ᓇᓗᓇᐃᔭᐅᑎ: ᐃᑲᔪᖅᑐᐃᓂᕐᒧᑦ ᐱᔨᑦᑎᕋᐅᑎᑦ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ

ᖃᐅᔨᒪᓕᕐᓗᒋᑦ ᑎᒥᒥᒍᑦ ᐊᔪᕈᑎᓕᖕᓄᑦ ᐃᑲᔪᖅᑐᐃᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᐊᑐᐃᓇᑕᐅᔪᑦ ᓄᓇᕗᒻᒥ.

ᓇᓗᓇᐃᔭᐅᑎ

ᖃᐅᔨᓴᕐᓃᑦ ᐊᒻᒪ ᓇᓗᓇᐃᖅᑕᐅᓂᖏᑦ

ᑕᑯᔭᐅᕝᕕᒃᓴᓕᐅᖅᑕᐅᔪᓐᓇᖅᐳᑎᑦ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ ᐃᓕᑦᑎᕙᓪᓕᐊᓂᕐᒧᓪᓘᓐᓃᑦ ᖃᐅᔨᓴᖅᑕᐅᓂᕐᒧᑦ ᖃᐅᔨᔭᐅᓂᕐᒧᓪᓗ ᓘᒃᑖᒧᑦ ᓄᑕᕋᓕᕆᔨᒧᓪᓘᓐᓃᑦ. ᓘᒃᑖᖃᙱᒃᑯᕕᑦ ᓄᓇᓕᖕᓂᓘᓐᓃᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᐃᓱᓕᑦᑕᕐᕕᖃᖅᐸᑕ, ᖃᓂᒋᔭᔅᓯᓐᓂ ᐋᓐᓂᐊᕕᓕᐊᕈᓐᓇᖅᐳᑎᑦ.

ᐱᔨᑦᑎᕋᐅᑎᒃᑲᓐᓃᑦ ᓲᕐᓗ ᓯᐅᑎᓕᕆᔨᑦ ᐅᕝᕙᓘᓐᓃᑦ ᐃᖃᐃᓕᓴᖅᑕᐅᓲᑦ ᐊᑐᐃᓐᓇᐅᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖃᐃᓕᓴᖅᑎᑦᑎᔨᒃᑯᑎᒍᑦ.

ᐊᖏᕐᕋᕆᔭᐅᔪᓂ ᑲᒪᒋᔭᖃᕐᓂᖅ ᑕᖃᐃᖅᓯᕐᓂᕐᒧᓪᓗ ᐱᔨᑦᑎᕋᕐᓂᕆᔭᐅᕙᒃᑐᑦ

Iᐱᑖᕈᓐᓇᖅᐳᑎᑦ ᐊᖏᕐᕋᕆᔭᐅᔪᓂ ᑲᒪᒋᔭᐅᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ, (ᐃᓚᒋᔭᐅᓪᓗᑎᒃ ᓇᖕᒥᓂᖅ ᑲᒪᒋᔭᖃᖅᐸᖕᓂᕐᒥᒃ) ᓲᕐᓗ (ᐱᐅᓴᖅᑕᐅᓂᕐᒥᒃ ᐊᓐᓄᕌᖅᑐᕐᓂᕐᒥᒡᓗ, ᑕᖃᐃᖅᓯᕐᕕᖃᕐᓂᕐᒧᑦ ᑲᒪᒋᔭᐅᓂᕐᒥᒃ ᐃᑲᔪᕈᒪᓂᕐᒧᑦ ᐃᓚᖕᓂᒃ), ᐃᖃᐃᓕᓴᕐᓂᕐᒧᓪᓗ ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑎᒍᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐋᓐᓂᐊᕕᔅᓯᓐᓄᑦ ᐅᖄᓚᔪᓐᓇᖅᐳᑎᑦ ᐅᖄᓚᓗᑎᓪᓘᓐᓃᑦ (867) 975-5776 ᐅᕝᕙᓘᓐᓃᑦ (867) 975-5709.

Pᑐᑭᓯᒋᐊᒃᑲᓐᓂᕈᒪᒍᕕᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓐᓄᐊᕈᓐᓇᖅᐳᑎᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓂ.

ᑮᓇᐅᔭᑎᒍᑦ ᐃᑲᔫᑏᑦ ᑎᒥᒥᒍᑦ ᐊᔪᕈᑎᓕᓐᓄᑦ ᑮᓇᐅᔾᔭᔅᓴᓗᐊᙱᑦᑐᓄᓪᓗ’

ᖄᒃᑲᓐᓂᐊᒍᑦ ᑮᓇᐅᔭᑎᒍᑦ ᐱᕚᓪᓕᕈᑕᐅᕙᒃᑐᑦ, ᓲᕐᓗ ᐊᑲᕐᕆᔮᕈᑎᒃᑲᓐᓂᕐᓄᑦ ᑐᓐᓂᖅᑯᑕᐅᕙᒃᑐᑦ, ᐱᔭᐅᔪᓐᓇᖅᐳᑦ ᓄᓇᔅᓯᓐᓂ ᐃᑲᔫᓯᐊᕐᕕᒋᔭᔅᓯᓐᓂ. ᑎᒥᒥᒍᑦ ᐊᔪᕈᑎᓕᖕᓄᑦ ᑖᒃᓰᔭᕈᑎᓄᑦ ᐃᓚᙵᖅᓯᒋᐊᕈᑎᑦ ᐊᓯᖏᓪᓗ ᑎᒥᒥᒍᑦ ᐊᔪᕈᑎᓕᖕᓄᑦ ᐊᒃᑐᐊᓂᓖᑦ ᐃᑲᔫᑎᑦ ᐊᑐᐃᓐᓇᐅᔪᑦ ᖃᓂᓛᒥᑦ ᐱᔨᑦᑎᕋᖅᑏᑦ ᑲᓇᑕᒥ ᑎᑎᕋᕐᕕᐊᓂᑦ.

ᐃᖅᑲᓇᐃᔭᕐᕕᖕᒥ ᐊᒻᒪ ᐱᓕᒻᒪᒃᓴᕐᓂᕐᒧᑦ ᐊᕙᑎᖓ

ᖄᒃᑲᓐᓂᐊᒍᑦ ᑮᓇᐅᔭᓕᐅᕐᓂᖅ, ᓄᓇᓕᖕᓂ ᐃᖅᑲᓇᐃᔭᓚᐅᖅᑳᕋᓂ ᐱᓕᕆᐊᑦ, ᐃᓄᓕᕆᔨᒃᑯᑦ, ᐅᕝᕙᓘᓐᓃᑦ ᑲᑭᕙᒃᑯᑦ ᐊᑐᐃᓐᓇᐅᑎᑦᑎᓲᖑᕗᑦ ᐃᖅᑲᓇᐃᔭᖅᓯᓐᓈᑦ ᐱᓕᒻᒪᒃᓴᕐᓂᕐᒥᒃ ᐊᒻᒪ ᐃᖅᑲᓇᐃᔭᕐᕕᖕᒥ ᐃᑲᔪᖅᓱᐃᔾᔪᑎᓂᒃ ᓲᕐᓗ ᐃᖅᑲᓇᐃᔮᓄᑦ ᑲᒪᔨᓂᒃ.

ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᐳᑎᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᖓ (867) 979-2228.

ᐊᔾᔨᐅᙱᑦᑐᒥᒃ ᐃᓕᓐᓂᐊᖅᑎᑦᑎᓂᖅ

ᐃᓕᓐᓂᐊᖅᑏᑦ ᓄᓇᕗᒻᒥ ᐃᓕᓐᓂᐊᕐᕕᖕᓂ ᐃᓚᐅᔪᓐᓇᖅᐳᑦ ᒪᓕᒃᑕᐅᕙᒃᑐᓄᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᖑᕙᒃᑐᓄᑦ ᐱᔭᕆᐊᖃᖅᑐᓂᒃ ᐃᓂᖃᖅᑎᑕᐅᓗᑎᒃ ᐱᑎᑕᐅᓗᑎᒃ ᐃᓕᓐᓂᐊᕐᕕᒋᔭᒥᓂ ᐅᑯᑎᒎᓇᖅ, ᐃᓛᒃᑰᖅᑐᒃᑯᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᖑᕙᒃᑐᑎᒍᑦ ᑐᙵᕕᖃᖅᑎᑕᐅᓗᑎᒃ ᐱᔭᕆᐊᖃᖅᑕᖏᓐᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ ᐃᓕᓐᓂᐊᕐᕕᒃ.

ᐊᑐᖅᑕᐅᔪᓐᓇᖅᑐᑦ ᐱᖁᑎᑦ

ᑲᐃᓪᓗᐊᕈᑎᑦ, ᐃᔨᒧᑦ ᐃᑲᔫᑏᑦ, ᐊᓯᖏᓪᓗ ᐱᖁᑎᑦ ᐱᔪᓐᓇᖅᑎᑕᐅᑐᐃᓐᓇᕆᐊᓖᑦ ᓇᓪᓕᐅᒃᑯᒫᓄᑦ ᐃᓅᓕᓴᖅᑕᐅᔭᕆᐊᓕᖕᓄᑦ ᐃᑲᔫᓯᐊᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ ᐅᕗᖓ 1-888-332-9222, ᓇᕿᒃᑲᓐᓂᕐᓗᒍ 3.