ᑐᑦᑕᕐᕕᖓ

ᑕᑯᓐᓇᒐᕆᕙᕗᑦ ᐃᓄᓕᒫᓄᑦ ᑎᒥᒥᒍᑦ ᐊᔪᕈᑎᖃᖅᑐᓄᑦ ᓄᓇᖃᖅᑐᓄᑦ ᓄᓇᕗᒻᒥ ᓇᒻᒥᓂᖅ ᐊᐅᓚᒍᓐᓇᖅᓯᖁᓪᓗᒋᑦ ᐊᑦᑕᑎᖃᕋᑎᒃ ᐊᓯᒥᓐᓂᒃ, ᓇᒻᒥᓂᖅ ᐱᔪᓐᓇᖅᑐᒋᓕᖁᓪᓗᒋᑦ ᐊᒻᒪᓗ ᐃᓅᖃᑕᐅᑦᑎᐊᖁᓪᓗᒋᑦ ᓄᓇᓕᒥᓐᓂᒃ.

ᐱᓕᕆᐊᕗᑦ

ᐱᔭᖏᖅᓴᐃᕙᑉᐳᒍᑦ ᖃᐅᔨᒪᒋᐊᖅᑎᑦᑎᓪᓗᑕ, ᓴᖅᑭᔮᖅᑎᑦᑎᓪᓗᑕ ᐊᑐᖅᑕᐅᔪᓐᓇᖅᑐᓂᒃ, ᓂᕈᐊᒐᖃᖅᑎᑦᑎᓪᓗᑕ ᐊᒻᒪᓗ ᐃᓚᐅᖃᑦᑕᖅᑎᑦᑎᓪᓗᑕ ᓇᐅᒃᑯᓕᒫᖅ ᐃᓅᓯᕐᒥᑦ ᓄᓇᕗᒻᒥ!

ᐅᕙᑦᑎᓐᓄᑦ ᐃᓚᐅᖃᑕᐅᒋᔅᓯ

ᐃᓅᓯᓕᒫᖅ ᐃᑲᔪᖅᓱᖅᑎᐅᓯᒪᒍᕕᑦ ᐅᕝᕙᓘᓐᓃᑦ ᓄᑖᖑᒍᕕᑦ ᐅᕙᒍᑦ ᐱᓇᓱᐊᕐᓂᖓᓄᑦ, ᖃᐃᖅᑯᔨᕗᒍᑦ ᐃᓕᓐᓂᑦ. ᑐᓐᖓᓱᑦᑎᑦᑎᕗᒍᑦ ᑐᓴᕈᒪᓪᓗᑕ ᓄᑖᓂᒃ ᐃᓱᒪᒋᔭᐅᔪᓂᒃ ᐊᒻᒪᓗ ᐱᔪᒪᓂᖃᑦᑎᐊᖅᑐᓂᒃ ᐃᓚᒋᔭᐅᖃᑕᐅᔪᓂᒃ ᐊᒻᒪᓗ ᐃᑲᔪᖃᑦᑕᖅᑐᓂᒃ ᐊᑭᓕᖅᓱᖅᑕᐅᒐᑎᒃ, ᓄᑖᖑᔪᓂᑦ ᐊᒻᒪᓗ ᐱᑐᖃᐅᔪᓂᑦ. ᐅᖃᕐᕕᒋᑎᒍᑦ ᐅᓪᓗᒥ!

ᐱᓇᓱᐊᕐᓂᐅᔪᓄᑦ ᐸᕐᓇᐅᑏᑦ

ᐱᓇᓱᐊᕐᓂᕆᕙᕗᑦ ᐊᑦᑕᑎᖃᕈᓐᓃᕈᒪᓪᓗᑕ, ᓇᒻᒥᓂᖅ ᐱᔪᓐᓇᖅᑐᒋᓕᕈᒪᓪᓗᑕ ᐊᒻᒪᓗ ᐃᓅᖃᑕᐅᑦᑎᐊᕈᒪᓪᓗᑕ ᓄᓇᕗᒻᒥᐅᓕᒫᓂᑦ ᑎᒥᒥᒍᑦ ᐊᔪᕈᑎᖃᖅᑐᓂᒃ.

ᐱᔾᔪᑕᐅᔪᑦ:

  • ᐋᖅᑮᒋᐊᕈᒪᓪᓗᑎᒃ ᐃᓅᓯᖏᓐᓂᑦ ᑕᐃᒃᑯᐊ ᑎᒥᒥᒍᑦ ᐊᔪᕈᑎᖃᖅᑐᑦ ᓄᓇᕗᒻᒥ;
  • ᐊᔭᐅᖅᓱᖅᑕᐅᖁᓪᓗᑦ ᑕᐃᒃᑯᐊ ᑎᒥᒥᒍᑦ ᐊᔪᕈᑎᓖᑦ ᐱᓕᕆᖃᑕᐅᑦᑎᐊᓕᖁᓪᓗᒋᑦ ᐅᕙᒍᑦ ᐱᓕᕆᐊᖏᓐᓂᑦ;
  • ᐃᑲᔪᖅᓱᕐᓗᒋᑦ ᐊᒻᒪᓗ ᐋᔩᕈᑎᒋᖃᑦᑕᕐᓗᒋᑦ ᐱᔪᓐᓇᐅᑎᖏᑦ ᐊᒻᒪᓗ ᓴᖅᑭᑕᐅᖁᔭᖏᑦ ᑕᐃᒃᑯᐊ ᑎᒥᒥᒍᑦ ᐊᔪᕈᑎᓖᑦ; ᐊᒻᒪᓗ
  • ᐱᔭᖏᖅᓴᖅᑕᐅᖁᓪᓗᑦ ᐃᖅᑲᓇᐃᔮᒃᓴᓂᑦ ᐊᑐᐃᓐᓇᐅᕕᐅᑦᑎᐊᖁᓪᓗᒋᑦ ᑎᒥᒥᒍᑦ ᐊᔪᕈᑎᓖᑦ.

ᑕᐃᒪᐃᖃᑦᑕᖅᐳᒍᑦ ᐱᔭᖏᖅᓴᐃᓪᓗᑕ, ᓴᖅᑭᔮᖅᑎᑦᑎᓪᓗᑕ ᐊᑐᖅᑕᐅᔪᓐᓇᖅᑐᓂᒃ, ᓂᕈᐊᒐᒃᓴᖃᖅᑎᑦᑎᓪᓗᑕ ᐊᒻᒪᓗ ᐃᓚᐅᑎᑦᑎᖁᔨᓪᓗᑕ ᓇᐅᒃᑯᑐᐃᓐᓇᖅ ᐃᓅᓯᕐᒥᑦ ᓄᓇᕗᒻᒥ.

ᐊᑐᐊᒐᕗᑦ:

ᐃᒻᒥᒎᖅᑐᑦ: ᑭᒃᑯᐃᓐᓇᐃᑦ ᑎᒥᒥᒍᑦ ᐊᔪᕈᑎᓖᑦ ᐱᔪᓐᓇᐅᑎᖃᖅᐳᑦ ᐃᓱᒪᒋᔭᐅᑦᑎᐊᕆᐊᖃᖅᑐᑎᒃ ᐊᒻᒪᓗ ᐅᐱᒋᔭᐅᑦᑎᐊᕆᐊᖃᖅᑐᑎᒃ. ᐱᓕᕆᐊᑦ ᐊᒻᒪᓗ ᐃᑲᔪᖅᓲᑏᑦ ᐋᖅᑭᑦᑕᐅᓯᒪᒋᐊᖃᖅᐳᑦ ᑕᑯᓐᓇᕐᓗᑎᒃ ᓴᖅᑭᑕᐅᖁᔭᖏᓐᓂᑦ ᐊᒻᒪᓗ ᐱᓇᓱᐊᕐᓂᖏᓐᓂᑦ ᑭᒃᑯᑐᐃᓐᓇᐃᑦ.
ᓇᒻᒥᓂᖅ ᐱᔪᓐᓇᕐᓂᖃᖅᑐᒋᓂᖅ: ᑭᒃᑯᑐᐃᓐᓇᐃᑦ ᑎᒥᒥᒍᑦ ᐊᔪᕈᑎᓖᑦ ᐱᔪᓐᓇᐅᑎᖃᖅᐳᑦ ᐊᔾᔨᒌᒥᑦ ᐱᔭᐅᒋᐊᖃᖅᑐᑎᒃ, ᐃᓱᒪᓕᐅᕈᓐᓇᕐᓗᑎᒃ ᐊᒻᒪᓗ ᓇᒻᒥᓂᖅ ᐊᐅᓚᑦᑎᔪᓐᓇᑦᑎᐊᖁᓪᓗᒋᑦ ᓇᐅᒃᑯᑐᐃᓐᓇᖅ ᐃᓅᓯᕐᒥᓂᒃ.
ᓄᓇᓕᒻᒥᐅᓂᑦ ᐃᓚᐅᑎᑦᑎᓂᖅ: ᑭᒃᑯᑐᐃᓐᓇᐃᑦ ᑎᒥᒥᒍᑦ ᐊᔪᕈᑎᖃᖅᑐᑦ ᐱᔪᓐᓇᐅᑎᖃᖅᐳᑦ ᐃᑲᔪᖅᓱᖅᑕᐅᒋᐊᖃᖅᑐᑎᒃ ᐃᓱᒪᖅᓱᕐᓗᑎᒃ ᐃᓚᐅᖃᑕᐅᔪᒪᑉᐸᑕ ᓄᓇᓕᖓᓐᓂ ᖃᓄᐃᓕᐅᖅᑐᖃᖅᑎᓪᓗᒍ ᐊᒻᒪᓗ ᐃᓚᐅᖃᑕᐅᑦᑎᐊᕐᓗᑎᒃ ᐃᓅᖃᑕᐅᑦᑎᐊᕐᓗᑎᒃ ᓄᓇᓕᖓᓐᓂ ᐅᓂᒍᑎᖃᓐᖏᓪᓗᑎᒃ ᑎᒥᒥᒍᑦ ᐊᒻᒪᓗ ᐃᓅᓯᕐᒥᒍᑦ.