Inuglugijaittumik Apiqhuinikkut Apiqhuutit Atuqtakhat
Qanuqtut aturnikhanik hamna Iniqhimayuq Titiraq
Atuqlugu una aadjiliugaq unalu Ilauqatigiingnikkut Apiqhuinirmun Naunaiyautit havagiangini apiqhuinirmun atungnirit tapkua pipkaiyut uuktuqtunun tautuktitilutik ayuitamingnik.
Imailiurlutit:
- Titiraffaarlugit apiqhuinikkut apiqhuutit ilaupkaittiarianginni.
- Ihuaqhaffaarlugit apiqhuutitit apirilugit “qanuq” unaungituq “piyaaqtuq.”
- Upalungaiqhimalutit apiqhiyaangni aalakiinik qanugiliugutinik.
- Tunihilutit naunaiyattiaqhimayunik uuktuqtuq piumakpat.
- Naunaijarlugu uuktuqtuq ajuiqhimajakhaa ihariagijaujuq havaakhamun.
Apiqhuinikkut Apiqhuutit
| Apirhuut | Uuktuqlugu una | Ihumagiyauniga Titiraqtaufaaqnigani |
|---|---|---|
| Uqallautilunga ilingnik. | Quanaqutin hamaniinavit ublumi. Upalugaiqqit aulaqtiriariaqni uqaqatiriigutinik? | Pidjutaa uuma apirhuut naunavyaktuq. Nalunaqhiniaqtuq uqaqatigiinaliruvit apiqhuqtaulirumiluuniit. Naunaittiaqhimalutit qujagilugu uuktuqtuq imaalu apirilugit upalungairiakhainnik. Aularutiniaqtutit apirhuutimik mikhaagun havaatigut titiraqhimayumik havakpakhimayamingni. |
| Uqautinga qanga pittiaqhimagavit. | Uqautinga qanga tunihihimagavit manikmik akiliqtuiyumun. Qanuq pidjutigiviuk? | Hivuliq apirhuut idjuhikkut apirhuut mikhaagun itquumanikkut, kihimi nalunaqpalaaqtuq. Pidjutaa apiqhuutit naunaittialimaittungnaqhiyuq. Apiqhinahuaqlutit kitunun ayuitamingnun. Apirilugu uuktuqtuq qanuq havakpagiakhaa tamna ajuiqtakhaq. Naunaittiaqhimalutit hunanik ilitturijumajarnik. |
| Hunauvat hakugingniit uvalu ayuqhautitit? | Uqautilunga hunanik ayuitpiaqtarnik. Naunaiyaqtaaqtat una apirhuut apiqhilutit uuktuutinik kinguani havaatigut uvaluuniin inmi inuuhianin. | Apiqhuinahuaqtailutin malrungnik apiqutingnik atauhirmi uqauhirmi. Ajurnarniaqtuq uuktuqtumut ihumaliuriami kitumik kiujukhamik. Aturahuarlutit naittunik, ayurnaittunik uqauhirnik apiriyut atauhiinnarmik hunamik. Apiqhilutit attauhiqmik hunamik. |