ᑐᑭᓯᓇᑦᑎᐊᖅᑐᖅ, ᖃᓄᐃᓕᐅᕐᓂᖅ, ᐱᕕᒃᓴᖅ ᑐᕌᕆᔭᐅᔪᑦ ᐃᖅᑲᓇᐃᔭᖅᑎᑦᑎᔨᓄᑦ
ᑐᑭᓯᓇᑦᑎᐊᖅᑐᖅ, ᖃᓄᐃᓕᐅᕐᓂᖅ, ᐱᕕᒃᓴᖅ, ᐊᑐᖅᑎᓪᓗᒋᑦ ᑎᑭᑕᐅᓇᓱᐊᖅᑐᑦ ᐱᐅᓯᒋᐊᕈᑎᒃᓴᑦ
ᖃᓄᖅ ᐊᑐᕆᐊᖃᕐᒪᖔᑦ ᑖᔅᓱᒥᖓ ᑎᑎᖅᑲᒥᒃ
ᑕᑯᒍᕕᑦ ᐃᖅᑲᓇᐃᔭᖅᑎᒥᒃ ᐊᔪᕐᓇᖅᑐᖅᓯᐅᖅᑐᒥᒃ ᓇᓗᓇᐃᕐᓗᒍᓗ ᐱᓕᕆᑦᑎᐊᙱᓐᓂᖓᓂᒃ, ᑖᓐᓇ ᑎᑎᖅᑲᖅ ᐊᑐᕐᓗᒍ ᐋᖅᑭᒃᓯᓂᕐᒧᑦ ᑐᕌᒐᕆᔭᐅᔪᓂᒃ ᐋᖅᑭᒃᓯᓗᑎᓪᓗ ᐸᕐᓇᐅᑎᒥᒃ ᐃᑲᔪᖅᓱᐃᓂᕐᒧᑦ ᐱᐅᓯᒋᐊᖅᑎᑦᑎᓂᕐᒧᑦ.
ᐳᐃᒍᖅᑕᒋᐃᓕᑦ:
- ᐃᓱᒪᑦᑕᐃᓕᒋᑦ ᐱᓕᕆᑦᑎᐊᙱᓐᓂᖅ ᐊᔪᕈᑎᖃᕐᓂᕐᒧᑦ ᐱᔾᔪᑕᐅᒋᐊᖓ.
- ᐅᖃᖃᑎᒋᓗᒍ ᐃᖅᑲᓇᐃᔭᖅᑎᒋᔭᐃᑦ ᖃᓄᐃᓕᐅᓕᕐᒪᖔᑕ.
- ᐅᓂᒃᑲᐅᓯᕆᓗᒋᑦ ᐊᔾᔨᒌᙱᓐᓂᖏᑦ ᐊᔪᕈᑎᓖᑦ ᐊᒻᒪ ᐱᔾᔪᑕᐅᔪᑦ ᐊᒃᑐᐊᓂᓖᑦ ᐱᓕᕆᑦᑎᐊᕐᓂᕐᒧᑦ.
- ᖅᑭᒃᓯᓗᑎᑦ ᑐᑭᓯᓇᑦᑎᐊᖅᑐᓂᒃ ᑐᕌᒐᕆᔭᐅᔪᓂᒃ ᐱᓕᕆᐊᖑᔭᕆᐊᓕᖕᓂᒃ ᐱᕕᒃᓴᕆᑎᑕᐅᔪᒥᒃ.
ᑐᑭᓯᓇᑦᑎᐊᖅᑐᓂᒃ, ᐱᓕᕆᐊᖑᔭᕆᐊᓕᖕᓂᒃ, ᐱᕕᒃᓴᕆᑎᑕᐅᔪᒥᒃ ᑐᕌᕆᔭᐅᔪᑦ
ᐅᖃᐅᓯᖃᓕᕌᖓᕕᑦ ᐱᓕᕆᑦᑎᐊᕐᓂᕐᒧᑦ ᐃᓱᒪᒋᔭᒃᓴᒥᒃ ᐃᖅᑲᓇᐃᔭᖅᑎᒧᑦ, ᐃᑲᔪᕐᓗᒋᑦ ᓴᖅᑭᑎᑦᑎᓂᕐᒥᒃ ᐱᕙᒌᔭᖅᑕᐅᓯᒪᔪᒥᒃ ᐱᐅᓯᒋᐊᖅᑎᑦᑎᓂᕐᒧᑦ. ᐊᑕᐅᓯᖅ ᐊᑑᑎᖃᑦᑎᐊᖅᑐᖅ ᐊᑐᖅᑕᐅᔪᓐᓇᖅᑐᖅ ᑕᒪᑐᒧᖓ ᐋᖅᑭᒃᓱᐃᓂᐅᕗᖅ ᑐᑭᓯᓇᑦᑎᐊᖅᑐᓂᒃ, ᐱᓕᕆᐊᖑᔭᕆᐊᓕᖕᓂᒃ, ᐱᕕᒃᓴᕆᑎᑕᐅᔪᒥᒃ ᑐᕌᕆᔭᐅᔪᓂᒃ.
ᐊᑐᓂ ᑎᑎᖅᑲᑦ ᐅᖃᐅᓯᕐᒥ ᑐᑭᓯᓇᑦᑎᐊᖅᑐᖅ, ᖃᓄᐃᓕᐅᕐᓂᖅ, ᐱᕕᒃᓴᖅ ᑭᒡᒐᖅᑐᐃᕗᑦ ᐱᒻᒪᕆᐊᓗᖕᒥᒃ ᐃᓗᓕᖏᓐᓂᒃ ᑐᕌᒐᕆᔭᐅᔪᓂᒃ ᐋᖅᑭᒃᓱᐃᓂᕐᒧᑦ. ᑐᕌᕆᔭᐅᔪᑦ ᑐᑭᓯᓇᑦᑎᐊᖅᑐᖅ ᐱᓕᕆᐊᖑᔭᕆᐊᖃᖅᓱᑎᒡᓗ ᖃᖓᒃᑰᕋᔭᕐᓂᖓᓂ.
ᐅᓂᒃᑲᐅᓯᖃᕐᓂᖅ ᐱᕙᒌᔭᖅᑕᐅᓯᒪᔪᒥᒃ ᑕᐃᒪᓐᓇ ᑐᑭᓯᓇᑦᑎᐊᖅᑐᒥᒃ ᑐᓴᐅᒪᑎᑦᑎᕙᒃᐳᖅ ᓂᕆᐅᒋᔭᐅᔪᓂᒃ ᑭᒃᑯᓕᒫᓄᑦ ᐃᑲᔪᖅᐸᒃᑐᓂᓗ ᐃᖅᑲᓇᐃᔭᖅᑎᒥᒃ ᑐᑭᓯᐅᒪᓕᕐᓂᕐᒥᒃ ᖃᖓ ᖃᓄᕐᓗ ᐊᓂᒍᖅᑎᑦᑎᓇᔭᕐᒪᖔᑦ ᑐᕌᕆᔭᒥᓂᒃ.
ᐊᐱᖅᑯᑎᒃᓴᑦ ᐋᖅᑭᒃᓱᐃᓂᐊᕐᓗᓂ ᑐᑭᓯᓇᑦᑎᐊᖅᑐᖅ, ᖃᓄᐃᓕᐅᕐᓂᖅ, ᐱᕕᒃᓴᖅ ᑐᕌᕆᔭᐅᔪᓂᒃ
ᐃᓱᒪᒋᓗᒋᑦ ᐊᑐᕐᓗᒋᑦ ᑖᒃᑯᐊ ᐊᐱᖅᑯᑏᑦ ᐃᑲᔪᕐᓂᐊᕐᓗᒋᑦ ᐱᕙᓪᓕᐊᑎᑦᑎᓂᕐᒧᑦ ᐊᑐᓂ ᐃᓚᒋᔭᐅᔪᓂᒃ ᑐᑭᓯᓇᑦᑎᐊᖅᑐᖅ, ᖃᓄᐃᓕᐅᕐᓂᖅ, ᐱᕕᒃᓴᖅ ᑐᕌᕆᔭᐅᔪᓄᑦ
ᐱᓕᕆᐊᖃᓕᕌᖓᕕᑦ ᑕᒪᐃᓐᓂᒃ ᐃᓗᓕᖏᓐᓂᒃ ᑐᑭᓯᓇᑦᑎᐊᖅᑐᖅ, ᖃᓄᐃᓕᐅᕐᓂᖅ, ᐱᕕᒃᓴᖅ ᑐᕌᕆᔭᐅᔪᒥᒃ, ᐊᑐᕐᓗᒋᑦ ᐊᑖᓃᑦᑐᑦ ᐊᐱᖅᑯᑎᒃᓴᐃᑦ ᑕᓯᐅᖅᓯᔾᔪᑎᒋᓂᐊᕐᓗᒋᑦ ᑲᔪᓯᕙᓪᓕᐊᓂᕆᔭᕐᓄᑦ.
ᑐᑭᓯᓇᑦᑎᐊᖅᑐᖅ
ᑎᑭᑕᐅᓇᓱᐊᖅᑐᖅ ᑐᑭᓯᓇᑦᑎᐊᖅᐸᑦ, ᐃᖅᑲᓇᐃᔭᖅᑏᑦ ᑐᑭᓯᐅᒪᕗᑦ ᖃᓄᐃᓕᐅᕆᐊᖃᕐᒪᖔᑕ ᖃᑯᒍᓗ ᐱᓕᕆᔭᕆᐊᖃᕐᒪᖔᑕ.
- ᐃᖅᑲᓇᐃᔭᖅᑎ ᖃᓄᐃᓕᐅᖁᕕᐅᒃ?
- ᖃᓄᐃᒻᒪᑦ ᐃᖅᑲᓇᐃᔭᖅᑎ ᑕᐃᒪᐃᓕᐅᖁᕕᐅᒃ?
- ᑭᓱᒥᒃ ᐃᖅᑲᓇᐃᔭᖅᑎ ᐱᔭᕆᐊᖃᖅᐸ ᐱᔭᕇᖅᓯᓂᐊᕐᓗᓂ?
ᖃᓄᐃᓕᐅᕐᓂᖅ
ᓴᖅᑭᑎᑦᑎᓂᖅ ᐱᓕᕆᐊᖃᕐᓂᕐᒧᑦ ᐱᕙᒌᔭᖅᑕᐅᓯᒪᔪᒥᒃ ᐃᓕᖕᓂᒃ ᐱᕕᒃᓴᖃᖅᑎᑦᑎᕗᖅ ᓇᓗᓇᐃᖅᓯᑦᑎᐊᕐᓂᕐᒥᒃ ᑭᓱᓪᓚᑦᑖᓂᒃ ᐱᓕᕆᐊᒃᓴᓂᒃ ᐃᖅᑲᓇᐃᔭᖅᑏᑦ ᐱᓕᕆᓂᐊᕐᒪᖔᑕ ᖃᖓᒃᑯᓪᓗ, ᐃᓕᓗᒋᑦ ᖃᖓᒃᑰᕋᔭᕐᓂᖏᓐᓄᑦ.
- ᐃᖅᑲᓇᐃᔭᖅᑎ ᖃᓄᐃᓕᐅᕋᔭᖅᐸ?(ᐱᓕᕆᓗᑎᑦ ᖃᓄᑐᐃᓐᓇᖅ)
- ᐃᖅᑲᓇᐃᔭᖅᑎ ᑲᒪᒋᔭᖃᕐᓂᐊᖅᑐᖅ ᖃᓄᐃᓕᐅᕐᓂᖏᓐᓄᑦ.
- ᐃᖅᑲᓇᐃᔭᖅᑎ ᐱᕕᖃᖅᑎᑕᐅᓂᐊᖅᑐᖅ ᐃᓕᑕᕆᔭᐅᓗᓂ ᐱᓕᕆᐊᖏᓐᓄᑦ
ᐱᕕᒃᓴᖅ
ᖃᖓᒃᑰᕋᔭᕐᓂᖓ ᐱᒻᒪᕆᐅᕗᖅ ᓲᖃᐃᒻᒪ ᓇᓗᓇᙱᑦᑎᐊᖅᓱᓂ ᑕᑯᒃᓴᐅᑎᑦᑎᖕᒪᑦ ᖃᖓ ᐃᖅᑲᓇᐃᔭᖅᑏᑦ ᐱᒋᐊᕋᔭᕐᒪᖔᑕ, ᖃᖓᒃᑰᕋᔭᕐᓂᖏᓐᓂᒃ ᐊᑐᓂ ᐱᓕᕆᐊᒃᓴᑦ, ᖃᖓᓗ ᓂᕆᐅᒋᔭᐅᖕᒪᖔᑕ ᐱᔭᕇᓂᐊᕐᓂᖏᓐᓂᒃ.
- ᐃᖅᑲᓇᐃᔭᖅᑎ ᐱᒋᐊᓛᖅᐸ?
- ?ᖃᖓ ᐃᖅᑲᓇᐃᔭᖅᑎ ᐱᔭᕇᓛᖅᑲ?
- ᖃᓄᐃᓕᐅᕆᐊᖃᖅᐸ ᐃᖅᑲᓇᐃᔭᖅᑎ ᐊᔾᔨᒌᙱᑦᑐᓂ ᐱᓕᕆᓂᐅᔪᓂ ᐊᑐᖅᐸᓪᓕᐊᓂᖏᓐᓂ?
ᑐᕌᒐᕆᔭᐅᔪᖅ ᑐᑭᓯᓇᑦᑎᐊᖅᐸᑦ, ᐃᖅᑲᓇᐃᔭᖅᑏᑦ ᑐᑭᓯᐅᒪᕗᑦ ᖃᓄᐃᓕᐅᕆᐊᖃᕐᒪᖔᑕ ᖃᖓᒃᑯᓪᓗ.
ᓴᖅᑭᑎᑦᑎᓂᖅ ᐱᓕᕆᐊᖃᕐᓂᕐᒧᑦ ᐱᕙᒌᔭᖅᑕᐅᓯᒪᔪᒥᒃ ᐃᓕᖕᓂᒃ ᐱᕕᒃᓴᖃᖅᑎᑦᑎᕗᖅ ᓇᓗᓇᐃᖅᓯᓂᕐᒥᒃ ᖃᓄᓪᓚᑦᑖᖅ ᐃᖅᑲᓇᐃᔭᖅᑏᑦ ᖃᓄᐃᓕᐅᕋᔭᕐᒪᖔᑕ ᖃᑯᒍᓗ ᓇᓗᙱᑦᑎᐊᕈᒪᓂᕐᒧᑦ ᐱᓕᕆᐊᒃᓴᐃᑦ ᒪᓕᒃᑲᓗᐊᕐᒪᖔᑕ ᐱᕕᒃᓴᕆᔭᐅᔪᒥᒃ.
ᖃᖓᒃᑰᕋᔭᕐᓂᖓ ᐱᒻᒪᕆᐊᓘᕗᖅ ᓲᖃᐃᒻᒪ ᑐᑭᓯᓇᖅᓯᑎᑦᑎᓯᒪᖕᒪᑦ ᖃᖓ ᐃᖅᑲᓇᐃᔭᖅᑏᑦ ᐱᒋᐊᕋᔭᕐᒪᖔᑕ, ᐱᓕᕆᐊᖃᕐᓗᑎᒃ ᑕᒪᐃᓐᓂᒃ ᐱᓕᕆᐊᒃᓴᓂᒃ, ᐱᐊᓂᒡᓗᒋᓪᓗ. ᑐᕌᒐᖏᑦ ᓇᓗᓇᐃᑦᑎᐊᕐᓗᒋᑦ. ᓇᓗᙱᑦᑎᐊᕐᓗᑎᑦ ᐃᖅᑲᓇᐃᔭᖅᑎᒋᔭᐃᑦ ᐱᓯᒪᒐᓗᐊᕐᒪᖔᑦ ᐊᑐᖅᑕᐅᔭᕆᐊᓕᖕᓂᒃ ᐱᓕᕆᔾᔪᑎᓂᒃ ᐱᓕᕆᐊᖃᕐᓂᐊᕐᓗᓂ. ᐋᖅᑭᒃᓯᓗᑎᑦ ᖃᖓᒃᑰᕋᔭᕐᓂᖓᓂᒃ ᓂᕆᐅᒋᓇᔭᖅᑕᕐᓂᒃ ᐊᓂᒍᖅᑎᑦᑎᓇᔭᕐᓂᖏᓐᓂᒃ ᑐᕌᕆᔭᒥᓂᒃ ᐋᖅᑭᒃᓯᓗᑎᓪᓗ ᖃᖓᒃᑰᕋᔭᕐᓂᖏᓐᓂᒃ ᖃᐅᔨᒋᐊᕐᕕᒋᓂᐊᕐᓗᒋᑦ.