Infographic: ASC Persona
Takulugu Eeta!
Eeta 26-nik ukiulik Inuk arnaq mikiyumit nunallaamit.
Ilaani atuqtuq kaipluamik uvaluuniin ayaupiamik taimaali aaniqhimagami qitiqmini hilvianilu aaniqniqmi.
Eeta’s Havaakhaq
Eeta havaktuq Kapanit Niuvaaviani. Havaqatini aputaiyaivaktaa hikumiklu inminut, angiyumiklu ikpatiqaqtuq naamagiyaa kaipluarutiminut.
Eeta aanniaqpaktuq uluriahukpallaaraangat. Atan’nguyaa kangiqhimayaa una ikayuutikhaq.
Eeta nakuugiyaa havaani uvalu atanguyani uqaqatigiyumablugu hivumuurutikhamik.
Hanahimayuq Avatinga
Eeta iglumiuqatiqaqtuq 8-nik ilaminik. Ikayuqatigiikhutik, kihimi ilaani Eeta piumayuq inmi nayugahaqaqhuni uvalu inuilgumi.
Eeta ilagiyaingitlu utaqiuqtunik titiraqhimayunik nuutaamik iglukharnik pivalliadjutikharnik nunalaamingni. Apiqhiyut iglumik mayuraqviqaqtumik hiliktumiklu ukkuamik Eeta aturiangani kaipluarutini iluanni.
Apiqhiblutiklu qayangnaitkutikhanik quuyaqtuqvikni uvalu uaqtiqvikhamik ikayuutighaq Eeta ananatianga qayangnaitumik quiyaqnaitumik uvalu iukkaqtailiniqmik.
Eeta takuyumayuq amigaitqiyanik atulaaqtunik iglukhanik nunagiyauyumi.
Uqaqatigiiknikmun Qablunaatun
Eeta uqaqtiuvaktuq Inuktitut anaanattianga taaktiliaraangat. Ikayuqtaa anaanatiani kangiqhipkaqhugit munaqhiliqinikkut taidjutit uvalu aghuungnaqtut kangiqhidjutit – ayungnangituq, kihimi nakuutqiatigut uuktuqpaktuq.
Eeta ikayuqhugillu anaanatiani qiniqhiabluni qaritauyakkut kangiqhidjutinik ikayuutinik, taaksinik, maniliqivingniluuniin. Ayurnarniaqtuq qiniqhiayaami qaritauyakkuurutinik nalvaaqhiyaamilu ihuaqtunik naunaitkutikhanik.
Ilaani iqihulivaktut, qaritauyakkuurutit nakuungitpata. Qamitpaktait qaritauyat uuktuffaarumaplutik qakugu.
Niuvirnirmut
Eeta ilait nutaqiuqtut kangiqhidjutinik mikhaagun nutaat iglut pivallianiranun. Aapaa maamaalu katimayaqtuqtut ayuiryuumiriami.
Ilangit nunallaamiutat iqihulivaktut upalunggaiyainirmun. Ihumayut ilaupkaqtaungitut ihumaliurutinun haffumunga angiyumun kavamatkunin-maniliqtuqtauyuq havaaghaq.
Nunallaani Pinahuarutikhat Ikajuutikhallu.
Eeta quviagiyaa miqhugiami. Iniqtilihaaqtuq nuutaamik amautikharnik quviagiyaingitlu havakpakhimayainik.
Ayuirumayuq miqhurnirmik Inirnikhaamit, kihimi kinamut apiriyaakhaminik naluyuq.
Eeta piumayuq amigaitunik piyakhanik tamainun nunallaami qiniqhialutik uvalu ilihaqlutik pitquhikkut ayuiqhautinik.
Aturniit Naunaitkutikhat Tuhapkaidjutikhanullu Qaritaujakkuurutit
Eeta quviagiyaa aturiami Facebook-mik uqaqatigiplugit ilannani.
Kihimi, qaritauyakkuurutaa Eeta igluani ihualuangituq, akituvallaaqhunilu. Ilagiyaingit akiliktuihimaanginaqtun $200 hanat tallamik tatqikhiutmi ikikliyumirutivaktunlu qaritauyaliqidjutingnik tatqikhiut nungutinanik.
Ihumayuq qaritauyakkut ilihaidjutinik uvaluuniin qiniqhialuni nutaamik ungahiktumi havaamik, kihimi piqangitpat nakuutqiamik qaritauyaliqutimik.
Inungnun Ingilradjutit?
Eeta ayuqhaliqpaktuq humungauyaamini nunamini. Humunngauyumagaangami, ihariagiyuq ilaminit apiqhiyuqluuniit akhaluutiturumapluni naalautikkut.
Una ayungnautigivakhimayaa havagiaqtugianganik tautuktauyaangatluuniit.
Piumayuq nunallaani piyaaqtumik inungnun ingilradjutinik taimaali inmikuuqpaliayaangani.
Tautungnaqtut naunaitkutit
