Nunavummi Timimitigut Ayurhautilgit Makinnasuaqtiit Katimayiingit
Aimavik > Atuqtakhat

Inuglugijaittumik Uqaqatigiiktunut Naunaitkutikhat

Topic icon Katitiqviit:
Type icon Qanurittuq:

Havaklugit ilauqatigiingnikkut apiqhuinirmun atuqtauyuq

Qanuqtut aturnikhanik hamna Iniqhimayuq Titiraq

Atuqlugu una naunaitkutikhaq uuminngalu Ilaupkainikkut Apiqhuinikkut Apirhuutinun Titiraq pipkaijaami apiqhuinikkut havagutit tunngahuktipkainikkut aallakkiiknun uuktuqtunun.

Mikiyunik ihuaqhaiyaaqtutit tamainun ilanginun apiqhuinikkut havauhiinun piyaagiangani tamainun uuktuqtunun, ilauyut tapkua ayuqhautiqaqtut.

Puiguqtailutit:

  • Qaitqulugit uuktuqtut ilautqulugit havaatigut ikayuqtitik apiqhuqtaulirumik.
  • Ihumagilugit aalakiit ihagiagiyait tamaita uuktuqtut.
  • Naunaitumik tuhaqtitilutit tunihiyutit ikayuutikhanik tamainun uuktuqtunun apiqhuqtautilugit.

Havaqatigiblugit Havaatigut Ayuiqhaiyit

Tunigiami uuktuqtut ikayuutikhamik havaamut ikayuqtinganit uuktuutigiyauyuq hivituyumik havaamut. Havaamut ikayuqtiuyut ikayuqtaaqtait uuktuqtut havaktingillu qanuqlikaak havaamut havaamut, unalu apirhuqtaulirumi. Havaamut ikayuqtiuyut ikayuqtaaqtait uuktuqtut ukununnga:

  1. Upalungaiyaqhimalutit kiulugit apiqhuutit apirhuutainun.
  2. Apiqhilutit naunaiyautinik uvaluuniin ilaliutihimayunik kangiqhidjutinik apiqhuutinun.
  3. Iniqtiqlugit piyakhat titiqat uvaluuniin naghaqlugit titiqat naunaitkutit apiqhuqtaunirmun.
  4. Naunaiyaqlugit havauhiit upautiyaami apirhuqtaunirmun.

Havaamut ikayuqtiuyut ikayuqtaaqtaillu havaktittiyut nakuutqiamik kangirhigiamikni qanuqtut ikayuriami havaktingit aadlatqiinik ihariagininngit. Ikayuqtaaqtaatit hapkununga:

  1. Ihuaqhaqlugit apiqhuinikkut apiqhuutit ilauqatigiingnirmun.
  2. Ihuaqhaqlugit kayumingniit apiqhuqtaunirmun ikayuriangini tamaita uuktuqtut kiuyaangini tamainun.
  3. Upalungaiyarlugu apiqhuivikhat tunngahuktitauyaangani.
  4. Havaklugit ilauqatigiingnikkut apiqhuinikkut katimayut.

Uqaqatigilugu NDMS aullaqtiriami havaamut ikayuqtinganik.

Apiqhuqtauliruvit

Ihumagilugit qanuq inuit aalakiinik ayuqhautiqaqtut igluqpangmungauniarungnaqhiyut uvalu apiqhuivingnun.

Tunilugit naunaiyattiaqhimayunik humi uuktuqtut nalvaaqhittaaqtut akhaluutiqarvikhanik, imaalu mayurarvikhanik qungmuqtirutinikluuniit igluqpangnut. Aallat ihumagijakhatit inikharnut ilaujut hiliktilaangit pihukviit, qujaginnait tunmirautit uuktuqtup qunmuuqtakhait anmunluuniit, ukkuat, apiqhuivikhat ikpatit ikhivautatluuniit. 

Ihumagilugit iliugaqlugit atugahat uvalu kangiqhidjutit piyaangnikkut pidjutit titiqanun tapkua atuqtut kangiqhinaqtumik uqauhirmik. Aadlanut takupkaqtittigumik piksanik naunaitkutinikluunniit inikhamik ikayuutauniaqtuq neurodiverse uuktuqtunut.

Ihivriuqlugit Uuktuqtun Ayuittiagiikhimayaingit havagiaqaqtaingitlu

Upalungaiqhimalutit naunaiyariami uuktuqtuq ayuitaminik ihariagiyauyuq havaamut apirhuqtaunahuaqtarnut. Turaaqhimalugit kitunun havaaghanun uvalu uuktuqtuq havaktaaqtait attautit. Ihumagilluaqlugu pittaarninnga ilihimangittumik. Inuit timimitigut ayurhautilgit ilaani piqalluanginmat havaamut uumannga amihuuninngit. Ilangit atugahat atugahat ilauyut:

  1. Tunihilutit apiqhuinikkut apiqhuutinik hivuani.
  2. Apirilugit tamaita uuktuqtut aadjikiiktunik apirhuutinik.
  3. Titiraffaaqlugit apiqhuinikkut apiqhuutit ilauqatigiingnirmun (atuqlugu Ilauqatigiingnikkut Apiqhuinikkut Apiqhuutit havaatigut ikayuutit).
  4. Apiqhilutit ‘qanuq’ unalluaq ‘piyaaqtuq.’
  5. Upalungaiqhimalutit apiqhiyaangni apiqhuutinik amigaitunik qanugiliugutinik.
  6. Tunilugit uuktuqtut kiuvikhainnik.
  7. Apiqhuqtaulutit havaakhamik nuipkaqtitarnik. Aullaqtiqtailugu apirhuqtauniq uqarlugu havaakhaq aadlanguqtuq mikiumik, una ulapiqutiginiaqtaa uuktuqtut upalungaiyariiqhimayut hivuani.

Piliurlugu Pijaaqtumik Apiqhuivikhamik Igluamik

Aadlatkiiq uuktuqtut aadlatkiingnik ihariahungniagungnaqhiyut apiqhuivikhamut. Uuktuqtuq apiqhigumi ihuaqtumik ikajuutikhamik apiqhuqtaulirumik, tunilugu. Taimaali, piyaaqtutit:

  1. Nipailrumi inikhamik pilutit ulapiqutiqangitumik.
  2. Iliuraqlugu “apiqhuqtauliqtuq, ulapiqihuiqlugu” naunaitkut ukkuaqmi.
  3. Unguvaqlugit quyaginaq ulapiqutauyut, nipiquqtuyumik ubluqhiut uvaluuniin qulvahiktut qulliit.
  4. Ihuaqhaqlugu igluaq aghuurutigilugu uqaqatigiingniq, ikhivahimaitumik akiani ikpatit uuktuqtup.

Ihuaqhaqlugit Kiklikhait

Ilitarihimalugit inuit timimikkut ayuqhautiqaqtut piyariaqaqtut hivitutqiamik iniqtiriangini havaaghanik aalanin. Ikajurlugit uuktuqtut takupkailutik pittaaqtamingnik imaatut:

  1. Pittailinahuarlugit naittut apiqhuivikhat imaaluuniit ajuittakhainnik qaujihaidjutikhat, hapkuat ajuqhautauniarunaqhijut.
  2. Pivikhaqaqtittilutik atauhillaanut apiqhuidjutikhanut.
  3. Tuniluni hivitutqiamik uqaqatigiikniqmik.
  4. Tunihiblutik ilaliutihimayunik ikaangnighanik ayuitamingnik uuktuutinik ihagiagiyaukpata.