ᐃᓚᓕᐅᔾᔨᓯᒪᑦᑎᐊᕐᓗᓂ ᐃᖅᑲᓇᐃᔮᒃᓴᒥᒃ ᓴᖅᑭᑎᑦᑎᓂᕐᒧᑦ ᐊᑐᖅᑕᐅᔪᓐᓇᖅᑐᖅ
ᖃᓄᖅ ᐊᑐᕈᓐᓇᕐᒪᖔᑦ ᑖᓐᓇ ᑎᑎᕋᖅᓯᒪᔪᖅ
ᑲᑎᒡᓗᒍ ᑖᓐᓇ ᐊᑐᖅᑕᐅᔪᓐᓇᖅᑐᖅᐃᓚᓕᐅᔾᔨᓯᒪᓗᓂ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓᓄᑦ ᐊᑐᖅᑕᐅᔪᓐᓇᖅᑐᒥᒃ ᓴᖅᑭᑎᑦᑎᔪᒪᓂᕐᒧᑦ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒧᑦ ᑲᔪᓯᓂᕆᔭᐅᕙᒃᑐᒥᒃ ᑐᙵᓱᒃᑎᑦᑎᔪᒥᒃ ᐱᓇᔪᒃᑐᓄᑦ ᐊᔾᔨᒌᙱᕈᓘᔭᖅᑐᓂᒃ ᓇᑭᙶᖅᓯᒪᓂᖏᓐᓂᒃ. ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᐃᓗᓕᖃᐅᑦᑎᐊᖅᑐᖅ ᓇᓗᓇᐃᔭᐅᑎᓂᒃ ᐃᖅᑲᓇᐃᔮᒧᑦ. ᑖᓐᓇ ᐊᑐᖅᑕᐅᔪᓐᓇᖅᑐᖅ ᐃᓚᓯᕗᖅ ᑲᒻᐸᓂᐅᑉ ᓇᓗᓇᐃᔭᐅᑎᖏᓐᓂᒃ, ᑐᙵᓱᒃᑎᑦᑎᓂᕐᒥᒃ ᐊᑐᕈᓐᓇᕐᓂᕐᒥᒡᓗ ᑎᑎᕋᖅᓯᒪᔪᓂᒃ, ᐊᔪᕆᖅᓲᔾᔨᓯᒪᔪᓂᒡᓗ ᖃᓄᖅ ᐱᓇᔪᒍᓐᓇᕐᒪᖔᖅᐱᑦ.
ᓄᑖᙳᕆᐊᕐᓗᒋᑦ ᓇᓗᓇᐃᖅᓯᒪᔪᑦ ᑎᑎᕋᖅᓯᒪᔪᑦ ᐊᒻᒪ ᕿᕐᓂᖅᑐᑦ ᑎᑎᕋᖅᓯᒪᔪᑦ ᑲᒻᐸᓂᕕᑦ ᒥᒃᓵᓅᖓᔪᓄᑦ. ᐱᐊᓂᒃᐸᑕ, ᐲᔭᖅᑕᐃᓐᓇᕆᓗᒋᑦ ᐊᒥᐊᒃᑯᑦ ᐊᔪᕆᖅᓲᔾᔨᓯᒪᔪᑦ ᑎᑎᕋᖅᓯᒪᔪᑦ ᑐᖑᔪᖅᑐᒥᑦ.
ᐃᖅᑲᐅᒪᓂᐊᖅᐳᑎᑦ:
- ᑐᙵᓇᖅᑐᒥᒃ ᐃᓚᓕᐅᔾᔨᓯᒪᑦᑎᐊᖅᑐᒥᒡᓗ ᐅᖃᐅᓯᕐᓂᒃ ᐊᑐᖅᐸᒡᓗᓯ
- ᑐᑭᓯᓇᑦᑎᐊᖅᐸᒡᓗᑎᑦ ᑕᒻᒪᖅᑕᖅᓯᒪᙱᑦᑎᐊᖅᐸᒡᓗᑎᓪᓗ
- ᐅᔾᔨᕐᓇᖅᓯᑎᑦᑎᐊᖅᐸᒡᓗᒋᑦ ᐊᔪᕈᓐᓃᖅᑕᐅᕙᒃᑐᑦ
- ᐃᓚᓕᐅᑎᓗᒋᑦ ᐊᑐᕈᓐᓇᕐᓂᕐᒧᑦ ᑎᑎᕋᖅᓯᒪᔪᑦ
- ᑎᑎᕋᕈᓐᓇᑦᑎᐊᖅᐸᒡᓗᑎᑦ ᓂᐱᖃᑦᑎᐊᖅᐸᒡᓗᑎᑦ ᓴᙱᔪᓂᒃ ᐅᖃᐅᓯᕐᓂᒃ ᐊᑐᖅᐸᒡᓗᑎᑦ
[ᐃᖅᑲᓇᐃᔮᖓᑕ ᑕᐃᒎᓯᐊ]
[ᐃᖅᑲᓇᐃᔮᖓᑕ ᓇᓃᓐᓂᖓ ᐅᕝᕙᓘᓐᓃᑦ ᐅᖓᓯᒃᑐᒦᑦᑐᖅ − ᐱᔭᕆᐊᖃᖅᐸᑦ]
ᑭᒃᑯᑐᐃᓐᓇᑦᑎᐊᑦ ᐱᓇᔪᖁᔨᕗᒍᑦ.
ᑲᑐᔾᔨᖃᑎᒌᖑᔫᑉ ᑐᕌᒐᖓᑦ
[ᑲᑐᔾᔨᖃᑎᒌᖑᔫᑉ ᑐᕌᒐᖓᓄᑦ ᑎᑎᕋᖅᓯᒪᔪᖁᑎᖏᑦ ᑐᓂᓗᒋᑦ ᐱᓇᔪᒃᑐᑦ ᖃᐅᔨᕚᓪᓕᖁᓪᓗᒋᑦ ᐱᔾᔪᑎᒋᔭᕐᓂᒃ ᐱᒻᒪᕆᐅᒋᔭᕐᓂᒡᓗ, ᐃᑲᔪᕐᓗᒋᑦ ᖃᐅᔨᓇᓱᒃᑎᓪᓗᒋᑦ ᑲᑐᔾᔨᖃᑎᒌᒡᕕᒋᔭᐃᑦ ᓈᒻᒪᖕᒪᖔᑦ ᑖᒃᑯᓄᖓ. ᐱᓕᕆᐊᒃᓴᒧᑦ ᑎᑎᕋᖅᓯᒪᔪᒥᒃ ᒪᓂᒪᔪᖃᙱᑉᐸᑦ, ᒪᓂᒪᑎᑦᑎᓗᑎᑦ ᓇᐃᑦᑐᒥᒃ ᐅᓂᒃᑲᐅᓯᖃᕐᓂᕐᒥᒃ ᑲᑐᔾᔨᖃᑎᒌᒡᕕᒋᔭᕐᓂᒃ, ᐃᓚᒋᔭᐅᓗᑎᒃ ᑲᒻᐸᓂᒋᔭᕕᑦ ᐱᒻᒪᕆᐅᒋᔭᖏᑦ, ᖃᓄᖅ ᐊᖏᑎᒋᓂᖓ ᑲᒻᐸᓂᒋᔭᖅᐱᑦ, ᖃᓄᐃᑦᑑᓂᖓᓗ ᓇᖕᒥᓂᕆᔭᑦ ᐊᐅᓚᑕᐃᑦ.]
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ
[ᐃᓱᒪᒃᓴᖅᓯᐅᕈᑎᖃᕐᓗᑎᑦ ᐊᑐᕐᓂᕐᒥᒃ ᓇᓗᓇᐃᒃᑯᓯᖅᓯᒪᔪᓂᒃ ᑕᕝᕙᓂ ᐊᕕᒃᓯᒪᓂᕐᒥ ᓇᓗᓇᙱᑦᑎᐊᖅᑐᒥᒃ ᐅᔾᔨᕐᓇᖅᓯᑎᑦᑎᔪᒪᓂᕐᒧᑦ ᐱᒻᒪᕆᐊᓗᖕᓂᒃ ᑐᓴᖅᑕᐅᔪᒃᓴᓂᒃ.]
ᑲᒪᒋᔭᒃᓴᑎᑦ ᐅᑯᐊᖑᕗᑦ: [ᐱᑎᑦᑎᓗᑎᑦ ᐊᑕᖐᑦᑎᐊᖅᑐᓂᒃ ᑎᑎᕋᖅᓯᒪᔪᓂᒃ ᐃᖅᑲᓇᐃᔮᑉ ᑲᒪᒋᔭᒃᓴᖏᓐᓂᒃ]
ᖃᐅᑕᒫᑦ, ᓂᕆᐅᒋᔭᐅᖃᑦᑕᕐᓂᐊᖅᐳᑎᑦ ᐃᒪᓐᓇ: [ᓇᓗᓇᐃᕐᓗᒋᑦ ᐱᓕᕆᐊᒃᓴᑦ ᑕᕝᕙᓂ ᐃᓂᒥ]
ᑕᒪᓐᓇ ᐊᓂᒍᖅᑎᑦᑐᒪᓪᓗᒍ, ᐱᓕᕆᖃᑦᑕᕐᓂᐊᖅᐳᑎᑦ [ᐃᓄᑑᓗᑎᑦ, ᐱᓕᕆᖃᑎᒌᒃᑐᓂ, ᐱᓕᕆᖃᑎᒌᒃᑐᓄᑦ ᓯᕗᓕᖅᑎᐅᓗᑎᑦ, ᐊᓯᖏᓪᓗ]
ᐱᓇᔪᖕᓂᕆᔭᑎᑦ ᐃᑲᔪᕐᓂᐊᖅᐳᑦ ᑲᒻᐸᓂᒋᔭᐅᔪᒥᒃ [ᐅᓂᒃᑲᐅᓯᕆᓗᒍ ᐱᒻᒪᕆᐅᓂᖓ ᑖᔅᓱᒪ ᐱᓕᕆᐊᒃᓴᐅᑉ ᑲᑐᔾᔨᖃᑎᒌᒧᑦ]
ᐊᔪᙱᓐᓂᕆᔭᐅᔪᑦ ᐱᔭᐅᓯᒪᔭᕆᐊᖃᖅᑐᓪᓗ
ᐱᒻᒪᕆᐅᔪᑦ ᐊᔪᙱᑕᐅᔭᕆᐊᓖᑦ ᐅᑯᐊᖑᕗᑦ [ᐱᑎᑦᑎᔪᖃᕐᓗᓂ ᐊᑕᖐᑦᑎᐊᖅᑐᒥᒃ ᐅᓂᒃᑳᖅᓯᒪᔪᒥᒃ ᐱᓪᓗᐊᑕᕐᓂᒃ ᐊᔪᕈᓐᓃᖅᑕᐅᕙᒃᑐᓂᒃ ᐊᔪᙱᓐᓂᕆᔭᐅᔪᓂᒡᓗ ᐱᔭᐅᓯᒪᔭᕆᐊᓕᖕᓂᒃ ᑖᔅᓱᒧᖓ ᐃᖅᑲᓇᐃᔮᒧᑦ, ᐃᓚᒋᔭᐅᓗᑎᒃ ᑕᑯᔾᔪᑕᐅᔪᓐᓇᖅᑐᑦ].
ᖃᓄᐃᒻᒪᑦ ᐅᕙᑦᑎᓐᓂ ᐱᓕᕆᖃᑎᖃᕆᐊᖃᖅᐱᑦ?
ᑖᓐᓇ [ᐅᓪᓗᓕᒫᖅ/ᐅᓪᓘᑉ ᐃᓚᐃᓐᓇᖓᓂ] ᐃᖅᑲᓇᐃᔮᒃᓴᖅ ᐱᑎᑦᑎᕙᒃᐳᖅ [ᑎᑎᕋᕐᓗᒋᑦ ᑕᒪᕐᒥᑦᑎᐊᖅ ᐱᕚᓪᓕᕈᑕᐅᔪᓐᓇᖅᑐᑦ ᐃᖅᑲᓇᐃᔭᕐᓗᓂ ᐱᓕᕆᕝᕕᒋᔭᕐᓂ, ᓇᓗᓇᐃᔭᖅᓯᒪᑦᑎᐊᕐᓗᑎᑦ ᑐᑭᓯᓇᑦᑎᐊᕐᓗᑎᒡᓗ. ᐊᑐᖅᑕᐃᓕᒋᑦ ᐱᑐᐃᓐᓇᐅᙱᑦᑐᓂᒃ ᐅᖃᐅᓯᕐᓂᒃ ᓇᐃᒡᓕᒋᐊᖅᓯᒪᔪᓂᒡᓘᓐᓃᑦ. ᐆᒃᑑᑎᒋᓗᒍ, ᑲᒻᐸᓂᒋᔭᐃᑦ ᐊᔾᔨᐅᙱᑦᑐᒥᒃ ᐊᑎᖃᖅᐸᑦ ᐃᖅᑲᓇᐃᔭᖅᑎᓄᑦ ᐱᕚᓪᓕᕈᑎᒃᓴᓄᑦ ᐱᓕᕆᐊᒧᑦ, ᓇᓗᓇᐃᕐᓗᒍ ᑭᓲᖕᒪᖔᑦ ᑭᓱᓂᒡᓗ ᐃᓗᓕᖃᕐᒪᖔᑦ.]
ᖃᓄᖅ ᐱᓇᔪᒍᓐᓇᕐᒪᖔᑦ: [ᐃᖅᑲᐅᒪᓂᐊᖅᐳᑎᑦ ᐃᖅᑲᓇᐃᔮᖅᑖᕋᓱᐊᒃᑐᑦ ᖃᕆᓴᐅᔭᒃᑯᑦ ᐊᑐᕈᓐᓇᑦᑎᐊᙱᑐᐃᓐᓇᕆᐊᖃᕐᓂᖏᓐᓂᒃ, ᐊᒻᒪ ᖃᔅᓯᑲᓪᓚᖕᓂᒃ ᓂᕈᐊᒐᒃᓴᖃᖅᑎᑦᑎᓗᑎᒃ ᐱᓇᔪᖕᓂᐊᕐᓗᓂ, ᓲᕐᓗ ᐅᐸᒡᓗᒋᑦ ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑯᑦ.]
ᓇᒃᓯᐅᑎᓗᒋᑦ ᐱᓇᔫᑎᑦ [ᐅᐸᒡᓗᒋᑦ, ᑎᑎᖅᑲᒃᑯᕕᒃᑯᑦ, ᐃᕐᖐᓐᓈᖅᑕᐅᒃᑯᑦ, ᓱᒃᑲᔪᒃᑯᑦ, ᐊᓯᖏᑎᒍᓪᓘᓐᓃᑦ ᐃᓱᓕᕝᕕᒃᓴᖓ ᑎᑭᓚᐅᙱᓐᓂᖓᓂ.]
ᐱᓇᔪᒍᑎᒋᔭᕐᓂ, ᐱᑎᑦᑎᓗᑎᑦ: [ᑎᑎᕋᕐᓗᒋᑦ ᑐᓴᖅᑕᐅᔪᒃᓴᐃᑦ ᑲᒻᐸᓂᒋᔭᕕᑦ ᐱᔭᕆᐊᖃᖅᑕᖏᓐᓂᒃ ᐃᖅᑲᓇᐃᔮᒃᓴᒧᑦ ᐱᓇᔪᖕᓂᐊᕐᓗᓂ. ᐱᓕᕆᔾᔪᓯᖅ ᐊᑐᐃᓐᓇᐅᓂᖅᓴᐅᖁᓪᓗᒍ, ᐊᔪᕐᓇᕈᓐᓃᖅᑎᒋᐊᕐᓗᒍ ᐊᔪᕐᓇᙱᒃᑳᖓᑦ.]
[ᐱᓇᔪᒃᑕᐅᔫᑉ ᓈᓴᐅᑖ, ᐱᑕᖃᖅᐸᑦ] [ᑲᒻᐸᓂᐅᑉ ᐊᑎᖓ] [ᑎᑎᖅᑲᒃᑯᕕᐊᑕ ᑐᕌᕈᑖ] [ᐅᖄᓚᐅᑎᖓ] [ᐃᕐᖐᓐᓈᖅᑕᐅᑦ]
ᑐᓐᓂᖅᑯᑎᒋᓗᒍ ᐱᓇᔫᑎᑦ ᑐᕌᖅᑎᓪᓗᒍ ᐅᕗᖓ: [ᐃᓄᒃ ᐃᖅᑲᓇᐃᔮᕐᓘᓐᓃᑦ, ᐱᔭᕆᐊᖃᖅᐸᑦ]
ᑐᙵᓱᒃᑎᑦᑎᓂᖅ/ᐊᑐᕈᓐᓇᕐᓂᕐᒧᑦ ᐅᖃᐅᓯᒃᓴᑦ
[ᐱᑐᐃᓐᓇᕆᐊᖃᓕᕈᕕᑦ, ᐋᖅᑭᒋᐊᕐᓗᒍ ᐊᑖᓃᑦᑐᖅ ᓇᖕᒥᓂᖅ ᑐᙵᓱᒃᑎᑦᑎᓂᕐᒧᑦ ᐅᖃᐅᓯᒃᓴᕐᓂᒃ ᐊᒻᒪ ᐊᑐᕈᓐᓇᕐᓂᕐᒧᑦ ᑎᑎᕋᖅᓯᒪᔪᓂᒃ. ᐃᓕᖕᓂᒃ ᐃᑲᔪᕐᓂᐊᕐᓗᑎᑦ ᐱᒋᐊᕐᓂᕐᒧᑦ, ᐃᓱᒪᒋᓗᒍ ᐊᓯᔾᔨᕐᓗᒍ ᐆᒃᑑᑎᒋᔭᐅᔪᖅ ᐱᑎᑕᐅᔪᖅ ᐊᒃᑐᐊᓂᖃᖅᑎᓪᓗᒍ ᐃᖅᑲᓇᐃᔭᕐᕕᖕᓄᑦ.]
ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑐᐃᓐᓇᐅᔪᓂᑦ ᐃᖅᑲᓇᐃᔭᕐᕕᑦᑎᓐᓂᑦ ᑲᓇᑕᒥᓪᓗ ᐃᖅᑲᓇᐃᔭᕐᕕᖕᓂᑦ ᐊᔾᔨᒌᙱᑦᑑᑎᓂᑦ ᐱᓕᕆᐊᖑᕙᓪᓕᐊᔪᒪᔪᓂᑦ, ᐃᓚᐅᓪᓗᑎᒃ ᐃᓂᖃᖅᑎᑕᐅᓂᖏᑦ ᑎᒥᒥᒍᑦ ᐊᔪᕈᑎᓕᖕᓄᑦ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ [ᐃᕐᖐᓐᓈᖅᑕᐅᑦ] ᐅᖄᓚᓗᑎᓪᓘᓐᓃᑦ [ᐅᖄᓚᐅᑎᖓ].
ᐱᓕᕆᐊᖃᒻᒪᕆᒍᒪᕗᒍᑦ ᓇᓕᒧᒌᒃᑎᑦᑎᓂᕐᒥᒃ ᐱᕕᒃᓴᖃᖅᑎᑦᑎᓂᕐᒥᒃ ᐃᖅᑲᓇᐃᔭᕐᕕᐅᓂᕐᒥᒃ. ᑎᓕᐅᕆᕗᒍᑦ ᐱᓇᔪᒃᑐᓂᒃ ᑭᒃᑯᑐᐃᓐᓇᓂᒃ ᓇᑭᙶᕈᓘᔭᖅᑐᓂᒃ, ᐃᓚᒋᔭᐅᓪᓗᑎᒃ ᑕᐃᒃᑯᐊ ᑎᒥᒥᒍᑦ ᐊᔪᕈᑎᓖᑦ. ᓈᒻᒪᒃᑐᓂᒃ ᐃᓂᖃᖅᑎᑦᑎᓲᖑᕗᒍᑦ ᐱᓇᔪᒃᑐᓕᒫᓄᑦ ᐊᒻᒪ ᐃᖅᑲᓇᐃᔭᖅᑎᓕᒫᓄᑦ. ᖁᔭᓕᕗᒍᑦ ᐊᔾᔨᒌᙱᕈᓘᔭᖅᑐᓂᒃ ᐃᖅᑲᓇᐃᔭᖅᑎᖁᑎᑦᑎᓐᓂᒃ ᓄᓇᓕᖕᓂᓗ ᐱᔨᑦᑎᕋᖅᑕᑦᑎᓐᓂᒃ. ᐊᔾᔨᒌᙱᕈᓘᔭᕐᓂᖅ ᐃᓚᖃᖅᐳᖅ ᓴᖅᑭᑎᑦᑎᓂᕐᒥᒃ ᐃᖅᑲᓇᐃᔭᕐᕕᒋᔭᐅᔪᒥᒃ ᑕᒪᒃᑯᐊ ᐊᑐᓂᑦ ᐃᓄᐃᑦ ᐊᔾᔨᖃᙱᑦᑐᑦ ᐊᔪᙱᓐᓂᕆᔭᖏᑦ ᐃᓕᓴᕆᔭᐅᓯᒪᓪᓗᑎᒃ, ᐱᒻᒪᕆᐅᑎᑕᐅᓪᓗᑎᒃ, ᐃᒃᐱᒋᔭᐅᑦᑎᐊᖅᓱᑎᒃ, ᐃᑲᔪᖅᑐᖅᑕᐅᓪᓗᑎᒡᓗ ᐊᖏᒡᓕᒋᐊᖅᑎᑦᑎᔪᒪᓪᓗᑎᒃ ᐊᔪᙱᓐᓂᕆᔭᒥᓂᒃ ᓴᙱᓂᕆᔭᒥᓂᒡᓗ.