ᐱᒻᒪᕆᐅᓂᖓ ᐃᓕᖅᑯᓯᖅᓱᑦᑎᐊᕈᓐᓃᖅᐸᓪᓕᐊᓂᕐᒧᑦ ᖃᐅᔨᔭᐅᓵᓕᓂᖅ

ᐃᓄᒃ ᐃᖅᑲᐅᒪᔪᓐᓇᐃᓪᓕᕙᓪᓕᐊᓕᖅᑎᓪᓗᒍ, ᑲᑉᐱᐊᓇᕈᓐᓇᖅᐳᖅ ᐊᒻᒪ ᐳᐃᒍᒐᒃᓴᐅᙱᓪᓗᓂ. ᑭᓯᐊᓂᓗᑦᑕᐅᖅ, ᐃᑲᔪᖅᑕᐅᔪᒪᓵᓕᓂᖅ ᐊᖏᔪᑲᓪᓚᖕᒥᒃ ᐊᒃᑐᖅᓯᓂᖃᕈᓐᓇᖅᐳᖅ.

ᐃᓕᖅᑯᓯᖅᓱᑦᑎᐊᕈᓐᓃᕐᓂᖅ ᐃᓐᓇᕈᖅᐸᓪᓕᐊᓂᑐᐃᓐᓇᐅᙱᓚᖅ. ᑎᒥᒃᑯᑦ ᖃᓄᐃᓐᓂᐅᕗᖅ. ᖃᐅᔨᔭᐅᓵᓕᓂᖅ ᐱᕚᓪᓕᕈᑕᐅᕙᒃᐳᖅ ᐃᓄᖕᒧᑦ, ᖃᑕᙳᑎᖏᓐᓄᑦ, ᓄᓇᓕᓕᒫᓄᓪᓗ.

ᑭᓱᑦ ᐱᕚᓪᓕᕈᑕᐅᔪᓐᓇᖅᐸᑦ ᖃᐅᔨᔭᐅᓵᓕᓗᓂ?

• ᐱᐅᓯᕚᓪᓕᕐᓗᑎᒃ ᑲᒪᒋᔭᐅᓂᖏᑦ, ᓱᒃᑲᓂᖅᓴᒃᑯᑦ. ᐃᓄᐃᑦ ᐃᑲᔪᖅᑕᐅᓴᕋᐃᓐᓂᖅᓴᐅᔪᓐᓇᖅᐳᑦ ᐃᓅᓕᓴᐅᑎᑎᒍᑦ, ᐃᓅᓯᓕᕆᔭᐅᓂᒃᑯᑦ, ᐊᒻᒪ ᐃᑲᔪᖅᓱᐃᓂᒃᑯᑦ ᐱᔨᑦᑎᕋᐅᑎᑎᒍᑦ. ᒥᑭᑦᑐᓂ ᐋᖅᑭᒋᐊᖅᓯᓂᖅ ᖃᐅᑕᒫᑦ ᐊᑐᖅᐸᒃᑕᖏᓐᓂ ᐃᓅᓯᖅ ᐊᑦᑕᕐᓇᙱᓐᓂᖅᓴᐅᔪᓐᓇᖅᐳᖅ ᓴᐃᓕᓂᖅᓴᐅᓗᓂᓗ.
• ᐱᕙᒌᔭᖅᓯᒪᕙᒌᕐᓗᑎᑦ. ᑕᒪᒃᑯᐊ ᐃᓄᐃᑦ ᓇᒻᒥᓂᖅ ᐃᓱᒪᓕᐅᕈᓐᓇᕐᒪᑕ ᐊᔪᓐᖏᓐᓂᖏᓐᓂ. ᖃᑕᙳᑎᒌᑦ ᐱᓕᕆᖃᑎᒌᒍᓐᓇᖅᐳᑦ ᐸᕐᓇᐃᓗᑎᒃ ᑲᒪᒋᔭᐅᔾᔪᑎᓄᑦ, ᐃᒡᓗᓄᑦ, ᐊᒻᒪ ᑮᓇᐅᔭᓄᑦ.
• ᑲᑎᙵᓂᖅᓴᐅᕙᒡᓗᑕ. ᐃᑲᔪᖅᑕᐅᓵᓕᓂᖅ ᐃᓛᓐᓂᒃᑯᑦ ᓱᒃᑲᐃᒡᓕᒋᐊᖅᑎᑦᑎᔪᓐᓇᖅᐳᖅ ᐱᕙᓪᓕᐊᓂᕆᔭᖓᓂᒃ ᖃᐅᔨᔾᔪᑕᐅᔪᓐᓇᖅᑐᓂᒃ, ᐱᕕᒃᓴᖃᖅᑎᑦᑎᓂᖅᓴᐅᕙᒃᑐᓂ ᖁᕕᐊᓱᖕᓂᕐᒥᒃ ᐃᓅᓯᕐᒥᒃ ᐃᓚᒌᖑᓗᑕ.
• ᑲᑎᙵᓂᖅᓴᐅᕙᒡᓗᑕ. ᐃᑲᔪᖅᑕᐅᓵᓕᓂᖅ ᐃᓛᓐᓂᒃᑯᑦ ᓱᒃᑲᐃᒡᓕᒋᐊᖅᑎᑦᑎᔪᓐᓇᖅᐳᖅ ᐱᕙᓪᓕᐊᓂᕆᔭᖓᓂᒃ ᖃᐅᔨᔾᔪᑕᐅᔪᓐᓇᖅᑐᓂᒃ, ᐱᕕᒃᓴᖃᖅᑎᑦᑎᓂᖅᓴᐅᕙᒃᑐᓂ ᖁᕕᐊᓱᖕᓂᕐᒥᒃ ᐃᓅᓯᕐᒥᒃ ᐃᓚᒌᖑᓗᑕ.
• ᐃᑲᔪᖅᑕᐅᔪᓐᓇᕐᓗᑎᑦ. NDMS−ᑯᑦ, ᓄᓇᓕᖕᓂ ᐋᓐᓂᐊᕖᑦ, ᖃᓄᐃᙱᑦᑎᐊᖅᑐᓕᕆᔨᓪᓗ ᐃᓕᖕᓂᒃ ᐱᑎᑦᑎᔪᓐᓇᖅᐳᑦ ᑐᓴᖅᑕᐅᔪᒃᓴᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒡᓗ.

ᐅᓂᒃᑳᖅᑐᐊᑦ ᓱᓕᔪᓪᓗ

• “ᐃᓐᓇᕈᖅᐸᓪᓕᐊᑐᐃᓐᓇᖅᑐᖅ.” ᐃᓛᓐᓂᓚᐅᓱᖓᖅ ᐊᑎᕐᓂᒃ ᐳᐃᒍᐃᓂᖅ ᖃᓄᐃᙱᑦᑐᖅ, ᑭᓯᐊᓂ ᐅᖃᐅᓯᕐᓂᒃ ᐳᐃᒍᕐᓂᖅ, ᐊᓯᐅᓂᖅ, ᐅᕝᕙᓘᓐᓃᑦ ᐃᓕᖅᑯᓯᖃᕐᓂᖅ ᐊᑐᖅᑕᐅᒐᔪᙱᑦᑐᒥᒃ ᓇᓗᓇᐃᖅᓯᔪᓐᓇᖅᐳᖅ ᐱᕐᔪᐊᖑᓂᖅᓴᒥᒃ.
• “ᓱᕙᓕᑭᐊᖑᕗᖅ ᖃᐅᔨᓇᓱᒋᐊᒃᓴᖅ.” ᕿᓚᒻᒥᐅᓂᖅᓴᒃᑯᑦ ᖃᐅᔨᒍᕕᑦ, ᐃᑲᔪᖅᑕᐅᔪᓐᓇᕐᓂᖅᓴᐅᓇᔭᖅᐳᑎᑦ−ᐊᒻᒪ ᐃᓄᒃ ᐊᐅᓚᑦᑎᔪᓐᓇᕐᓂᖅᓴᐅᓗᓂ ᐃᓅᓯᕐᒥᓂᒃ.
• “ᐃᑲᔫᑎᒃᓴᖅᑕᖃᙱᒻᒪᑦ ᓄᓇᕗᒻᒥ.” ᐃᑲᔪᖅᑕᐅᔪᓐᓇᖅᐳᑎᑦ. NDMS, ᓄᓇᓕᖕᓂ ᐋᓐᓂᐊᕖᑦ, ᐊᒻᒪ ᓄᓇᓕᖕᓂ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᑦ ᑕᒫᓃᑉᐳᑦ ᐃᓕᖕᓂᒃ ᐃᑲᔪᕈᒪᓪᓗᑎᒃ.

ᐱᓗᒍ ᐊᑐᖅᑕᐅᔪᓐᓇᖅᑐᖅ

ᐱᒻᒪᕆᐅᓂᖓ ᐃᓕᖅᑯᓯᖅᓱᑦᑎᐊᕈᓐᓃᖅᐸᓪᓕᐊᓂᕐᒧᑦ ᖃᐅᔨᔭᐅᓵᓕᓂᖅ (PDF, 206 KB)