunik. Aliaginiaqiuk havaaq? Havaqatiginiaqigit havaqatitit? Havaqatiginiaqigit ilihimangitatit niuvaayut? Unaguhuinaliqqit ublup nungutpat? Iniqtirniaqigit tamaita havaktakhatit?
Humaangittuq apirhuutiqariami ilihimannaittumik. Una nanminikkut ayungnautiginiaqtaat, ilituqhaiyaangat ayungnautigivakhimayangnik akhurhaidjutikharnik.
Iqhibluni tamainirmun
Aullaqtiriami nutaamik havaamik imaatut ittuq taimaaqtiriami ilanganik havangittarnik. Una ayurnaqhitivaktuq takuyaami ilannarnik, aliahuktittilimaittutinlu.
Humaangittuq mihigimajaami ilaijarnirmik nayuruirupta inungnik najuqpaktaraluaptingnik.
Pitquhiq
Ayugigaangapta aadjikiiktumik ubluq tamaat, nakuugiyaqqut. Ilaliutivaktugut ubluq tamaat hulivaktaptingnut. Pinggahuni havainniitni pidjutivaktuq nutaamik idjuhiqhamik hungiutiyaami nutaamik.
Napaa tamaita hulivaktavut aturaanginnaqpaktut. Hunaliqaa kiguutigikhariami hiningnahualiruptaluniit pitquhiriyavut – tukiqaqtuq ihumagiyariaqagitaptiknik qanuq pivagiagani ukua hunaliqaa taimailiurupta.
Upalungaiqhimalutit Aallangurnianut
Qanuqtut qanurunaarnaittumik, aadlangurninngit piyut nutaamut havaarnut?
Qanuriliurniaqqit?
- Apirilugu atan’nguyat titiraqqulugu havaatit ayurnaitqiyaugiami puiguqtailigiami.
- Taiguaqlugu “niuvaanikkut unipkaat” ilingnun itqaumadjutigilugu havaktaaqtutit havaat.
- Uqaqatigilugu havaqatit atan’nguyaqluuniit aadlamit havakvikmit maliktakharnik qanuqtut uqaqatigiami niuvirumayunut.
- Uqaqatigilugit havaqatitit qungiaqlugit qanuq tuhaqtitiyut havakvikmi.
- Ilitarilugit atugahatit aalanguriaqaqtut.
- Ihuaqhaqlugu hiningnaqhikpat tupaangnaririangni igayaangni tupauttaqturiangni.
- Puiguqtailugu halummaqhiniq unagunaqpiaktuq—himmautauniarunaqhijuq ilanganik iqaijautikharnut.
- Iqaiyaqlutit havaguiruvin—unaguhungitkuvin!
Aadlangurniq atuqtaunginnaqtuq havaamut. Ayungnaqtutut inniaqtuq hivuani, kihimi qakungugaangat uuktuqhimaaqlutinlu, ayuirniaqtutin munagiyaangat ihuaqtumik. Angmaumaniq nutaanun atugahanun, qiniqhiabluni ikayuqtighanik ihagiagiyaukpat, uvalu ilingnik munarittiarniq hungiutiniq ayungnaitqiaq. Tamaita aadlangurninngit pivikhaqautikhaq angikliyuumiriami pigiamilu nutaanik ayuitaminik.
Amigaqhuqhimaitumik, hungiutinahuaqlutit, puiguqtailutinlu, munarittaaqtat una!