Tautungnaqtut naunaitkutit: Havaakhakkut Aullaviat
Havaatigut Auladjutit
Una havaakhamut aullanikhat ikajuutauniaqtuq ilingnut naunaijautikhanik upalungaiqhimalutit nutaamut havaakhamut. Piliurhimayuq ikayuriaqni qanurunaaqhimaittumik humik tuniyarnik atan’nguyamut tunigiaqni naunaitkutanik havaliqtinnagu inmikkuuqtumiklu ayuirhainiq.
1. Upalunggaiyailutin
Havangniq aulaaqtutut ittuq! Qilamiuqhimaitumik upalungaiyaqlutit.
Upalunggaiyailutin
Kangirhilugu inuuhit, piumayarnik, ilumuurutit, atuqtarniklu.
- Kinaungmangaaqpit hulaqutigiyat piumayangnun.
- Ukpiriyatit ikayuutauyut hivunighanun upalungaiyautinun.
- Atuqpakhimayatit pidjutiqaqtut hunanik ayuiqtangnik iliharvingni, havagvingni, ubluq tamaat inuuhirni.
Hanalutit hanalrutikharnik
- Ihivriuqlugit hakugingniit ayuittatillu naunaiqlugitlu kituni nakuuhivalliayariaqaqtutin.
- Turaaqhimalugit ayuitatik uvalu ayuitatik piyakhat havaamun.
- Tautuktitilutit hunanik ikayuqtaaqtutit.
Kangiqhimaniq hunat aalangadjutigiyatit aulagutiginiaqtat alianaqtuq auladjutit tautuktuumiyaaqtangnun!
2. Pilugu upaktakhat
Havangniq tikitakhatut ittuq. Ihuaqhaqlugit tikinahuagutitit! Havaklugit apqutighatit nakuunighangnun!
Upalungaiyailutin
- Naunaiyaqlugit tikinahuagutitit.
- Ihuaqhilugit naittumik, qitqani-hivituniani, hivituyumiklu tikinnahuarumajarnik.
Ihuaqhaqlugu
- Hakugikhiyuumiqlugu tikinahuagutit.
- Atuqlugu CAT tikinnahuarutinga ihuarhigiami hakugiktigiamilu.
Upalungaiyaut
- Titiraqlugit hulidjutikhat upalungaiyautit tapkua pidjutauyut angiyunun tikinahuagutingnun.
3. Aullaqhimalutit
Hunamik nakhaqpakpit aullaaraangavit? Hivumuungnaqhiyuq tikinahuarutingnun!
- Ilitagilugit ayungnautigivakhimayaingit nanminigiyaingitlu ayungnautigivakhimayaingit
- Ilingnik niuvvaadjutigilugu
- Inmikkut-hapiruiqpalianiq
- Hakugikhiyuumiqlugu mahulingainiq atuqlugu Avatittinnik Kamatsiarniq
Hakugikhiyuumiqhimalutit! Tautuktuuyaaqlutit ilvit aulaaqhimayutit ungahiktumun aulaaqniqmun. Attautit atugahat hivumuurutiginiaqtatit, taimaali hapingihimaaqlutit uvalu pidjutigilugit ayuqhautit.
4. Tikitkuvit upauyakharnut
Quviahuutigiyauvutin! Tikitatit upagakhat—kihimi aulaarut nutqangittuq hamunga. Qanuriliuqtukhauyutin tikiutiguvit upaktakhangnun?
Angiyumik Aalanguqtuq
Aullaqtiriami nutaamik havaamik angijumik inuuhirmun aallanguqtirutiujuq. Naunaiyaqlugit hunat ihuaqhaidjutit upalungaiyaqtaaqtatit qanuqlu upalungaiyariangni. Tadja, upalungaiyaliqlutit!
Havaqatigilugit Aalat
Ayuiqhalutin qanuq havaqatigiigianganik ihuaqtumik aulatitiyaangatlu hakugiktumik iliqatigiiktukharnik havaqatigiyanganik.
Tuhaqtitinikkut
Atuqhimaaqlugit uqautigilugit ihumagiyatit uvalu tuhaattiaqlugit aalat kangiqhittianginirmun.
Naunaiqhimalugu: akuktauguvit ayungnautiqaryuarutikharnik havakvingni, uqaqqatigilugu havakvigiyan atanguyatluuniit ihuaqhaiyaangat.
Upalungaiqqit aularutiyaangni auladjutit?
Aulahimaarlutin havaagiyangnik upalungaikhimalutinlu ihuaqtumik havaagumayangnik!